ຊາວລາວວ່າ ຫຼາຍບັນຫາ ສະພາ ຍັງແກ້ບໍ່ໄຂວ່

ຈຳ​ປາ​ທອງ
2019-12-05
ອີແມວລ໌
ຄໍາເຫັນ
Share
ພິມ
ປ້າຍ​ປະ​ກາດ​ຂາຍ​ທີ່​ດິນ ຕາມ​ຫົວ​ເມືອງ​ຕ່າງໆ, ເຊິ່ງ​ທີ່​ດິນ ກາຍ​ເປັນ​ຊັ​ພ​ສິນ​ສຳ​ຄັນ ທີ່​ມັກ​ມີ​ບັນ​ຫາ ຈົນ​ເຖິງ​ຂັ້ນ​ ຕ້ອງໄດ້ສ​ເນີໄປ​ຫາ ​ສະ​ພາ​ແຫ່ງ​ຊາ​ຕ​ລາວ ເພື່ອ​ແກ້​ໄຂ​ (ຮູບ​ຖ່າຍ​ເມື່ອ​ເດືອນເມ​ສາ ປີ 2019)
ປ້າຍ​ປະ​ກາດ​ຂາຍ​ທີ່​ດິນ ຕາມ​ຫົວ​ເມືອງ​ຕ່າງໆ, ເຊິ່ງ​ທີ່​ດິນ ກາຍ​ເປັນ​ຊັ​ພ​ສິນ​ສຳ​ຄັນ ທີ່​ມັກ​ມີ​ບັນ​ຫາ ຈົນ​ເຖິງ​ຂັ້ນ​ ຕ້ອງໄດ້ສ​ເນີໄປ​ຫາ ​ສະ​ພາ​ແຫ່ງ​ຊາ​ຕ​ລາວ ເພື່ອ​ແກ້​ໄຂ​ (ຮູບ​ຖ່າຍ​ເມື່ອ​ເດືອນເມ​ສາ ປີ 2019)
RFA/Chareunsouk

ຊາວ​​ນະ​ຄອນ​ຫຼວງວຽງ​ຈັນ ​ທ່ານ​ນຶ່ງ ທີ່​ມີ​ບັນ​ຫາ​ຂັດ​ແຍ່ງ ​ກັບ​ນັກ​ລົງ​ທຶນ ​ກ່ຽວ​ກັບ ​ເຣື້ອງ​ທີ່​ດິນ​ຂອງ​ຕົນ ເວົ້າ​ວ່າ ບັນ​ຫາ​ທີ່​ສ​ເນີ​ ໄປ​ຍັງ​ສະ​ພາ​ແຫ່ງ​ຊາຕລາວ ​ແຕ່​ລະ​ເທື່ອ ທັງ​ຜ່ານ​ທາງ​ໂທ​ຣະ​ສັບ ​ສາຍ​ດ່ວນ ແລະ​ ທາງ​ເອ​ກະ​ສານ​ນັ້ນ, ບໍ່​ໄດ້​ຮັບ​ ການ​ພິ​ຈາ​ຣະ​ນາ ​ແກ້​ໄຂ ຈັກ​ເທື່ອ, ເຖິງ​ແມ່ນ​ວ່າ ​​ໄດ້ໂທ​ຣະ​ສັບ​ສາຍ​ດ່ວນ ​ໄປ​ສ​ເນີ ໃນ​ຣະ​ຫວ່າງກອງ​ປະ​ຊຸມ ​ສະ​ພາ​ແຫ່ງ​ຊາຕລາວ ທີ່ກຳ​ລັງ​ດຳ​ເນີນ​ໄປ​ຢູ່​ນັ້ນ ​ຫຼາຍ​ຄັ້ງ​ຜ່ານ​ມາ​ ແລ້ວ​ກໍ​ຕາມ, ແຕ່​ບັນ​ຫາ​ຂອງ​ຕົນ ​ກໍ​ຍັງ​ຖືກ​ແກ່​ຍາວ ມາ​ຈົນ​ຮອດ​​ທຸ​ກ​ມື້​ນີ້. ດັ່ງ​ທີ່​ທ່ານ​ກ່າວ​ຕໍ່​ວິ​ທ​ຍຸ​ເອ​ເຊັຽ​ເສ​ຣີ ໃນ​ມື້​ວັນ​ທີ​ 4 ທັນ​ວາ ນີ້​ວ່າ:

ອັນອື່ນບໍ່ໄດ້ສົນໃຈນະ ເພາະວ່າຜ່ານມານີ້ ມັນກະເຄີຍມີບົດຮຽນແລ້ວ. ເນີຫຍັງໄປກໍບໍ່ໄດ້ຮັບການແກ້ໄຂຫຍັງນະ ສະພາເຂົາກະບໍ່ເວົ້າຫຍັງ ບໍ່ຕອບຫຍັງນະ. ຢາກເວົ້າແຕ່ຣື້ອງສ່ວນໂຕນີ້ດອກ.”

