ໄຟຟ້າລາວຖແລງຂ່າວ

ອຸ່ນແກ້ວ ສຸກສະຫວັນ
2016-05-25
ອີແມວລ໌
ຄໍາເຫັນ
Share
ພິມ
ຣັຖວິສຫະກິຈໄຟຟ້າລາວ ໃຫ້ການຖແລງຂ່າວ ຕໍ່ສື່ມວລຊົນ ເພື່ອໄຂຂໍ້ຂ້ອງໃຈ ປະຊາຊົນ
ຣັຖວິສຫະກິຈໄຟຟ້າລາວ ໃຫ້ການຖແລງຂ່າວ ຕໍ່ສື່ມວລຊົນ ເພື່ອໄຂຂໍ້ຂ້ອງໃຈ ປະຊາຊົນ
Courtesy of Tholakhong

ໃນວັນທີ 24 ພຶສພາ ຣັຖວິສຫະກິຈ ໄຟຟ້າລາວ ໄດ້ຈັດ ຖະແຫລງຂ່າວ ຕໍ່ ສື່ມວລຊົນ ແລະ ຕອບຄຳຖາມ ຂອງ ສື່ມວລຊົນ ຢູ່ ນະຄອນຫຼວງ ວຽງຈັນ. ໃນນັ້ນ ບັນດາ ນັກຂ່າວ ໄດ້ຖາມ ກ່ຽວກັບ ສາເຫດ ຄ່າໄຟແພງ, ການຄິດໄລ່ ຄ່າໄຟຟ້າ ແລະ ຖາມເຖີງ ຄວາມເໝາະສົມ ໃນການຂຶ້ນ ຄ່າໄຟຟ້າ. ດັ່ງ ນັກຂ່າວ ທ່ານນຶ່ງ ໄດ້ຖາມວ່າ:

"ໂຕທີນຶ່ງທີ່ ທຸກຄົນຮູ້ເນາະ ກໍຄືໝໍ້ໄຟ ອາຊຽນ ໝົດທຸກຄົນຮູ້ ທົ່ວໂລກຮູ້ ແຕ່ເປັນຫຍັງ ປະຊາຊົນລາວ ຜູ້ທີ່ເປັນ ເຈົ້າຂອງ ໝໍ້ໄຟ ຈຶ່ງຕ້ອງຈ່າຍ ຄ່າໄຟແພງ ຄຳຖາມ ທີສອງ ເອົາຫລັກການ ອັນໃດມາ ຄິດໄລ່ ກະແສ ໄຟຟ້າ ມັນແຕກຕ່າງ ອັນໃດແດ່ ມັນແຕກຕ່າງ ກັນແບບໃດ. ສ່ວນຄຳຖາມ ທີສາມ ແມ່ນແນ່ນອນ ເນາະ ການຂຶ້ນຄ່າ ໄຟຟ້າ ມັນຈະເປັນ ຜົນກະທົບ ບໍ່ສະເພາະແຕ່ ຄົວເຮືອນ ແຕ່ມັນເປັນ ຜົນກະທົບ ຕໍ່ຣະບົບ ຕໍ່ຄ່າໃຊ້ຈ່າຍ ແລະ ຄ່າຄອງຊີບ ຊຶ່ງ ປັດຈຸບັນ ນີ້ ເສຖກິຈ ເຮົາຝືດເຄືອງ ທີ່ສຸດ ແຕ່ເຮົາ ຊໍ້າພັດຂຶ້ນ ຄ່າໄຟຟ້າ ມັນເໝາະສົມ ແລ້ວຫລືຍັງ".

