ນະຄອນຫຼວງປາບ ການຄ້າ ປະເວນີ

ສຸພັດຕາ
2018-10-19
Share
F-VT ສະຖານທີ່ ກິນດື່ມ ແລະ ຮ້ານຄ້າ ໃນນະຄອນຫຼວງວຽງຈັນ
RFA/SN

ທາງການ ນະຄອນຫຼວງວຽງຈັນ ປາບປາມ ການຄ້າປະເວນີ ແລະເຄືອຂ່າຍ ຜູ້ຕິດຕໍ່ຫາລູກຄ້າ ຫຼືຕິດຕໍ່ໂດຍກົງ ຜ່ານສື່ອອນລາຍ ຫຼື app ຕ່າງໆ ເຮັດໃຫ້ ບັນຫາການຄ້າປະເວນີ ເພີ້ມຂຶ້ນຢ່າງຫຼວງຫຼາຍ. ດັ່ງເຈົ້າໜ້າທີ່ ກັມມະບານ ຢູ່ນະຄອນຫລວງ ວຽງຈັນ ທ່ານນຶ່ງເວົ້າວ່າ:

“ພວກທີ່ວ່າຄ້າ ໂສເພນີ ພວກເຮົາລົງກວດກາລົງເບີ່ງ ຕາມຮ້ານກິນດື່ມບັນເທີງ ຕາມອັນນີ້ ມັນກໍສາວບໍຣິການ ກໍເວົ້າເຣື່ອງຄວາມພໍໃຈ ຂອງເຂົາ ເຂົາມາດ້ວຍຄວາມສມັກໃຈ ເຂົາກໍແບບວ່າ ມາຫາເງິນຫາຄໍາ ແຕ່ວ່າ ເຂົາກໍ ຂາຍບໍຣິການ ທາງເພດ ຫາລ້ຽງຊີບເຂົາ ແຕ່ວ່າ ພວກເຮົາ ກໍບໍ່ທັນໄດ້ດໍາເນີນການ ຢ່າງເດັດຂາດ ຕໍ່ພາກສ່ວນດັ່ງກ່າວນີ້ ກໍຍັງເປັນໂອກາດ ຂອງພາກສ່ວນສັງຄົມ ທີ່ຕ້ອງມີ ຄວາມຮັບ ຜິດຊອບ ຊ່ວຍກັນຫັ້ນນະ.”

ປະຊາຊົນນະຄອນຫລວງວຽຈັນ ທ່ານນຶ່ງເວົ້າວ່າ ບັນຫານີ້ ເກີດຂຶ້ນຍ້ອນຄວາມທຸກຍາກ ຂອງປະຊາຊົນ ເຈົ້າໜ້າທີ່ ຈະສະກັດກັ້ນ ເຣື້ອງ ນີ້ໄດ້ ຕ້ອງສຸມໃສ່ ການຊອກຫາວຽກເຮັດງານທໍາ ໃຫ້ ພວກເຂົາເຈົ້າ:

“ບັນຫາ ຄ້າປະເວນີ ກໍຊິແມ່ນ ບັນຫາສັງຄົມ ກໍບໍ່ໄດ້ຕິດຕາມ ວ່າມັນເກີດຂຶ້ນ ຍ້ອນອິຫຍັງ ບັນຫາຂອງແຕ່ລະຄົນ ມັນກໍບໍ່ຄືກັນເນາະ ມັນຕ້ອງມີຫຼາຍສາເຫດ ຫຼາຍສິ່ງຫຼາຍຢ່າງ ເຣື້ອງຄວາມທຸກຍາກ ຍ້ອນວຽກເຮັດ ງານທໍາບໍ່ມີ ຍ້ອນຫຍັງກໍຊິໄດ້ເຮັດໄປ ຈັ່ງຊັ້ນລະ ຄັນເຣື້ອງສະກັດກັ້ນ ໄດ້ຫລຸດນ້ອຍຖອຍລົງ ໄດ້ກໍເປັນເລື່ອງທີ່ດີຫັ້ນແຫລະ.”

ຕາມຂໍ້ມູນ ຂອງທາງເຈົ້າໜ້າທີ່ຕໍາຣວດ ສະກັດກັ້ນ ແລະ ຕ້ານການຄ້າມະນຸດ ນະຄອນຫລວງວຽງຈັນ ໃນຣະຍະ 9 ເດືອນຜ່ານມາ ເຈົ້າໜ້າທີ່ ສາມາດໄດ້ກວດກາ ສະຖານທີ່ 800 ແຫ່ງ ເຊັ່ນໂຮງແຮມ, ເຮືອນພັກ, ຮ້ານອາບອົບນວດ, ຮ້ານຄາຣາໂອເກະ ແລະ ຮ້ານອາຫານ ແລະສາມາດ ຈັບສາວບໍຣິການໄດ້ 120 ປາຍຄົນ, ໃນນັ້ນເປັນຄົນຕ່າງປະເທດ 35 ຄົນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