ຄົນງານທາງຣົດໄຟ ສ່ວນຫຼາຍ ຈີນ

ສິດນີ
2017-06-15
ອີແມວລ໌
ຄໍາເຫັນ
Share
ພິມ
ອຸປກອນເຄື່ອງຈັກ ຂຸດເຈາະອຸມົງ ຢູ່ຫຼວງພຣະບາງ
ອຸປກອນເຄື່ອງຈັກ ຂຸດເຈາະອຸມົງ ຢູ່ຫຼວງພຣະບາງ
RFA/NY

ຜູ້ຮັບເຫມົາກໍ່ສ້າງ ເສັ້ນທາງຣົດໄຟ ລາວ-ຈີນ ໃນແຂວງພາກເຫນືອຂອງລາວ ຈ້າງ ກຳມະກອນ ລາວ ຫນ້ອຍກວ່າ ຄົນງານຕ່າງດ້າວ ເປັນຕົ້ນ ທີ່ແຂວງອຸດົມໄຊ ຈ້າງຄົນງານລາວ ພຽງແຕ່ 100 ຄົນ ໃນຈຳນວນຄົນງານ ເກືອບພັນຄົນ ແລະ ສ່ວນໃຫຍ່ ຄົນງານລາວ ທີ່ ຖືກຈ້າງນັ້ນ ຈະເປັນກຳມະກອນ ແບກຫາມ ແລະຂັບຣົດບັນທຸກ. ດັ່ງເຈົ້າຫນ້າທີ່ທ້ອງຖິ່ນ ແຂວງຫຼວງນ້ຳທາ ທ່ານນຶ່ງກ່າວ ໃນວັນທີ 14 ມິຖຸນາ ນີ້ວ່າ:

"ຄົນລາວກະເປັນກຳມະກອນ ຂະເຈົ້າຫັ້ນແຫລະ ຄົນລາວກະນ້ອຍ 500 ກະທຽບ 100 ນຶ່ງຫັ້ນແຫລະລາວ ກາຍເປັນ ກະຈີນຫມົດລະ  ພາກສ່ວນທີ່ ມາຕັ້ງແຄັມ ເຈາະອຸບມົງ ຫັ້ນແຫລະ 500 ກວ່າ".

ທ່ານກ່າວຕຶ່ມວ່າ ຜູ້ຮັບເຫມົາກໍ່ສ້າງ ເສັ້ນທາງຣົດໄຟ ຢູ່ເຂດບໍ່ເຕັນ ແລະບ້ານນາເຕີຍ ຍັງຈະນຳເອົາ ຄົນງານຈີນ ເຂົ້າມາເພີ້ມອີກ 1 ພັນຄົນ ໃນອີກບໍ່ດົນ ເພື່ອເລັ່ງໃຫ້ວຽກງານ ສຳເຣັດຕາມແຜນ. ສຳລັບຄົນງານລາວ ນັ້ນອາດຈະບໍ່ຈ້າງ ເພີ້ມອີກ ມີແຕ່ຈະ ຫລຸດລົງ ຍ້ອນວ່າ ໃນຣະຍະຕໍ່ໄປ ອາດໃຊ້ເຄື່ອງຈັກ ແທນແຮງງານຄົນ.

ສ່ວນການເຈາະອຸບໂມງ ໃນເຂດເມືອງໄຊ ແຂວງອຸດົມໄຊ ກໍຈ້າງຄົນງານລາວ ຫນ້ອຍເຫມືອກັນ. ຜູ້ຮັບເຫມົາໃນເຂດດັ່ງກ່າວ ຈ້າງຄົນ ງານລາວພຽງແຕ່ 60 ຄົນ ໃນຂນະທີ່ ຄົນງານຈີນ ຖືກນຳເຂົ້າມາເລື້ອຍໆ. ດັ່ງເຈົ້າຫນ້າທີ່ ເມືອງໄຊກ່າວວ່າ:

"ຄົນລາວຈະບໍ່ຫລາຍສ່ວນຫລາຍຈີນຫມົດ ກໍສິແມ່ນ 50-60 ນີ້ ແມ່ນຮອດ ປະມານນັ້ນແຫລະ ຄົນລາວກະເປັນ ກຳມະກອນ ແບກຍົກ ອັນນັ້ນ ຍົກອັນນີ້ ອຸບໂມງ ຈີນຫມົດ".

ຜ່ານມາ ທາງການລາວເວົ້າວ່າ ໂຄງການຣົດໄຟ ລາວ-ຈີນ ຈະສ້າງວຽກເຮັດງານທຳ ໃຫ້ແກ່ຄົນລາວ ແຕ່ໃນສະພາບຕົວຈິງ ຄົນງານສ່ວນ ໃຫຍ່ ທີ່ເຮັດວຽກ ໃນໂຄງການ ດັ່ງກ່າວ 90 ເປີເຊັນ ແມ່ນຄົນງານຈີນ ເພາະມີ ປະສົພການ ເຮັດວຽກ ທາງຣົດໄຟ ມາກ່ອນ.

ຄໍາເຫັນ (1)
Share

ໄທສີນ

ຈາກ ສຫລ

ມັນເປັນຂອງທັມດາ ເພາະຈີນມີປະສົບການ ແລະຄວາມສາມາດ ລະດັບໂລກ. ຖ້າຢາກໃຫ້ມີພະນັກງານລາວຫຼາຍ ລາວກໍ່ຕ້ອງສ້າງເອົາເອງ ຂະໜາດຫົນທາງຣົດທັມດາ ຄົນລາວຍັງປັບປຸງບໍ່ໄດ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 19, 2017 01:18 PM

ເຕັມຫນ້າ