ຊາວບ້ານດົງໝາກຄາຍຂາຍດິນ ແລ້ວ


2013-12-22
Share
f-land ທີ່ດິນ ຕິດປະກາດຂາຍ ໃນເຂດ ນະຄອນຫລວງວຽງຈັນ
RFA/LX

 

ປັດຈຸບັນ ຊາວບ້ານດົງໝາກຄາຍ ນະຄອນຫລວງວຽງຈັນ ສ່ວນຫລາຍພາກັນເຊົາຂາຍດິນ ໃຫ້ນັກລົງທຶນຈີນແລະວຽດນາມແລ້ວຫລັງຈາກຮູ້ ວ່າຣາຄາທີ່ນັກລົງທຶນຊື້ນັ້ນຖືກໂພດ ແມັດກາເຣ໊ນຶ່ງມີແຕ່ 200 ໂດລາ ເທົ່ານັ້ນ. ກ່ອນໜ້ານັ້ນ ຊາວບ້ານດົງໝາກຄາຍ ແລະເຂດໃກ້ຄຽງໄດ້ ພາກັນຂາຍດິນໃຫ້ນັກລົງທຶນຈີນແລະວຽດນາມ ທີ່ມາກວ້ານຊື້ດິນໄວ້ຫລັງຈາກມີຂ່າວວ່າ 10 ກະຊວງ ຈະຍ້າຍອອກໄປຢູ່ໃນເຂດດັ່ງກ່າວດັ່ງ ຊາວບ້ານຄົນນຶ່ງໄດ້ເວົ້າສູ່ຟັງວ່າ:

"ດຽວນີ້ເຂົາບໍ່ຂາຍແລ້ວ ແມັດນຶ່ງ 200 ໂດລາ ເຂົາບໍ່ຂາຍຈັກບ່ອນແລ້ວດຽວນີ້".

ນາງເວົ້າວ່່າ ຜູ້ໃດກໍບໍ່ຢາກຂາຍແລ້ວເພາະວ່າຕາມທີ່ເຂົາເຈົ້າຄວນໄດ້ນັ້ນຕ້ອງແມ່ນແມັດກາເຣ້ ນຶ່ງ 300 ໂດລາ. ດຽວນີ້ຫລາຍຄົນລໍຖ້າ ເບິ່ງ ວ່າຫລາຍກະຊວງຈະຍ້າຍມາແທ້ຫລືບໍ່ເຂົາເຈົ້າຈະລໍຖ້າໃຫ້ກະຊວງຍ້າຍມາກ່ອນຈຶ່ງຈະຂາຍ ເພາະຣາຄາທີ່ດິນກໍອາຈສູງຂຶ້ນ.

ນາງວ່າພວກທີ່ຂາຍໄປກ່ອນນັ້ນບໍ່ເຂົ້າໃຈເຣື້ອງຣາຄາທີ່ດິນ ເຂົາກໍເລີຽຂາຍໄປ ເພາະຕ້ອງການເງິນມາໃຊ້ຈ່າຍ. ສ່ວນນັກລົງທຶນຈີນແລະວຽດ ນາມ ທີ່ຊື້ທີ່ດິນໄປແລ້ວນັ້ນບໍ່ຣູ້ວ່າ ເຂົາເຈົ້າຈະສ້າງສາພັທນາຫລືບໍ່ຫລືວ່າຊື້ໄວ້ຂາຍເອົາກໍາໄຣ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