ຕໍາຣວດລາວວ່າຢາເສພຕິດ ເປັນຂອງ ກຸ່ມວ້າແດງ

ໄຊຍາ
2018-04-09
ອີແມວລ໌
ຄໍາເຫັນ
Share
ພິມ
ເຈົ້າໜ້າທີ່ຕຳຣວດ ປ້ອງກັນຄວາມສງົບ ເມືອງຕົ້ນເຜິ້ງແຂວງບໍ່ແກ້ວ ຢືນຢັນວ່າ ຢາເສບຕິດ ທີ່ເຈົ້າໜ້າທີ່ຕຳຣວດໄທ ຍຶດໄດ້ເມື່ອວັນທີ 2 ເມສາ 2018 ເປັນຂອງກຸ່ມວ້າແດງ ພະມ້າ
ເຈົ້າໜ້າທີ່ຕຳຣວດ ປ້ອງກັນຄວາມສງົບ ເມືອງຕົ້ນເຜິ້ງແຂວງບໍ່ແກ້ວ ຢືນຢັນວ່າ ຢາເສບຕິດ ທີ່ເຈົ້າໜ້າທີ່ຕຳຣວດໄທ ຍຶດໄດ້ເມື່ອວັນທີ 2 ເມສາ 2018 ເປັນຂອງກຸ່ມວ້າແດງ ພະມ້າ
Screen captured : MCOT HD

ຕຳຣວດປ້ອງກັນຄວາມສງົບເມືອງຕົ້ນເຜິ້ງ ແຂວງບໍ່ແກ້ວ ຢືນຢັນວ່າ ຢາເສພຕິດ ທີ່ເຈົ້າໜ້າທີ່ຕຳຣວດໄທ ຍຶດໄດ້ ເມື່ອວັນທີ 02 ເມສາ 2018 ເປັນຂອງກຸ່ມວ້າແດງ ພະມ້າ ທີ່ເຮືອລາວຂົນສົ່ງມາຕາມລຳ ແມ່ນໍ້າຂອງ ມາຈາກປະເທດພະມ້າ ໂດຍໃຊ້ປະເທດລາວ ເປັນທາງ ຜ່ານ. ດັ່ງເຈົ້າໜ້າທີ່ ຕຳຣວດ ປະຈຳດ່ານກວດຄົນເຂົ້າເມືອງ ເມືອງຕົ້ນເຜິ້ງ ໄດ້ກ່າວຕໍ່ວິທຍຸ ເອເຊັຽເສຣີ ໃນວັນທີ 7 ເມສາ ນີ້ວ່າ:

"ຢານິ້ແມ່ນເປັນຢາຂອງພະມ້າ ແຕ່ວ່າເຂົາໃສ່ເຮືອລ່ອງມາຜ່ານເຮົານີ້ໄປ ມາພັກຢູ່ນີ້ກະບໍ່ດົນດອກ ເພາະວ່າເຂົາກະຢ້ານ ເຈົ້າໜ້າທີ່ ຕຳຣວດລາວກວດ ເຂົາມາຈອດແບບພັກກິນເຂົ້າ ກິນນໍ້ານີ້ໜ່າ ແລະເຂົາກະມີຄົນຂອງເຂົາ ມາຮັບເອົາຢູ່ຝັ່ງໄທ."

ທ່ານກ່າວວ່າ ການທີ່ເຈົ້າໜ້າທີ່ຕຳຣວດໄທ ຍຶດຢາເສບຕິດຮວມທັງຢາບ້າ ແລະຢາໄອສ ເປັນຈຳນວນຫລາຍໄດ້ ກໍ່ຍ້ອນມີການແຈ້ງຂ່າວ ຈາກເຈົ້າໜ້າທີ່ ປະເທດພະມ້າ ວ່າຈະມີການຂົນສົ່ງ ຢາເສບຕິດ ຄັ້ງໃຫຍ່ ເຂົ້າປະເທດໄທ. ຈົນເຮັດໃຫ້ຕຳຣວດໄທ ສາມາດຈັບກຸມ ຄົນ ຂົນສົ່ງ ແລະຍຶດ ຢາເສບຕິດໄດ້.

ເຫດການໃນເທື່ອນີ້ ຖືເປັນການຍຶດຢາເສບຕິດ ໄດ້ຄັ້ງທີ່ໃຫຍ່ທີ່ສຸດ ຊຶ່ງຮວມມີຢາບ້າ ທັງໝົດເຖິງ 10 ລ້ານເມັດ, ຢາເຄ ແລະຢາໄອສ ເກືອບ 1 ພັນກິໂລກຣາມ. ເຈົ້າໜ້າທີ່ຕຳຣວດ ປະຈຳດ່ານກວດຄົນເຂົ້າເມືອງ ເມືອງຕົ້ນເຜິ້ງຢືນຢັນວ່າ ຢາເສບຕິດ ທີ່ທາງ ເຈົ້າໜ້າທີ່ໄທ ຍຶດໄດ້ນັ້ນ ບໍ່ແມ່ນຢາເສບຕິດຂອງຄົນລາວ.

ປັດຈຸບັນ ເຈົ້າໜ້າທີ່ີຮັກສາຄວາມສງົບຊາຍແດນ ລຽບຕາມແມ່ນໍ້າຂອງ ຂອງລາວ ໄດ້ເພີ່ມຄວາມເຂັ້ມງວດກວດກາ ເຮືອບັນທຸກສິນຄ້າ ທີ່ແລ່ນຜ່ານເຂດແດນຂອງຕົນ ຍ້ອນທາງການໄທຂໍຄວາມຮ່ວມມື ເພື່ອສະກັດກັ້ນການຂົນສົ່ງ ຢາເສບຕິດຂ້າມຊາດ ໃນລະຍະບຸນປີໃໝ່ນີ້.

ຄໍາເຫັນ (2)
Share

(

I think drug belongs to Lao government or their families.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 16, 2018 07:22 AM

ເພັງ

ຈາກ ເມືອງຕົ້ນເຜີງ

ເຖິງທຸກພາກສ່ວນທີ່ຮັກສາຄວາມສະຫງົບ, ດຽວນິ້ຢາບ້າໄດ້ນຳມາຜະລິດຢູ່ແຂວງບໍ່ແກ້ວ, ຫລວງນຳທາ ແລະສູນກາງໃຫຍ່ຍັງຢູ່ສາມຫລຽ່ມຄຳ. ບໍ່ແກ້ວ ຖານແຖວເມືອງຕົ້ນເຜີ້ງ ມີການຜະລິດຢາບ້າຢ່າງມະຫາສານ ໂດຽອາໄສຈະສົງຕໍ່ໄປປະເທດໄທ ຈາກລາວທີ່ຫ້ວຍໄຊໄປຊຽງຂອງ ແລະບອນອື່ນໆທີ່ເຫັນວ່າອຳນວຍຄວາມສະດວກ. ຢູ່ສປປລາວເຈົ້າໜ້າທີ່ຍັງອາໄສເອົາຄ່າສີບູນໃສ່ກະເປົາ ແລະ ອຮນວຍຄວາມສະດວກໃຫ້ທຸລະກີດ ນັກຂ້າຢາເສບຕິດເດີນໄປຜ່ານຄວາມສະດວກ, ແຕ່ຝັ່ງໄທກໍ່ເຄັງຄັດຢູ່ ຈືງເປັນເຫດໃຫ້ຢາບ້າຖືກຢຶດຢູ່ປະເທດ ເປັນຈຳນວນມາກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 12, 2018 05:15 AM

ເຕັມຫນ້າ