ການຊື້ຈ້າງເຂົ້າຮຽນ ຢູ່ລາວ

ຈໍາປາທອງ
2018-08-28
ອີແມວລ໌
ຄໍາເຫັນ
Share
ພິມ
ມະຫາວິທຍາລັຍ ແຫ່ງຊາດ ສປປລາວ
ມະຫາວິທຍາລັຍ ແຫ່ງຊາດ ສປປລາວ
RFA

ການເຂົ້າຮຽນມະຫາວິທຍາລັຍ ຢູ່ ສປປລາວ ເປັນຕົ້ນມະຫາວິທຍາລັຍແຫ່ງຊາດ ຈໍານວນບໍ່ໜ້ອຍ ຍັງມີການຈ້າງເຂົ້າຢູ່ຄືເກົ່າ ໂດຍສະເພາະ ພວກລູກຫຼານຂອງຄົນຮັ່ງມີ ຖ້າບໍ່ເປັນລູກຫຼານ ຂອງເຈົ້າໜ້າທີ່ຣະດັບສູງ ຫລື ຜູ້ມີເສັ້ນສາຍໃຫຍ່ ເຮັດໃຫ້ນັກຮຽນ ເກັ່ງ ເສັງໄດ້ ບໍ່ມີໂອກາດ ໄດ້ຮຽນຕໍ່. ຕາມຄໍາເວົ້າຂອງອະດີດນັກສຶກສາລາວ ຄົນນຶ່ງ ຕໍ່ວິທຍຸເອເຊັຍເສຣີ ໃນມື້ວັນທີ 27 ສິງຫາ ນີ້:

"ສ່ວນຫຼາຍຂະເຈົ້າກະຊື້ຈ້າງໝົດຫັ້ນແຫຼະ ເຟສກະເຫັນຂະເຈົ້າໂພສກັນລົງຫຼາຍ ກະໂຈມຕີກັນຫລາຍເດ້ ບາງຄົນຈ້າງເຂົ້າບໍ່ໄດ້ ຕ້ອງໄດ້ໃຊ້ ເງິນຫລາຍ."

ນາງເວົ້າວ່າ ສ່ວນຫລາຍແລ້ວ ການຊື້ຈ້າງເຂົ້າມະຫາວິທຍາລັຍ ຕ້ອງໄດ້ເສັຍເງິນຫຼາຍແສນບາດ. ແຕ່ຖ້າຈ້າງເຂົ້າຮຽນບາງຂແນງ ເປັນຕົ້ນ ຂແນງແພດສາດ ແມ່ນຕ້ອງໄດ້ເສັຍເງິນຫຼາຍກວ່ານັ້ນ ຈຶ່ງໄດ້ເຂົ້າແບບບໍ່ຕ້ອງຜ່ານ ການສອບເສັງປົກກະຕິ ເຮັດໃຫ້ນັກຮຽນເກັ່ງແລະຕັ້ງໃຈ ຮຽນແທ້ໆ ແຕ່ເປັນຄົນທຸກຍາກ ຈໍານວນບໍ່ໜ້ອຍບໍ່ໄດ້ຮຽນຕໍ່, ຕ້ອງໄດ້ໄປຊອກເຮັດວຽກ ຫາເງິນພໍລ້ຽງຊີບ.

ນາງຄິດວ່າ ບັນຫາຊໍາເຮື້ອທີ່ວ່ານີ້ ຍັງຈະມີຕໍ່ໆໄປເລຶ້ອຍໆ ຈົນກວ່າວ່າຈະລົບລ້າງການສໍ້ຣາດບັງຫລວງ ໃນຣະບົບການສຶກສາ ທຸກຣະດັບໄດ້ ຊຶ່ງທາງກະຊວງສຶກສາທິການ ແລະກິລາ ສປປລາວ ຈະຕ້ອງໄດ້ກວດກາເຂັ້ມງວດ ແລະແກ້ໄຂເດັດຂາດ ຍ້ອນວ່າ ມັນເປັນສິ່ງທ້າທາຍ ຕໍ່ ການພັທນາການສຶກສາໃນລາວ.

ຄຽງຄູ່ກັນໄປກັບບັນຫາທີ່ວ່ານີ້ ກໍຍັງມີບັນຫາກ່ຽວກັບນັກສຶກສາ ທີ່ຮຽນຈົບຈາກມະຫາວິທຍາລັຍ ຈໍານວນຫລວງຫລາຍ ບໍ່ຖືກທາງການ ສປປລາວ ບັນຈຸເຂົ້າເຮັດວຽກງານ ເຮັດໃຫ້ຜູ້ມີເງິນແດ່ກໍຈ້າງເຂົ້າເຮັດວຽກນໍາຣັຖ ຂນະທີ່ມີບໍ່ໜ້ອຍ ທີ່ຮຽນເກັ່ງ ມີຄວາມຮູ້ຄວາມສາມາດ ບໍ່ມີໂອກາດໄດ້ເຂົ້າເຮັດວຽກນໍາຣັຖ, ຕ້ອງໄດ້ໄປເຮັດວຽກນໍາ ບໍຣິສັດເອກກະຊົນ ຫລືບໍ່ກໍໄປຊອກຫາເຮັດວຽກໃດວຽກນຶ່ງ ເຮັດພໍໄດ້ຢູ່ໄດ້ກິນ ໄປຕາມຍັດຖາກັມຂອງຕົນ.

ຄໍາເຫັນ (2)
Share

(

Whenever you see pictures of blood-sucking Lao leaders just stick $ signs on their eyes then you will understand better these animals. Hope the piles of their $ cash they keep at home are now rotten by Mekong flood.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 30, 2018 05:38 AM

ໝູ່ຂ້ອຍກໍເປັນເຈົ້າຂອງປະເທດຄືກັນ

ຈາກ ເມືອງອັຕະປື

ການສໍ່ລາດບັງຫລວງໃນຂະແໜງການສືກສາ ແລະຂະແໜງການອື່ນໆ ທີ່ຝັງຮາກເຫງົ້າໃນສັງຄົມລາວມາເປັນເວລາຫລາຍສິບປີນີ້ ພັກ ແລະຣັຖະບານ ຈະບໍ່ສາມາດແກ້ໄຂໄດ້ດອກ ເພາະວ່າ ມັນເປັນລະບົບຕ່ອງໂສ່ ທີ່ພະນັກງານພັກແລະຣັຖຕັ້ງຂຶ້ນເອງ ຜູ້ໃດຕ້ອງຕິ ເວົ້າຄວາມຈິງຂຶ້ນມາ ແລະບໍ່ເຮັດນໍາເຂົາ ຜູ້ນັ້ນຕ້ອງບໍ່ມີວຽກເຮັດໂລດ. ພັກ ແລະຣັຖ ບໍ່ຈໍາເປັນຕ້ອງຕົ້ວະປະຊາຊົນຕໍ່ໄປວ່າ ໃນປີນັ້ນ ປີນີ້ ປະເທດຊາຕຈະຫລຸດພົ້ນ ອອກຈາກເປັນປະເທດດ້ອນພັທະນາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 30, 2018 05:37 AM

ເຕັມຫນ້າ