ທ່ານ​ເວົ້າ​ຕື່ມ​ອີກວ່າ ໃນ​ໄລ​ຍະ​ກອງ​ປະ​ຊຸມ ​ສ​ມັຍ​ສາ​ມັນ ​ເທື່ອ​ທີ 8 ຂອງ​ສະ​ພາ​ແຫ່ງ​ຊາດຕ ຊຸດ​ທີ 8 ທີ່​ກຳ​​ລັງດຳ​ເນີນ​ໄປ​ຢູ່​ນີ້ ຕົນ​ກໍ​ໄດ້​ສ​ເນີ ​ເອກະ​ສານ​ ຮ້ອງ​ຮຽນ ໄປ​ຍັງ​ສະ​ພາ​ ອີກ​ເທື່ອ​ນຶ່ງ ເພື່ອ​ຂໍ​ໃຫ້​ສະ​ພາ ​ຊ່ອຍ​ພິ​ຈາ​ຣະ​ນາ ​ແກ້​ໄຂ​ ບັນ​ຫາ​ດັ່ງ​ກ່າວ ແລະ​ ເຈົ້າ​ໜ້າ​ທີ່​ສະ​ພາ​ແຫ່ງ​ຊາຕ ກໍ​ໄດ້​ຮັບ​ເຣື້ອງ​ທີ່​ວ່າ​ນັ້ນ ​ໄປ​ອີກ​ຕື່ມ, ເຊິ່ງ​ຕົນ​ກໍ​ຫວັງ​ວ່າ ບັນ​ຫາ​ນັ້ນ ​ຈະ​ໄດ້ຮັບ​ການ​ແກ້​ໄຂ ຢ່າງ​ຈິງ​ຈັງ ​ໃນ​ໄວໆ​ນີ້ ຍ້ອນ​ວ່າ ບັນ​ຫາ​ທີ່​​ດິນ, ເຊິ່ງ​ຂັດ​ແຍ່ງ ກັບ​ນັກ​ລົງ​ທຶນນັ້ນ, ຍັງ​ບໍ່​ສາ​ມາດ​ໄກ່​ເກັ່ຽ ​ກັນ​ໄດ້​ເທື່ອ.

ເພື່ອ​ຄວາມ​ກະ​ຈ່າງ​ແ​ຈ້ງ ກ່ຽວ​ກັບ ​ບັນ​ຫາ​ທີ່​ວ່າ​ນີ້ ວິ​ທ​ຍຸ​ເອ​ເຊັຽ​ເສ​ຣີ ​ໄດ້​ຕິດ​ຕໍ່​ໄປ​ຍັງ​ສະ​ພາ​ແຫ່ງ​ຊາຕ ທີ່​ນະ​ຄອນ​ຫຼວງວຽງ​ຈັນ, ໄດ້​ຮັບ​ຄຳ​ຕອບ​ ຈາກ​ເຈົ້າ​ໜ້າ​ທີ່ ​ສະ​ພາ​ແຫ່ງ​ຊາຕ ​ທ່ານ​ນຶ່ງ ທີ່ບໍ່​ປະ​ສົງ​ອອກ​ຊື່ ແລະ​ ສຽງ​ວ່າ ທຸກ​ໆ​ບັນ​ຫາ ​ທີ່​ປະ​ຊາ​ຊົນ ​ໄດ້​ສ​ເນີ​ມາ​ ໃນ​ໄລ​ຍະ​ກອງ​ປະ​ຊຸມ​ ສະ​ພາ​ແຫ່ງ​ຊາຕ, ທາງ​ເຈົ້າ​ໜ້າ​ທີ່ ​ທີ່​ກ່ຽວ​ຂ້ອງ ​ຂອງ​ສະ​ພາ​ແຫ່ງ​ຊາຕ ໄດ້​ຮັບ​ເອົາ​​ໄວ້ທັງ​ໝົດ ເພື່ອນຳ​ໄປ​ພິ​ຈາ​ຣະ​ນາ ແ​ລະ​ ຄົ້ນ​ຄວ້າ ​ຫາ​ແນວ​ທາງ​ແກ້​ໄຂ. ແຕ່​ບາງ​ບັນ​ຫາ​ ອາຈ​ຕ້ອງ​ໄດ້​ໃຊ້​ເວ​ລາ ​ດົນ​ພໍ​ສົມ​ຄວນ ຈຶ່ງ​ຈະ​ສາ​ມາດ​ ຕົກ​ລົງ​ໄດ້. ບໍ່​ແມ່ນ​ວ່າ​ ທາງ​ສະ​ພາ ​ຈະ​ເລືອກ​ຮັບ​ເອົາ ​ແຕ່​ບັນ​ຫາ​ໃດ​ ບັນ​ຫາ​ນຶ່ງ ທີ່​ປະ​ຊາ​ຊົນ​ຮ້ອງ​ຮຽນ​ມາ.

