ໄຟຟ້າລາວອອກກວດ ມິດເຕີ ໄຟ

ສິດນີ
2016-05-27
ອີແມວລ໌
ຄໍາເຫັນ
Share
ພິມ
ພtນັກງານ ໄຟຟ້າລາວ ກວດກາ ມິດເຕີ ໄຟຟ້າ ຫລັງຈາກ ປະຊາຊົນທັກທວງ ຣາຄາໄຟຟ້າສູງ
ພtນັກງານ ໄຟຟ້າລາວ ກວດກາ ມິດເຕີ ໄຟຟ້າ ຫລັງຈາກ ປະຊາຊົນທັກທວງ ຣາຄາໄຟຟ້າສູງ
Citizen journalist

ອີງຕາມ ໃບແຈ້ງການ ເລກທີ 0961 ລົງວັນທີ 25 ພຶສພາປີ 2016 ຣັຖມົນຕຣີ ກະຊວງ ພລັງງານ ແລະ ບໍ່ແຮ່ ສປປລາວ ດຣ ຄຳມະນີ ອິນທິລາດ ໄດ້ສັ່ງໄປຍັງ ຜູ້ອຳນວຍການ ໃຫຍ່ ຣັຖວິສຫະກິຈ ໄຟຟ້າລາວ ໃຫ້ສົ່ງ ພະນັກງານ ໄປກວດກາ ເກັບກຳ ຂໍ້ມູນ ການໃຊ້ງານ ຂອງຫມໍ້ ປັ່ນໄຟ ຕາມເຂດຕ່າງໆ ໃນ ນະຄອນຫຼວງ ທີ່ ປະຊາຊົນ ຮຽກຮ້ອງມາ ໂດຍກົງ ຫລື ຜ່ານ ສື່ສັງຄົມ ທີ່ຈົ່ມວ່າ ຣາຄາໄຟ ແພງເກີນໄປ ແລ້ວ ໃຫ້ຣາຍງານ ຣາຍລະອຽດ ເປັນຣະບົບ ແລະ ຊອກຊ່ອງທາງ ແກ້ໄຂ ແນະນຳ ໃຫ້ຖືກຕ້ອງ ເພື່ອ ຄວາມເຂົ້າໃຈ ໃນການ ຊົມໃຊ້ ໄຟຟ້າ ຕາມມາຕຖານ ຂອງ ຣັຖວິສຫະກິຈ ໄຟຟ້າ ລາວ ທີ່ ກຳນົດໃວ້.

ໃບແຈ້ງການດັ່ງກ່າວ ມີຂຶ້ນຫລັງຈາກ ທີ່ ປະຊາຊົນ ທັກທ້ວງ ຣັຖບານ ໃນ ການເກັບຄ່າ ໄຟຟ້າ ແພງເກີນໄປ ໃນເດືອນ ພຶສພາ ນີ້ ຊຶ່ງ ທາງການລາວ ກໍໄດ້ຈັດ ຖແລງຂ່າວ ກ່ຽວກັບ ເຣື້ອງນີ້ແລ້ວ ແຕ່ ປະຊາຊົນ ຍັງບໍ່ພໍໃຈ ຍ້ອນການວ່າ ການຖແລງຂ່າວ ນັ້ນ ເປັນການ ແກ້ຫນ້າຊື່ໆ ບໍ່ແມ່ນການ ແກ້ໄຂ ບັນຫາ.

ໃນຂນະດຽວກັນ ຫ້ອງການ ໄຟຟ້າ ນະຄອນຫຼວງ ຝ່າຍ ປະຕິບັດ ການ ກໍໄດ້ອອກ ແຈ້ງການ ອີກສະບັບນຶ່ງ ເລກທີ 738 ລົງວັນທີ 26 ພຶສພາ ນີ້ວ່າໃຫ້ ປະຊາຊົນ ຜູ້ໃຊ້ ໄຟຟ້າ ທີ່ຈົ່ມວ່າ ແພງເກີນໄປນັ້ນ ເອົາໃບເກັບ ຄ່າໄຟຟ້າ ດັ່ງກ່າວ ມາແຈ້ງຕໍ່ ພະນັກງານ ຂອງຫ້ອງການ ຕາມສາຂາ ເມືອງ ຕາມສູນ ບໍຣິການ ຮັບເງິນ ໃກ້ບ້ານ ແລະທີ່ ສຳນັກງານ ໄຟຟ້າ ນະຄອນຫຼວງ ທາງຫ້ອງການ ຈະມີທີມງານ ໄປກວດກາ ຫມໍ້ປັ່ນໄຟ ທີ່ບ້ານທ່ານ. ໃບແຈ້ງການ ດັ່ງກ່າວ ລົງນາມ ໂດຍ ທ່ານ ມີໄຊ ຈິດທິລາດ ຫົວຫນ້າ ຝ່າຍປະຕິບັດ ການໄຟຟ້າ ນະຄອນຫລວງ.

