ພາກປະຊາຊົນຮຽກຮ້ອງ ໃຫ້ຍົກເລີກ ໂຄງການເຂື່ອນປາກລາຍ

ມະນີຈັນ
2018-09-21
ອີແມວລ໌
ຄໍາເຫັນ
Share
ພິມ
ຮູບນໍ້າຂອງ ຢູ່ເຂດເມືອງວຽງແກ່ນ ແຂວງຊຽງຮາຍ ປະເທດໄທ.
ຮູບນໍ້າຂອງ ຢູ່ເຂດເມືອງວຽງແກ່ນ ແຂວງຊຽງຮາຍ ປະເທດໄທ.
RFA

ອົງການກອບກູ້ແມ່ນໍ້າຂອງ Save the Mekong ທີ່ເປັນພັນທະມິດ ຂອງຫຼາຍອົງການ ທີ່ບໍ່ຂຶ້ນກັບຣັຖບານ ແລະ ອົງການຊຸມຊົນ ເຂດແມ່ ນໍ້າຂອງ ຮຽກຮ້ອງໃຫ້ມີການສຶກສາ ສໍາຣວດຜົລກະທົບ ຕໍ່ສິ່ງແວດລ້ອມ ແລະ ສັງຄົມ ຂ້າມຊາຍແດນ ຄືນໃໝ່ ທີ່ອາຈເກີດຈາກເຂື່ອນ ປາກລາຍ ຊຶ່ງເປັນເຂື່ອນແມ່ນໍ້າຂອງ ແຫ່ງທີ 4 ຂອງລາວ ຍ້ອນວ່າ ການສໍາຣວດ ຜ່ານມາ ບໍ່ມີຄຸນນະພາບ ແລະບໍ່ໄດ້ມາຕຖານ.

ການສຳຣວດ ທີ່ເຮັດຜ່ານມາ ມີຫຼາຍໆພາກທີ່ກ່າຍມາຈາກ ໂຄງການເຂື່ອນປາກແບງ, ມີຢ່າງໜ້ອຍ 90 ເປີເຊັນ ຊຶ່ງເຮັດໃຫ້ເຫັນວ່າ ເປັນຣາຍງານ ທີ່ບົກຜ່ອງແລະບໍ່ຖືກຕ້ອງ. ຮູບພາບ, ຕາຕະລາງແລະເນື້ອໃນການສຳຣວດ ກໍກ່າຍມາຈາກ ໂຄງການເຂື່ອນປາກແບງ ເປັນສ່ວນໃຫຍ່.

Save the Mekong ອອກຖແລງຂ່າວນີ້ ຂນະທີ່ປະເທດສະມາຊິກ ຄນະກັມມາທິການ ແມ່ນໍ້າຂອງ MRC ເປີດກອງປະຊຸມ ຫາຣືກັນ ລ່ວງໜ້າ ທີ່ນະຄອນຫລວງວຽງຈັນ ກ່ຽວກັບການສຶກສາ ສໍາຣວດຜົລກະທົບ ທາງດ້ານສິ່ງແວດລ້ອມແລະສັງຄົມ ຂ້າມຊາຍແດນ ທີ່ຈະ ເກີດຂຶ້ນຈາກເຂື່ອນປາກລາຍ.

ນາງ Maureen Harris ຜູ້ອໍານວຍການ ເຄືອຂ່າຍແມ່ນໍ້າສາກົລ ເຂດເອເຊັຽຕາເວັນອອກສ່ຽງໃຕ້ ທີ່ເປັນເຄືອຂ່າຍຂອງອົງການກອບກູ້ ແມ່ນໍ້າຂອງ ໃຫ້ສັມພາດ ນັກຂ່າວ ກ່ອນໜ້ານີ້ ຕອນນຶ່ງວ່າ

"ນາງເວົ້າວ່າຫຼາຍໆ ໂຄງການໃນເຂດແມ່ນໍ້າຂອງ ຮວມທັງໂຄງການ ເຂື່ອນໄຟຟ້າ ທີ່ສົ່ງຜົລກະທົບ ຂ້າມຊາຍແດນ ຕໍ່ປະຊາຊົນ ຫຼາຍ ລ້ານຄົນ ບໍ່ພຽງແຕ່ຢູ່ໃນປະເທດດຽວ ແຕ່ຫາກທົ່ວອ່າງແມ່ນໍ້າຂອງ ທີ່ເພິ່ງພາແມ່ນໍ້າຂອງ ເພື່ອການດໍາຣົງຊີວິດ ແລະຄວາມພໍພຽງ ທາງອາຫານ ຂອງພວກຂະເຈົ້າ. ພວກເຈົາເຈົ້າສາມາດໄດ້ຮັບ ຜົລກະທົບອັນໜັກໜ່ວງ ຮວມເຖິງເຣື່ອງສິດທິມະນຸດ ຂອງຄົນທ້ອງຖິ່ນ ນຳດ້ວຍ ດັ່ງນັ້ນຈຶ່ງເປັນບັນຫາ ທີ່ຈະຕ້ອງໄດ້ເນັ້ນເຖິງ."

ຖແລງຂ່າວຂອງອົງການ ກອບກູ້ແມ່ນໍ້າຂອງ ຣະບຸອີກວ່າ ເປັນທີ່ຈະແຈ້ງວ່າ ບໍ່ມີການເຂົ້າຮ່ວມຂອງມວນຊົນ ໃນການສຶກສາສໍາຣວດ ໂຄງການເຂື່ອນ ປາກລາຍ. ເພາະວ່າ ຍົກຕົວ ຢ່າງໃນບົດຣາຍງານ ກ່ຽວກັບການເຂົ້າຮ່ວມຂອງມວນຊົນ ໃນໂຄງການເຂື່ອນປາກລາຍ ກໍກ່າຍ ໂດຍກົງຈາກຣາຍງານການສໍາຣວດ ເຂື່ອນປາກແບງ ໂດຍລືມປ່ຽນຊື່ບໍຣິສັດ ທີ່ຈະສ້າງເຂື່ອນປາກລາຍນັ້ນ ຄືຍັງເປັນຊື່ບໍຣິສັດ Datang ທີ່ຈະສ້າງເຂື່ອນປາກແບງ.

ສະນັ້ນ ຣາຍງານຜົລກະທົບ ກ່ຽວກັບເຂື່ອນປາກລາຍ ຈຶ່ງຖືວ່າບໍ່ມີຄຸນນະພາບ ບໍ່ໄດ້ມາຕຖານສາກົລ ຈຶ່ງຮຽກຮ້ອງໃຫ້ມີການ ສຶກສາສໍາຣວດ ອີກເທື່ອໃໝ່ ພ້ອມທັງໂຈະ ການປຶກສາຫາຣືລ່ວງໜ້າ ກ່ຽວກັບເຂື່ອນປາກລາຍນັ້ນ.

ຄໍາເຫັນ (2)
Share

(

Who cares about what those activists and the mad barking Lao losers said, hydro-power is a gift offered by mother nature to Laos to compensate its disadvantaged location of landlocked country. Dam disasters and flooding( la force majeure en Francais) is the bad effect of the climate change. What do they think about the flooding in Florence in South Carolina,USA?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:11 AM

(

Lao commie party-state, do you really want to flood more people in your country? What did these Lao people do to you ? You are billionaires and that's not enough. What do you want more ? Maybe you want to be the richest man or woman in the world huh. Scums, scums, scums, scums.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 26, 2018 07:22 AM

ເຕັມຫນ້າ