ນັກຂ່າວ ທ່ານນີ້ ຍັງໄດ້ຖາມ ຕື່ມອີກກ່ຽວກັບ ເລື້ອງການຂຶ້ນ ຄ່າໄຟຟ້າ ສົມທຽບ ກັບເງິນເດືອນ ພະນັກງານ ແລະ ປະຊາຊົນ, ແລະການຂຶ້ນ ຄ່າໄຟ້ຟ້າ ໄດ້ຜ່ານ ສະພາ ຫລືບໍ່. ດັ່ງຍານາງ ຖາມວ່າ:

"ແລ້ວ ຄຳຖາມທີ ສີ່ ເນາະ ການຂຶ້ນຄ່າ ໄຟຟ້າ ແຕ່ລະຄັ້ງ ເຮົາໄດ້ມີ ເອົາຣາຍຮັບ ຕົວຈິງ ຂອງ ພະນັກງານ ແລະ ຂອງ ປະຊາຊົນ ມາຄິດໄລ່ ມາດຕະເກນ ວ່າຈະຂຶ້ນ ຄ່າໄຟຟ້າ ແບບໃດບໍ່ ແລ້ວ ອີກຄຳຖາມ ນຶ່ງ ການຂຶ້ນ ຄ່າໄຟຟ້າໂຕນີ້ ໄດ້ຜ່ານ ສະພາ ບໍ່".

ອີງຕາມ ຜູ້ທີ່ເຂົ້າຮ່ວມ ການຖະແຫລງຂ່າວ ໄດ້ຮູ້ວ່າ ເຈົ້າໜ້າທີ່ ໄຟຟ້າລາວ ໃຫ້ ເຫດຜົນວ່າ ສາເຫດ ທີ່ຕ້ອງຂຶ້ນ ຄ່າໄຟຟ້າ ຄື:

1.ແມ່ນຄ່າໄຟຟ້າ ຢູ່ ປະເທດລາວ ຍັງຖືກຢູ່ ຖ້າທຽບໃສ່ 9 ປະເທດ ອາຊຽນ ແລະ ຈຳເປັນ ຕ້ອງໄດ້ຂຶ້ນ ເພື່ອ ໃຫ້ແທດເໝາະ,

2. ແມ່ນໃນເດືອນ ເມສາ ຜ່ານມາ ເປັນເດືອນທີ່ ອາກາດຮ້ອນຫຼາຍ ດັ່ງນັ້ນ ປະຊາຊົນ ຈື່ງ ໃຊ້ໄຟຫຼາຍ ແບບບໍ່ຮູ້ໂຕ,

3: ເກີດຄວາມຜິດພາດ ນຳ ພະນັກງານ ຈົດເລກ ຢູ່ໝໍ້ນັບໄຟ.

ແຕ່ໃນເວລາ ດຽວກັນ ຊາວນະຄອນຫຼວງ ວຽງຈັນ ກໍໃຫ້ ຄຳເຫັນວ່າ ຄຳຕອບ ຂອງ ເຈົ້າໜ້າທີ່ ໄຟຟ້າລາວ ບໍ່ສົມເຫດ ສົມຜົນ, ດັ່ງທ່ານ ກ່າວຕໍ່ ເອເຊັຽເສຣີ ວ່າ:

"ມັນບໍ່ ສົມເຫຕສົມຜົນ ຫັ້ນເນາະ ລະກະໄດ້ຍິນ 3 ຫົວຂໍ້ໃຫ່ຽ ກະຄື ເນາະ, ທາງບໍລິສັດ ໄຟຟ້າລາວ ບອກວ່າ ປະຊາຊົນ ໃຊ້ໄຟຟ້າ ເກີນກຳນົດ ແບບບໍ່ຮູ້ໂຕ ເນາະ ອັນນີ້ຄ້າຍໆ ແບບວ່າ ເປັນການ ແກ້ໂຕໄດ໋ ບໍ່ມີການແກ້ໄຂ ຫັ້ນນ່າ ເຈົ້າ".

ຣັຖວິສຫະກິຈ ໄດ້ຂຶ້ນຄ່າໄຟຟ້າ 2 ເປີເຊັນ ຕໍ່ປີ ຊຶ່ງໄດ້ເລີ້ມ ແຕ່ປີ 2013 ຈົນໄປຮອດ ປີ 2017.

