ຈີນຕຣຽມສໍາຫຣວດພື້ນທີ່ສ້າງ ທາງຣົດໄຟ

ຈໍາປາທອງ
2014-04-13
Share
F-Luangnamtha ໃນຕົວເມືອງ ແຂວງຫຼວງນໍ້າທາ
Phieng Chansina

 

ນັກ ວິຊາການ ຈີນ ກໍາລັງ ຕຣຽມ ລົງພື້ນທີ່ ສໍາຫຣວດ ສະຖານທີ່ ກໍ່ສ້າງ ທາງ ຣົດໄຟ ຄວາມໄວສູງ ລາວ-ຈີນ ມູນຄ່າ 7 ຕື້ ໂດລາ ສະຫະຣັຖ ຢູ່ ແຂວງ ຫລວງ ນໍ້າທາ ເພື່ອ ສຶກສາ ອອກແບບ ຊຶ່ງ ມີແນວໂນ້ມ ວ່າ ຈະມີການ ປັບປ່ຽນ ເສັ້ນທາງ ເພື່ອໃຫ້ ເໝາະສົມ ແລະ ໄດ້ປໂຍດ ຫລາຍ ທີ່ສຸດ. ເຈົ້າໜ້າທີ່ ກະຊວງ ແຜນການ ແລະ ການລົງທຶນ ກ່າວວ່າ:

"ດຽວນີ້ ຍັງບໍ່ທັນໄດ້ ລົງມື ເທື່ຶອ ມີແຕ່ ທິມງານລາວ ລົງມາ ກ່ອນ ທິມຈີນ ກະສິ ລົງມາ ໄວໆນີ້ ແຫລະ ອາທິດໜ້າ ນີ້ແຫລະ ແລ້ວ ສົງການ ນີ້ແຫລະ".

ທ່ານກ່າວ ຕໍ່ໄປວ່າ ປັດຈຸບັນ ການ ສໍາຫຣວດ ອອກແບບ ທາງ ຣົດໄຟ ຢູ່ແຂວງ ຫລວງ ນໍ້າທາ ນັ້ນຍັງ ບໍ່ທັນຮູ້ ວ່າ ເສັ້ນທາງ ຈະຕັດ ຜ່ານ ເຂດໃດ ແດ່ ເພາະ ຕ້ອງໄດ້ ລໍຖ້າ ຝ່າຍ ວິຊາການ ຂອງຈີນ ທີ່ ຈະເປັນຜູ້ ສລຸບອີກ ເທື່ອນຶ່ງ; ຮູ້ແຕ່ວ່າ ທາງ ຈະຕັດ ຜ່ານ ຊາຍແດນ ບໍ່ເຕັນ ມາຫາ ເມືອງນໍ້າທາ ກ່ອນ ຈະຕໍ່ລົງ ໄປຫາ ແຂວງ ອຸດົມໄຊ ແລະ ແຂວງ ອື່ນໆ ຕໍ່ໄປ.

ທ່ານວ່າ ສໍາລັບ ການ ໂຍກຍ້າຍ ປະຊາຊົນ ທີ່ ຈະໄດ້ຮັບ ຜົລ ກະທົບ ຈາກ ທາງ ຣົດໄຟ ນັ້ນ ມາຮອດ ປັດຈຸບັນ ກໍຍັງ ບໍ່ທັນຮູ້ ຄັກແນ່ ວ່າ ຈະມີຈັກ ຄອບຄົວ ແລະ ຈະເສັຽ ທີ່ດິນ ໃຫ້ທາງ ໂຄງການ ນັ້ນ ເທົ່າໃດ ແຕ່ທ່ານ ກໍຢືນຢັນ ວ່າ ຈະ ພຍາຍາມ ເຮັດໃຫ້ ມີຜົລ ກະທົບ ຕໍ່ ປະຊາຊົນ ໜ້ອຍ ທີ່ສຸດ ເທົ່າທີ່ ຈະເຮັດໄດ້.

ທາງຣົດໄຟ ຄວາມໄວ ສູງ ລາວ-ຈີນ ແຕ່ຊາຍ ແດນ ບໍ່ເຕັນ ແຂວງ ຫລວງ ນໍ້າທາ ເຖິງ ນະຄອນຫລວງ ວຽງຈັນ ຍາວ 420 ກິໂລແມັດ, ມີ 31 ສະຖານີ, ມີອຸມົງ ລອດພູ 76 ແຫ່ງ, ຂົວ 154 ແຫ່ງ. ການກໍ່ສ້າງ ຈະໃຊ້ ຄົນງານ ປະມານ 20,000 ຄົນ ແລະ ຄາດວ່າ ຈະສ້າງ ສໍາເຣັດ ໃນປີ 2019.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