ເດັກນ້ອຍຍິງລາວຖືກຂົ່ມຂືນ


2014.01.12
Share on WhatsApp
Share on WhatsApp
F-Muangkhong ເມືອງໂຂງ ແຂວງຈໍາປາສັກ
RFA

 

ເຈົ້າຫນ້າທີ່ຕຳຣວດທີ່ແຂວງຈຳປາສັກເວົ້າວ່າ ໃນວັນທີ 7 ມົກກະຣາ 2014 ມີຄົນຮ້າຍຂົ່ມຂຶນເດັກນ້ອຍອາຍຸ 14 ປີ ແລ້ວຂ້າແລະເອົາສົບ ໄປຖິ້ມລົງນໍ້າຢູ່ບ້ານໂນນຊັບ ເມືອງໂພນທອງແຂວງຈຳປາສັກ ຍ້ອນເສພຢາເສພຕິດແລ້ວມຶນເມົາ  ຫລັງຈາກນັ້ນບໍ່ດົນເຈົ້າຫນ້າທີ່ກໍສາມາດ ຈັບຜູ້ຕ້ອງຫາໄດ້ ຮວມກັບຫມູ່ນື່ງຄົນ ຢູ່ບ້ານຫນອງສາລາ ເມືອງໂພນທອງ. ປັດຈຸບັນເຈົ້າຫນ້າທີ່ຍັງສອບປາກຄໍາຢູ່:

"ກຳລັງສືບສວນສອບສວນ ຈັບກັກໂຕມາ ມີສ່ວນທີ່ວ່າຮັບ ແຕ່ວ່າຍັງບໍ່ຮູ້ລາຍລະອຽດວ່າ ມັນເປັນຈັ່ງໃດແທ້ຫັ້ນຫນະ".

ທ່ານເວົ້າຕື່ມວ່າ ເບື້ອງຕົ້ນຜູ້ຕ້ອງຫາທີ່ຊື່ວ່າທ້າວສົມໃຈນັ້ນ ຮັບສາຣະພາບວ່າເປັນຜູ້ຂົ່ມຂຶນເດັກນ້ອຍແມ່ຍິງຄົນນັ້ນ ຮ່ວມກັບຫມູ່ໃນຂນະທີ່ໄປ ຫວ່ານແຫແລະໄດ້ເສບຢາບ້າຢ່າງຫນັກ ເມື່ອເຫັນຜູ້ຕາຍຍ່າງຜ່ານຈຶ່ງເກີດອາຣົມທາງເພດເລີຍ ຕັດສິນໃຈຂົ່ມຂຶນ ແລະຂ້າປິດປາກ ສ່ວນຫມູ່ ຂອງລາວ ຍັງບໍ່ທັນຮັບສາຣະພາບເທື່ອ.

ເຈົ້າຫນ້າທີ່ວ່າ ຕາມປົກກະຕິການຂ້າແລະຂົ່ມຂຶນ ຜູ້ຍິງຢູ່ເມືອງໂພນທອງ ບໍ່ມີເກີດຂື້ນຫລາຍປານໃດ ແຕ່ເທື່ອນີ້ເຫັນວ່າຮຸ່ນແຮງ ຍ້ອນມີການ ຂ້າປິດປາກ ເຈົ້າຫນ້າທີ່ຈຶ່ງຕ້ອງປາບປາມກຸ່ມຢາເສພຕິດໃຫ້ຫລາຍຂື້ນ. ປັດຈຸບັນ ມີກຸ່ມໄວລຸ້ນ ພາກັນເສບຢາບ້າຫລາຍ ທີ່ເມືອງໂພນທອງ.

ເຈົ້າຫນ້າທີ່ຈາກຫ້ອງການແມ່ຍິງ ທີ່ແຂວງຈໍາປາສັກ ນາງນື່ງເວົ້າວ່າ ເຣື້ອງທີ່ເກີດຂຶ້ນນີ້ ເປັນການໃຊ້ຄວາມຮຸນແຮງຕໍ່ແມ່ຍີງຫລາຍ ເກີນໄປ ທາງການຕ້ອງ ໄດ້ຕິດຕາມຜູ້ຕ້ອງຫາຄົນອື່ນໆອີກເພື່ອມາລົງໂທດໃຫ້ໄດ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