ຄໍາເຫັນ (4)
Share

ປະຊາຊົນລາວ

ຈາກ ລາວ

ບໍ່ແມ່ນຊຽງຫມ້ຽງ ຊຽງຫມູ ຍັງດອກ. ມັນແມ່ນນິໃສສັນດານໂຈນ ສັນດານຂີ້ສໍ້ຕໍ່ແຫລ ລ້ວນໆ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 05, 2016 12:58 PM

ຄົນລາວ

ຈາກ ຄະຄອນ ຫລວງວຽງຈັນ

ບັນຫາຄ່າໄຟຟ້າແພງ: ນິ້ກໍແມ່ນແຜນ ທີ່ ຄະນະພັກແລະຣັຖ ວາງແຜນຈະດຸດເລືອດດຸດຢາງ ຂອງປະຊາຊົນອືກເທືອນື່ງ ເພີ່ນວາງແຜນຜິດ ຄິດວ່າປະຊາຊົນ ຈະນຳເພີ່ນບໍ່ທັນ ແຕ່ແລ້ວປະຊາຊົນນຳທັນ. ຈື່ງຫາທາງແກ້ຕົວ ໃຫ້ພະນັກງານ ອອກໄປກວດເບີ່ງໃໝ່ ເພີ່ນຢາກກີນຫລາຍໂພດ ພັດກາຍເປັນບັນຫາ. ຖ້າຢາກກີນກໍກີນນ້ອຍ ຄົງຈະບໍ່ມີບັນຫາຍັງ? ອັນນິ້ຢາກຫລາຍໂພດ ພັດບໍ່ໄດ້ກີນຊໍ້າ. ດຽວນິ້ປະຊາຊົນເຂົາ ບໍ່ໄດ້ໂງ່ດອກເດີ ທ່ານຜູ້ນຳເອີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 05, 2016 12:57 PM

ຄ.ນະຄຳມ່ວນ

ຈາກ ທ່າແຂກ

ຫລິ້ນກັບປະຊາຊົນຂອງລາວເອງ ແບບຊຽງຫມ້ຽງ ຕົວະຄົນຍຸກໂລກາພິວັດ ນີ້ບໍ່ໄດ້ອີກແລ້ວ, ຢູ່ບ່ອນໄດວ່າ: ຈະສ້າງໃຫ້ແຜ່ນດິນລາວ ເປັນຫມໍ້ໄຟແຫ່ງເອເຊັຍ, ຍ້ອນຄວາມ ສລາດສ່ອງໄສ ຂອງພັກນຳພາ, ຣັຖບໍລິຫານແລະຄູ່ມຄອງ ເລີຍສ້າງໃຫ້ ໄຟໄຫມ້ດິນລາວໂຕເອງ ທູກຢ່າງ, ນີ້ບໍ່ຄວາມຈະເລີນຮູ່ງ ເຮືອງຂອງ ສປປລາວ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 01, 2016 02:33 PM

ຄົນ

ຈາກ ລາວ

ປັນຫາຄ່າໄຟຟ້າແພງ ບໍ່ແມ່ນບັນຫາສຳຄັນຕົ້ນຕໍກ່ຽວກັບມີເຕີ້ ຫລືຄົນໄປຈົດຫລືເດົາຄ່າໄຟ ຫລືພິມຜິດຢ່າງດຽວ ຄຳຊີ້ແຈ້ງກາຍເປັນຊຽງໝ້ຽງ ໄປຕົວພະຍາອີກແລ້ວ ແຕ່ມີເບື້ອງໜ້າເບື້ອງຫລັງ ຄື:
1..........
2..........
3..........
4..........
5..........
ໃຫ້ຜູ້ຮູ້ແທ້ຈາກປະສົບການແລະຂໍ້ມູນຂໍ້ເທັດຈິງ ຕອບແທນເນາະ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 29, 2016 02:21 PM

ເຕັມຫນ້າ