ນັກຄ້າຢາເຖື່ອນ ຖືກປາບ


2013.05.03
F-drug-destroyed ການຈູດທໍາລາຍ ຢາເສພຕິດ ທີ່ຢຶດມາໄດ້ ເພື່ອສະແດງ ໃຫ້ເຫັນວ່າ ໃນສປປລ ມີການປາບປາມ ການຄ້າ ຢາເສພຕິດ ຢ່າງຈິງຈັງ ແຕ່ຍັງບໍ່ເຫັນ ພວກ ສໍ້ຣາສບັງຫຼວງ ຖືກນໍາມາ ລົງໂທສ.
UNODC

 

ມີການປາບປາມ ວົງການ ຄ້າ ຢາເສບຕິດ ຣາຍໃຫຍ່ ໃນລາວ. ຕາມຣາຍງານ ຂ່າວ Vietnam News ຈາກເຂດ ດຽນບຽນຟູ.

ເຈົ້າໜ້າທີ່ ກວດກາ ຊາຍແດນ ເຂດ ດຽນບຽນຟູ ຂອງ ວຽດນາມ ໂດຍ ປະສານງານ ກັບ ເຈົ້າໜ້າທີ່ ຮັກສາ ຄວາມປອດພັຍ ຂອງລາວ ຍຶດ ຢາເສບຕິດ ປະເພດ ເຮໂຣອິນ ແລະ ອາວຸດ ມູລຄ່າ 30 ພັນ ລ້ານດົງ ເທົ່າກັບ 1 ລ້ານ 4 ແສນກີບ ຂະນະທີ່ເຂົ້າ ກວດຄົ້ນເຮືອນ ທີ່ຢູ່ໃກ້ ຊາຍແດນລາວ.

ສິນຄ້າ ຜິດກົດໝາຍ ດັ່ງກ່າວ ຖືກກວດພົບ ຢູ່ໃນເຮືອນ ຂອງພວກຄົນ ທີ່ຖືກກ່າວຫາ ວ່າ ລັກລອບ ຄ້າ ເຮໂຣອິນ 3 ຄົນ ຢູ່ ຜົ້ງສາລີ. ພວກເຂົາເຈົ້າ ກໍຍອມຮັບວ່າ ໄດ້ຂົນ ເຮໂຣອິນ ຈາກ ລາວ ເຂົ້າ ວຽດນາມ ເພື່ອຂາຍ.

ເຮໂຣອິນ ທີ່ທາງຕໍາຣວດ ຍຶດໄດ້ ມີນໍ້າໜັກ 15 ກິໂລ, ວັດຖຸ ທີ່ປະສົມ ໃຊ້ໃນການ ຜລິດ ເຮໂຣອິນ 64 ກິໂລ, ປືນ 5 ກະບອກ ແລະ ດິນຣະເບີດ 30 ກິໂລ. ເມື່ອທ້າຍເດືອນ ມິນາ ເຈົ້າໜ້າທີ່ ຕໍາຣວດ ກໍຈັບຄົນ ລາວ 3 ຄົນ ທີ່ຄ້າຢາບ້າ 13,200 ເມັດ ຂະນະທີ່ ພວກເຂົາ ກໍາລັງ ພຍາຍາມ ຈະຂົນໄປ ວຽດນາມ ຜ່ານດ່ານ ຊາຍແດນ ແຂວງ ກວາງຕຣີ ພາກກາງ ວຽດນາມ ເພື່ອຂາຍ.

ຕໍາຣວດ ຊາຍແດນ ເວົ້າວ່າ ພວກເຂົາ ໄປທາງຣົດ ໂອໂຕ ທີ່ຕິດປ້າຍ ທະບຽນລາວ ແລະ ຈັບໄດ້ເງິນ 50 ລ້ານກີບ. ແລະວ່າ ໄດ້ມີການ ຕິດຕາມ ຄົນກຸ່ມນີ້ມາ ໄດ້ເກືອບ 3 ເດືອນ ແລ້ວ ກ່ອນການຈັບ ຄວບຄຸມໂຕ ພວກເຂົາ. ວຽດນາມ ເປັນປະເທດນຶ່ງ ທີ່ມີກົດໝາຍ ຢາເສບຕິດ ເຂັ້ມງວດ ທີ່ສຸດ. ຜູ້ກະທໍາຜິດ ມີເຮໂຣອິນ ຕິດຕົວ ຫລາຍກວ່າ 600 ກຣາມ ຕ້ອງໂທດ ປະຫານ ຊີວິດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.