ຢາເສພຕິດ ຍັງເປັນສິ່ງທ້າທາຍ ວາຣະແຫ່ງຊາຕ

ໃນ ສ​ປ​ປລາວ--ການເສພ, ການຄ້າຂາຍ ແລະ ຂົນສົ່ງຢາເສພຕິດ ໄດ້ຣະບາດ ແລະ ແຜ່ລາມ ຈາກໂຕເມືອງໄປສູ່ ຊົນນະບົດ, ຊຶ່ງເປັນບັນຫາທ້າທາຍ ໃນການປະຕິບັດ ວາລະແຫ່ງຊາຕ ແກ້ໄຂຢາເສພຕິດ.

ໄມຊູລີ: ສະບາຍດີ ທ່ານຜູ້ຟັງທີ່ເຄົາຣົບ… ຂໍຕ້ອນຮັບທຸກໆທ່ານ ເຂົ້າມາສູ່ ຣາຍການ “ມາຟັງນຳກັນ”, ຊຶ່ງເປັນຣາຍການ ທີ່ນຳສເນີ ປະເດັນຮ້ອນ ໃນຮອບສັປດາຜ່ານມາ. ສຳລັບ ຫົວຂໍ້ໃນຣາຍການ ຂອງພວກເຮົາ ໃນມື້ນີ້ແມ່ນ ວາຣະແຫ່ງຊາຕ ແກ້ໄຂຢາເສພຕິດ ສະທ້ອນເຖິງທຸກເຂດ ໃນລາວ ມີຢາເສພຕິດຣະບາດ. ທ່ານຜູ້ຟັງ ທີ່ຕິດຕາມ ຣາຍການ ຂອງພວກເຮົາ ຕ້ອງການ ເຂົ້າຮ່ວມ ໃນຣາຍການ ດ້ວຍຮູບແບບ ສັມພາດ ກະຣຸນາ ສົ່ງເບີໂທຣະສັບ ຂອງທ່ານ ລົງໃສ່ຊ່ອງຄອມເມັ້ນ ໃນຣາຍການ ຂອງພວກເຮົາ ທີ່ກຳລັງອອກຣາຍການ ໃນຕອນນີ້ ແລ້ວພວກເຮົາ ຈະຕິດຕໍ່ຫາ ເພື່ອສັມພາດ ມາອອກຣາຍການ. ມື້ນີ້ ດຳເນີນຣາຍການ ໂດຍ ໄມຊູລີ ແລະ ໄຊຍາ.

ໄຊຍາ: ສະບາຍດີ ທ່ານຜູ້ຟັງ… ສັປດານີ້ ພວກເຮົາ ມາເວົ້າເຖິງ ວາຣະແຫ່ງຊາຕ ແກ້ໄຂຢາເສພຕິດຂອງຣັຖບານລາວ ທີ່ໄດ້ມີການຈັດຕັ້ງ ປະຕິບັດມາ ຕັ້ງແຕ່ ປີ 2021 ໄປຈົນເຖິງ ປີ 2023. ຕໍ່ກັບບັນຫາດັ່ງກ່າວ ມັນໄດ້ສະທ້ອນ ໃຫ້ເຫັນວ່າ ໃນປະເທດລາວ ຢາເສພຕິດ ມີການຣະບາດ ຢ່າງຮຸນແຮງ ເຂົ້າໃນທຸກເຂດ ຂອງປະເທດລາວ. ໂດຍໃນມື້ນີ້ ມາຟັງ ວາຣະແຫ່ງຊາຕ ແກ້ໄຂຢາເສພຕິດ ໄດ້ວາງນະໂຍບາຍອອກມາແນວໃດ ເພື່ອເຮັດໃຫ້ ຢາເສພຕິດ ໃນປະເທດລາວ ທີ່ເປັນພັຍຄຸກຄາມ ປະເທດລາວ ທີ່ນັບມື້ນັບເພີ່ມຂຶ້ນເລື້ອຍໆ ກໍຄື ດັ່ງເຮົາເຫັນຂ່າວ ໃນປັດຈຸບັນແມ່ນ ທາງຕຳຣວດປາບປາມຢາເສພຕິດ ໄດ້ນຳເອົາຢາເສພຕິດ ທີ່ຈັບໄດ້ ຮອບປີ ມາທຳລາຍ ໃນວັນແຫ່ງຊາຕ ຕ້ານຢາເສພຕິດ, ຊຶ່ງໃນແຕ່ລະແຂວງ ພົບວ່າປະຣິມານ ຂອງຢາເສພຕິດ ຫລາຍຂຶ້ນ.

…

(ເຊີນທ່ານ ຟັງຣາຍລະອຽດ ຈາກສຽງ ທີ່ໄດ້ບັນທຶກໄວ້ ຂ້າງເທິງນັ້ນ)