ຄໍາເຫັນ (5)
Share

ສາມລໍ້

ຈາກ ສປປ ລາວ

ຖາມໄປກໍໄດ້ຄຳຕອບແກ້ໂຕ ແບບມະລຸ່ມມະລ້ວຍພໍແລ້ວໄປ ເຫດຜົລຟັງບໍ່ຂື້ນ, ເວົ້າຖີ້ມໂທດຕີກັບໃສ່ແຕ່ຜູ້ຊົມໃຊ້ ເວົ້າຄືຈັ່ງວ່າເຂົາບໍ່ຮູ້ຈັກຫຍັງນີ້ ຄືວ່າສລາດແຕ່ພວກເພີ່ນ. ກໍ່ບໍ່ຕຳນິຜູ້ຕອບຄຳຖາມເນາະ ແນວວ່ານາຍແນະນຳໄວ້ແນວນັ້ນ ຖ້າບໍ່ຢາກຖືກໄຖຫົວຫນີ ກະຕ້ອງເວົ້າຕາມນາຍບອກ. ບັນຫາກະທົບຕໍ່ສັງຄົມຮຸນແຮງປານນີ້ ຄັນຄືຢູ່ປະເທດອື່ນເຂົາເຊີນ ຫົວໜ້າບໍຣິສັດ ໄຟຟ້າຫັ້ນລົງຈາກຕຳແຫນ່ງທັນທີແລ້ວ, ອັນນີ້ເມືອງລາວ ນອກຈາກບໍ່ປົດແລ້ວ ຍັງເລື່ອນຂື້ນໃຫ້ອີກຊ້ຳ ວ່າມີຜົລງານດີເດັ່ນ ແນວນັ້ນ ແນວນີ້ບໍ່ອືດແຕ່ຂໍ້ອ້າງຂີ້ຕົວະ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 27, 2016 12:45 PM

ລາວ

ຈາກ ນອກເມືອງ

ກະຈັ່ງແມ່ນໂພດ ແມ່ນເຫລືອ ນໍ... ເຫດຜົນທັງ 3 ຂໍ້ນັ້ນ ເປັນເຫດຜົນ ຂອງຄົນຂີ້ສໍ້ທັງມວນ. ຢາກຂື້ນຄ່າໄຟຟ້າກະຂື້ນ ຢາກຂື້ນຄ່ານ້ຳກະຂື້ນ ບາດເງິນເດືອນຄືບໍ່ຂື້ນແນ່ ? ຕໍ່ໄປສິບໍ່ເກັບຄ່າ ອາກາດລົມຫາຍໃຈບໍ່ ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 26, 2016 06:11 PM

ຄຳ​ໝັ້ນ

ຈາກ ​ຊຳ​ໃຕ້

​ຕອບບໍ່​ຕົງ​ປະ​ເດັນ ລະ​ກະ​ບໍ່​ມີ​ທ່າ​ທີ​ວ່າ ​ຊິ​ແກ້​ໄຂ​ອັນ​ໃດ. ຈັ່ງ​ຊີ້​ພາ​ກັນ​ອອກ​ການ​ກະ​ດີ​ເດີ້ ພວກ​ພະ​ນັກ​ງານ ​ລະ​ດັບ​ສູງ​ທັງ​ຫຼາຍ, ເຖົ້າ​ລ້າໆ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 26, 2016 05:14 PM

ຟ້າແມບ

ຈາກ ປາກເຊ

ທ່ານນັກຂ່າວທີ່ຖາມໄປນັ້ນ ບໍ່ຢ້ານຖືກຫາຍຕົວບໍ ເພາະການຊັກຖາມນັ້ນແມ່ນການ ເປັນປໍລະປັກ ຫລືປະຕິການ ຕໍ່ແນວທາງຂັ້ນເທິງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 26, 2016 05:14 PM

LAONOR

LAODENG YOU WILL BE COLLAPSE LIKE VENEZUELA.THE BATTERIE(MOFAI) IN LAOS NOT BELONG TO YOU.MOFAI BELONG TO USA COMPANIE.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 26, 2016 05:13 PM

ເບິ່ງຄວາມເຫັນທັງໝົດ.

ເຕັມຫນ້າ