ຊາວສວນຢາງປ່ຽນປູກພືດ ອື່ນແທນ

ໄມຊູລີ
2016-01-20
ອີແມວລ໌
ຄໍາເຫັນ
Share
ພິມ
ຕົວຢ່າງຂອງສວນຢາງພາຣາ ຖືກດຸດຖິ້ມ ແລ້ວໃຊ້ພື້ນທີ່ ປູກພືດອື່ນແທນ
ຕົວຢ່າງຂອງສວນຢາງພາຣາ ຖືກດຸດຖິ້ມ ແລ້ວໃຊ້ພື້ນທີ່ ປູກພືດອື່ນແທນ
RFA/VD

ເຈົ້າໜ້າທີ່ ຜແນກປ່າໄມ້ ແຂວງ ສວັນນະເຂດ ເປິດເຜີຍຕໍ່ ວິທຍຸ ເອເຊັຽເສຣີ ໃນວັນທີ 19 ມົກກະຣາ ນີ້ວ່າ ປັຈຈຸບັນນີ້ ຊາວສວນ ຢາງພາຣາ ໃນຫຼາຍແຂວງ ຂອງລາວ ເຊົາປູກ ຢາງພາຣາ ແລ້ວ ໄປປູກພືດ ອື່ນແທນ ຕາມ ຄໍາແນະນໍາ ຂອງ ເຈົ້າໜ້າທີ່ ປ່າໄມ້ ເນື່ອງຈາກ ຣາຄາ ຢາງພາຣາ ຕົກຕໍ່າ ເຮັດໃຫ້ຄອບຄົວ ຂອງເຂົາເຈົ້າ ໄດ້ຮັບ ຄວາມລໍາບາກ ໄປຕາມໆກັນ ທ່ານວ່າ:

“ປັຈຈຸບັນ ນີ້ກໍບໍ່ໄດ້ມີ ຜູ້ປູກແລ້ວ ດຽວນີ້ ເຂົາເຊົາແລ້ວ ຈໍານວນນຶ່ງ ມັນ ກໍບໍ່ດີແລ້ວ ເຂົາ ກໍເຊົາເອງ ເຂົາ ກໍຢຸດກິຈ ຢຸດຫຍັງນີ້ລະ ມັນຣາຄາ ຕົກຕໍ່າ ເຂົາບໍ່ໄດ້ ສືບຕໍ່ນະ ອາຊີບຫລັກ ເຂົາກໍເຮັດນາ ເຮັດໃຮ່ ເຂົາກໍໄປຫາ ແນວໃໝ່ ເກັບຢາງບໍ່ໄດ້ ກໍໄປຫາ ແນວອື່ນ”.

ຣາຍງານວ່າ ຂອງທາງການ ຣະບຸວ່າ ປັຈຈຸບັນ ຣາຄາ ຢາງພາຣາ ໃນລາວ ຢູ່ ໃນຣະຫວ່າງ 3,000 ຫາ 3,500 ກີບ ຕໍ່ກິໂລກຣາມ ຊຶ່ງ ຫລຸດຈາກ ປີກາຍນີ້ ປະມານ 1 ພັນກີບ ຊຶ່ງ ທາງການລາວ ກໍ ບໍ່ສາມາດ ປັບຣາຄາໃຫ້ ສູງຂຶ້ນໄດ້ ແລະ ບໍ່ມີ ນະໂຍບາຍ ໃຫ້ເງິນ ອຸດໜູນ ແກ່ຊາວສວນ ຢາງພາຣາ ແຕ່ຢ່າງໃດ. ດັ່ງ ເຈົ້າໜ້າທີ່ ຜແນກປ່າໄມ້ ແຂວງບໍ່ແກ້ວ ກ່າວວ່າ:

“ເຣື້ອງຣາຄາ ຢາງ ຕົກຕໍ່າ ມັນກໍອິງຕາມ ທ້ອງຕລາດ ເນີ້ ຕລາດສາກົນ ເພິ່ນຊື້ຂາຍ ແນວໃດ ກໍແມ່ນຂາຍ ຕາມຕລາດຊື້ ເພາະວ່າ ຢູ່ເມືອງລາວ ມັນມີໂຮງງານ ຜລິດ ຢາງພາຣາ ຢ່າງຫຼວງຫຼາຍ”.

ຢ່າງໃດ ກໍຕາມ ຜົນຈາກ ຣາຄາ ຢາງພາຣາ ຕົກຕໍ່າ ຈົນເຮັດໃຫ້ ຊາວສວນ ຢາງພາຣາ ຫັນໄປປູກຜຶດ ອື່ນທົດແທນ ແລະ ບໍ່ໄດ້ສຶບຕໍ່ ການປູກ ຢາງພາຣາ ເຊັ່ນນີ້ ຈຶ່ງສົ່ງຜົນ ເຮັດໃຫ້ ພຶ້ນທີ່ ການປູກ ຢາງພາຣາ ທົ່ວ ປະເທດລາວ ຫລຸດລົງ ນອກຈາກນັ້ນ ຍັງ ສົ່ງຜົນໃຫ້ ພັກຣັຖ ໂຈະ ນະໂຍບາຍ ໃຫ້ ສັມປະທານ ທີ່ດິນເພື່ອ ປູກຢາງພາຣາ ໃຫ້ ກັບຫຼາຍ ບໍຣິສັດ.

ຄໍາເຫັນ (1)
Share

ໄມສິງ

ຈາກ ຊຽງຂວາງ

ແນວໄດໄດ້ຢູ່ໄດ້ກິນ ພໍລ້ຽງຄອບຄົວ ມີອາຍຸຍືນນານຕໍ່ໄປ ເຫັນສົມຄວນລົງມືເຮັດໂລດ ພີ່ນ້ອງເອີຍ, ຈົ່ງຢ່າຄອງຄອຍຄົນອື່ນ ມາຊີ້ສ່ອງທາງແນະນຳ ເດັດຂາດ, ພວກເຮົາຕັ້ງຈິດໃສ່ໃຈມານະ, ເທວະດາຟ້າແຖນເພີ່ນກໍ່ຢຸດຢັ້ງ ພວກເຮົາໄດ້, ຄວາມຕັ້ງຢູ່ບ່ອນໄດ ຄວາມສຳເລັດຢູ່ບ່ອນນັ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:17 AM

ເຕັມຫນ້າ