​ກ່ອນ​ໜ້າ​ນີ້, ເຈົ້າ​ໜ້າ​ທີ່​ທາງ​ການ​ລາວ ທ່ານ​ນຶ່ງ ກໍ​ເວົ້າ​ວ່າ ທຸກ​ບັນ​ຫາ ​ທີ່​ປະ​ຊາ​ຊົນ ​ໄດ້​ສ​ເນີ​ໄປ​ ໃຫ້​ສະ​ພາ​ແຫ່ງ​ຊາຕ ​ພິ​ຈາ​ຣະ​ນາ ​ແກ້​ໄຂນັ້ນ, ບັນ​ຫາ​ໃດ​ ທີ່​ສະ​ພາ​ຄົ້ນ​ຄວ້າ​ໄດ້ ກໍ​ຈະ​ໄດ້​ຮັບ​ການ​ແກ້​ໄຂ ແລະ​ ບັນ​ຫາ​ໃດ ​ບໍ່​ສາ​ມາດ​ຄົ້ນ​ຄວ້າ ແລະ ​ແກ້​ໄຂ​ໄດ້ ກໍ​ຈະ​ມີ​ຄຳ​ຕອບ​ ຊີ້​ແຈງ ວ່າເປັນ​ຍ້ອນ​ຫຍັງ​ ຈຶ່ງບໍ່​ສາ​ມາດ​ ແກ້​ໄຂ​ໄດ້. ດັ່ງ​ທີ່​ທ່ານ​ກ່າວ​ວ່າ:

“​ເຂົາຮຽກຮ້ອງເຂົາກໍຜ່ານສະພາ ເພາະວ່າສະພາເຂົາເປີດໂອກາດໃຫ້ຢູ່ນີ້. ຄັນໃຜສົນໃຈ ສະພານີ້ ເຂົາຄົ້ນຄວ້າໄດ້, ເຂົາກະແກ້ ໂຕໃດຄັນຄົ້ນຄວ້າໄດ້ບໍ່ໄດ້ ກະຕອບໃຫ້ດ້ວຍເຫຜົໃດ.”

ແຕ່​ເຖິງ​ຢ່າງ​ໃດ​ກໍ​ຕາມ ຂນະ​ນີ້ ກອງ​ປະ​ຊຸມ​ເທື່ອ​ທີ 8 ຂອງ​ສະ​ພາ​ແຫ່ງ​ຊ​າຕ ​ຊຸດ​ທີ 8 ກຳ​ລັງ​ດຳ​ເນີນຢູ່ ແລະ​ ຈະ​ປິດ​ລົງ​ ໃນ​ມື້​ວັນ​ທີ 6 ທັນ​ວາ​ນີ້ ກໍ​ຍັງ​ມີ​ເວ​ລາ​​ ທີ່​ປະ​ຊາ​ຊົນ ​ຍັງ​ມີ​ໂອ​ກາດ ​ສ​ເນີ​ບັນ​ຫາ​ຕ່າງໆ ໃຫ້​ສະ​ພາ​ແຫ່ງ​ຊາດຕ ຊ່ອຍ​ພິ​ຈາ​ຣະ​ນາ​ແກ້​ໄຂ.

ຄໍາເຫັນ (0)
Share
ເຕັມຫນ້າ