ນາຍົກຣັຖມົນຕຣີລາວ ປະກາດ ປາບປາມ ຢາເສບຕິດ

ໄຊຍາ
2018-04-02
ອີແມວລ໌
ຄໍາເຫັນ
Share
ພິມ
(ກາງ) ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ
(ກາງ) ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ
RFA

ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ ໄດ້ກ່າວຕໍ່ເຈົ້າໜ້າທີ່ ຣັຖບາລຂອງຕົນ ທີ່ນະຄອນຫລວງວຽງຈັນ ເມື່ອຕົ້ນເດືອນ ມິນາ 2018 ວ່າບັນຫາຢາເສບຕິດ ແລະອາວຸດເຖື່ອນ ຈະຕ້ອງໄດ້ຮັບ ການແກ້ໄຂ, ທ່ານເວົ້າວ່າ ກະຊວງປ້ອງກັນຄວາມສງົບ ຕ້ອງໄດ້ປະຕິບັດ ງານ ຫລາຍຂຶ້ນ ແລະບັງຄັບໃຊ້ມາຕການຕ່າງໆ ຮຸນແຮງຂຶ້ນ ໃນການຕໍ່ສູ້ຕ້ານ ການຄ້າຢາເສບຕິດ ແລະການຄ້າອາວຸດ ຜິດກົດໝາຍ. ກ່ຽວກັບບັນຫາດັ່ງກ່າວ ກ່ອນໜ້ານີ້ ທ່ານ ທອງລຸນ ກໍໄດ້ກ່າວ ຢູ່ໃນກອງປະຊຸມສະພາ ແຫ່ງຊາດຊຸດທີ 8 ເທື່ອຫລ້າສຸດ ວ່າ:

"ການຄຸ້ມຄອງຈັດຣະບຽບການ ແລະການແກ້ໄຂ ປະກົດການຫຍໍ້ທໍ້ໃນສັງຄົມ ເຖິງວ່າໄດ້ດໍາເນີນການ ຢ່າງເອົຈິງເອົາຈັງ ເພື່ອປ້ອງກັນ ແກ້ໄຂ ເປັນຕົ້ນແມ່ນບັນຫາຢາເສບຕິດ ການຄ້າຂາຍ ແລະດໍາເນີນທຸຣະກິດ ຜິດກົດໝາຍ."

ເມື່ອເດືອນທີ່ແລ້ວ ທ່ານກ່າວວ່າ: “ຕ້ອງມີການລົງໂທດ ຢ່າງຮຸນແຮງ ຕໍ່ຜູ້ທີ່ຖືກຈັບກຸມໃນຄະດີດັ່ງກ່າວ”.

ທ່ານເວົ້າຂ້ອນຂ້າງຈະແຈ້ງວ່າ ເປັນຫຍັງພັກປະຊາຊົນ ປະຕິວັດລາວ ຈຶ່ງຈໍາເປັນຕ້ອງບັນລຸເປົ້າໝາຍນັ້ນ ແລະວ່າ ອັນນີ້ຈະສ້າງຄວາມ ເຊື່ອໝັ້ນ ໃຫ້ແກ່ປະຊາຊົນ ພວກເຮົາຈະຕ້ອງສະແດງ ໃຫ້ຜູ້ຄົນເຫັນວ່າ ພວກເຮົາຈິງຈັງກັບເຣຶ່ອງນີ້.

ບັນຫາອັນບໍ່ດີທີ່ເກີດຂຶ້ນໃນສັງຄົມລາວ ຮວມທັງບັນຫາຢາເສບຕິດ, ການຄ້າເຖື່ອນ, ການຄ້າມະນຸດ, ການສໍ້ຣາສບັງຫລວງ, ບັນຫາທີ່ດິນ ແລະບັນຫາອັນບໍ່ດີອື່ນໆນັ້ນ ເຮັດໃຫ້ພາກສ່ວນນຶ່ງ ທີ່ເປັນຮາກຖານຂອງພັກ ເກີດຄວາມຢ້ານກົວເພີ້ມຂຶ້ນວ່າ ປະຊາຊົນລາວຈໍານວນນຶ່ງ ອາຈສູນເສັຍຄວາມໝັ້ນໃຈ ນໍາພັກປະຊາຊົນ ປະຕິວັດລາວ.

ຫລາຍຄົນເວົ້າວ່າ ຄວາມຮຽກຮ້ອງອັນສໍາຄັນຂອງພັກນັ້ນ ກໍາລັງສູນເສັຍບົດບາດ ຂອງຕົນໄປ ຍ້ອນຄ່າຄອງຊີບ ຖີບຕົວສູງຂຶ້ນ, ອັດຕຣາ ຜູ້ຕິດຢາເສບຕິດ ເພີ້ມຂຶ້ນ ແລະການສໍ້ຣາສບັງຫລວງ ຮຸນແຮງ.

ຄໍາເຫັນ (2)
Share

(

Your words are empty and meaningless. You are incompetent and unable to be a proper PM. At your place I'd have resigned 3 times over. What have you done since you're chosen by your party to be the head of the government ? Nothing! Stop bragging and giving promises to please the Free World. Nobody is a fool nowadays.You cannot fight drug lords simply because they are your friends and your relatives or maybe your business partners. Shame on you.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 12, 2018 05:11 AM

(

Well, it's unbelievable that the prime minister has the courage to do so. When are you going to start Sir? Maybe you can start with your commie friends and families before you go further.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2018 05:32 AM

ເຕັມຫນ້າ