ມີຄົນລັກຖອນເງິນ ຈາກບັນຊີ ແບບ ບໍ່ຮູ້ໂຕ

ໄມຊູລີ
2018-04-25
ອີແມວລ໌
ຄໍາເຫັນ
Share
ພິມ
ທະນາຄານ BCEL ທີ່ ນະຄອນຫລວງວຽງຈັນ
ທະນາຄານ BCEL ທີ່ ນະຄອນຫລວງວຽງຈັນ
Public Domain

ມີການລັກຖອນເງິນຈາກບັນຊີ ທະນາຄານ ຕ່າງປະເທດ ຂອງແມ່ຍິງລາວ ແບບບໍ່ຮູ້ສາເຫດຈໍານວນ 10 ລ້ານ 3 ແສນກີບ ແລະ ທາງ ທະນາຄານ ກໍກໍາລັງ ກວດສອບຢູ່.

ໃນວັນທີ 14 ເມສາ 2018 ຜ່ານມານີ້ເວລາ 5 ໂມງແລງ ມີຊາວລາວຜູ້ນຶ່ງ ຢູ່ບ້ານເກິນ ເມືອງທຸຣະຄົມ ແຂວງວຽງຈັນ ແຈ້ງວ່າມີການ ຖອນເງິນ ຈາກຕ່າງປະເທດ ໃນບັນຊີທະນາຄານຂອງຕົນທັງໝົດ 10 ລ້ານ 3 ແສນກີບ; ດັ່ງປະຊາຊົນ ຜູ້ເສັຍຫາຍກ່າວຕໍ່ ວິທຍຸເອເຊັຍ ເສຣີ ໃນວັນທີ 25 ເມສ ນີ້ວ່າ:

“ຄືຈັ່ງຊິ້ເນາະ ຢູ່ດີໆໂທຣະສັບ ຂ້ອຍມີແອັປ BCEL ONE ເນາະ ແລະຢູ່ດີໆ ກໍມີແຈ້ງເຕືອນຂຶ້ນມາ ຖືກຖອນເງິນຈາກຕ່າງປະເທດ ຖອນເທື່ອລະ 5 ລ້ານ ແລ້ວຕອນນີ້ຍັງບໍ່ຮູ້ວ່າ ມັນແມ່ນປະເທດໃດ ຕອນນີ້ກໍຍັງບໍ່ຮູ້ເທື່ອວ່າທະນາຄານ ກໍາລັງເຮັດຫຍັງຢູ່ເນາະ ມີແຕ່ ເພິ່ນໃຫ້ຖ້າ ປະມານທິດສອງທິດ ເພິ່ນຈັ່ງສິໃຫ້ຄໍາຕອບ ເພາະທາງ ທະນະຄານເພິ່ນຕ້ອງໄດ້ check ຣະບົບ.”

ຜູ້ເສັຍຫາຍອະທິບາຍວ່າ ຕົນໄດ້ຮັບຂໍ້ຄວາມແຈ້ງເຕືອນຜ່ານ app BCEL ONE ອອກໂດຍທານະຄານ ການຄ້າຕ່າງປະເທດ ມະຫາຊົນ ວ່າຖືກຖອນເງິນ ຈາກຕ່າງປະເທດ 2 ເທື່ອ ເທື່ອລະ 5 ລ້ານປາຍກີບ ຮວມທັງໝົດເປັນ 10 ລ້ານປາຍກີບ ເສັຍຄ່າຖອນ ເງິນຈາກຕ່າງ ປະເທດ ເທື່ອລະແສນປາຍກີບ ແລະຄ່າບໍຣິການ ກວດຍອດເງິນຈາກຕ່າງປະເທດ 4 ພັນປາຍກີບ ຮວມທັງໝົດ 10 ລ້ານ 3 ແສນກີບ ໂດຍໃຊ້ເວລາພຽງ 2 ນາທີ.

ຫລັງຈາກນັ້ນ ຜູ້ເສັຍຫາຍ ໄດ້ນໍາເອົາຫລັກຖານຖອນເງິນ ຈາກຕ່າງປະເທດ ໄປແຈ້ງຕໍ່ເຈົ້າໜ້າທີ່ ທະນາຄານການຄ້າ ຕ່າງປະເທດ ສາຂາ ວຽງຈັນໃນມື້ວັນທີ 19 ເມສາ 2018 ເພື່ອກວດສອບສາເຫດວ່າ ເປັນຫຍັງເງິນຈຶ່ງຖືກຖອນ ໂດຍບໍ່ໄດ້ຮັບອະນຸຍາດ,

ເຈົ້າໜ້າທີ່ ທະນາຄານການຄ້າ ຕ່າງປະເທດລາວເວົ້າວ່າ ຮັບຊາບບັນຫານີ້ ແລະຂໍເວລາກວດສອບ ຣະບົບການຖອນເງິນ ຂອງທະນາຄານ ແລະການເຄື່ອນໄຫວບັນຊີ ຂອງຜູ້ເສັຍຫາຍຄືນໃໝ່ ຄາດວ່າຈະໃຊ້ເວລາ 1-2 ອາທິດ.

ເຖິງຢ່າງໃດກໍຕາມ ຕໍ່ບັນຫານີ້ ວິທຍຸເອເຊັຍເສຣີ ໄດ້ຕິດຕໍ່ໄປຍັງ ທະນາຄານ ການຄ້າຕ່າງປະເທດ ໃນມື້ວັນທີ 25 ເມສາ 2018 ນີ້ເພື່ອ ຣາຍລະອຽດ ແລະຄວາມຄືບໜ້າ ແຕ່ເຈົ້າໜ້າທີ່ທະນາຄານເວົ້າວ່າ ກໍາລັງດໍາເນີນການ ກວດສອບເຣື້ອງບັນຊີຢູ່.

ຄໍາເຫັນ (1)
Share

(

Monkey Lao from France, I challenge you go invest your $500,000 and purchase your properties in Laos. You might as well give up your French passport while you're at it. I'd like to see how stupid you can be. Good luck boys and girls.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 30, 2018 05:22 AM

ເຕັມຫນ້າ