ຊາວຄຣິສຕຽນຖືກຈັບຢູ່ ເມືອງສິງ

ໄຊຍາ
2019-04-12
ອີແມວລ໌
ຄໍາເຫັນ
Share
ພິມ
ກອງບັນຊາການ ປ້ອງກັນຄວາມສງົບ ແຂວງຫຼວງນໍ້າທາ
ກອງບັນຊາການ ປ້ອງກັນຄວາມສງົບ ແຂວງຫຼວງນໍ້າທາ
ຮູບພາບຈາກ : ນັກຂ່າວພົລເມືອງ

ຕື່ມ​ຂໍ້​ມູນ​ຫລ້າ​ສຸດ: 18:58 ວັນ​ທີ 12 ເມ​ສາ 2019 (ຕາມ​ເວລາ ສະ​ຫະ​ຣັ​ຖ ອະ​ເມ​ຣິ​ກາ)

ຊາວຄຣິສຕຽນອະເມຣິກັນ ສາມຄົນຖືກຈັບຢູ່ເມືອງສິງ ແຂວງຫຼວງນ້ຳທາ ເມື່ອວັນຈັນວັນທີ 8 ເດືອນເມສາ 2019 ນີ້, ຕາມຄຳເວົ້າຂອງ ສະມາຊິກ ອົງການຄຣິສຕຽນ ແຫ່ງນຶ່ງໃນ ສະຫະຣັດ ອະເມຣິກາ.

ທ່ານ Eric Blievernicht ສະມາຊິກອົງການຄຣິສຕຽນ Vision Beyond Borders ໃຫ້ສຳພາດທາງໂທຣະສັບຕໍ່ນັກຂ່າວວິທຍຸເອເຊັຽ ເສຣີ ໃນວັນທີ 12 ເມສາ 2019 ນີ້ວ່າ:

ທ່ານເວົ້າວ່າ “ຊາວອະເມຣິກັນ ທັງສາມຄົນຖືກຈັບ ໃນເວລາພວກເຂົາແຈກຢາຍເອກກະສານ ຄຣິສຕຽນ Evangelistic ເຊັ່ນ MP3 ແລະ ພຣະຄຳພີ ແລະພວກເຂົາຖືກກັກ ຢູ່ໃນເຮືອນພັກ ນັບແຕ່ ວັນຈັນເປັນຕົ້ນມາ. ປະກົດວ່າ ການສອບສວນດຳເນີນໄປຢ່າງຊັກຊ້າ. ເຈົ້າໜ້າທີ່ນຳເອົາຊາວອະເມຣິກັນ ເຂົ້າມາໃນຫ້ອງ ແລະເຈົ້າໜ້າທີ່ກໍອອກໄປ ວ່າຈະໄປພຽງສິບນາທີ ແຕ່ຫາຍໄປເປັນເວລາ 4-5 ຊົ່ວໂມງ ຈຶ່ງກັບມາ. ພວກເຮົາເປັນຫ່ວງ ຖ້າພວກເຮົາບໍ່ສາມາດ ຊ່ວຍໃຫ້ເຂົາໄດ້ອອກພາຍໃນມື້ນຶ່ງສອງມື້ນີ້ ພວກເຂົາຈະຖືກກັກຂັງຈົນກາຍປີໃໝ່ ລາວ. ທາງສະຖານທູດ ສະຫະຣັດ ກໍຮູ້ ແລະກຳລັງຕິດຕໍ່ພົວພັນຢູ່.”

ນອກຈາກນີ້ ທ່ານ Blievernicht ຍັງໄດ້ອີແມວລ ຣາຍລະອຽດກ່ຽວກັບເຣື່ອງນີ້ເຖິງ ວິທຍຸເອເຊັຍຕື່ມວ່າ ເມື່ອວັນຈັນວັນທີ 8 ເມສາ ຊາວອະເມຣິກັນທັງສາມ ໄດ້ແຈກຢາຍເອກກະສານ ກ່ຽວກັບ ສາສນາຄຣິສຕຽນ evangelistic ຢູ່ຕາມບ້ານຕ່າງໆໃນເຂດ ເມືອງສິງ ແຂວງຫລວງນ້ຳທາ ແລະຊາວບ້ານຄົນນຶ່ງ ໄດ້ຣາຍງານຕຳຣວດ ຊຶ່ງຕໍ່ມາ ຕຳຣວດກໍຈັບ ແລະກັກຂັງຊາວອະເມຣິກັນ ທັງສາມຄົນນັ້ນ. ຜູ້ຖືກຈັບທັງສາມ ມີຊື່ວ່າ Wayne, Autumn ແລະ Joseph. ທາງການເຈົ້າໜ້າທີ່ປ້ອງກັນຄວາມສງົບ ແຂວງຫລວງນ້ຳທາ ກໍຮັບຮູ້ ເຣື່ອງນີ້ແລ້ວ:

“ເຈົ້າ, ທາງເຮົາຮັບຮູ້ແລ້ວ ຮູ້ແຕ່ວ່າກ່ຽວກັບສາມຄົນນັ້ນ ບໍ່ແມ່ນກັກຕົວເດີ ພຽງແຕ່ກັກພັສປອດເດີ ກັກໜັງສືຜ່ານແດນ ບໍ່ແມ່ນກັກຕົວ ເນາະ.”

ຜູ້ນຳໂບດຄຣິສຕຽນແຫ່ງນຶ່ງ ໃນນະຄອນຫລວງວຽງຈັນ ທີ່ບໍ່ປະສົງບອກຊື່ແລະອອກສຽງ ໃຫ້ຄຳຄິດຄຳເຫັນກັບ ວິທຍຸເອເຊັຍເສຣີ ໃນວັນທີ 12 ເມສາ ນີ້ວ່າຫາກໍຮັບຮູ້ຂ່າວນີ້ ແລະກຳລັງເດີນທາງໄປ ແຂວງຫຼວງນ້ຳທາ ເພື່ອຫາທາງຊ່ອຍເຫລືອ ຊາວອະເມຣິກັນສາມຄົນນັ້ນ.

ສ່ວນເຈົ້າໜ້າທີ່ສະຖານທູດສະຫະຣັດອະເມຣິກາ ປະຈຳລາວ ກ່າວຕໍ່ນັກຂ່າວຂອງພວກເຮົາໃນມື້ດຽວກັນວ່າ ຍັງບໍ່ສາມາດໃຫ້ຄວາມເຫັນ ແນວໃດກ່ຽວກັບ ບັນຫານີ້ເທື່ອ, ນອກຈາກນີ້ ນັກຂ່າວເຮົາ ກໍໂທຣະສັບ ຫາກົມການຂ່າວ ກະຊວງການຕ່າງປະເທດລາວ ໄດ້ຍິນສຽງ ໂທຣະສັບດັງ ສາມ-ສີ່ ເທື່ອ ແຕ່ແລ້ວກໍຖືກຕັດໄປ ບໍ່ມີໃຜຮັບສາຍ.

ຂໍ້​ມູນ​ເພີ້ມ​ຕື່ມ ຫລ້າ​ສຸດ:

ຕໍ່​ມາ ໃນ​ຕອນ​ແລງ ຂອງ​ວັນ​ທີ 12 ເມ​ສາ, ຕາມ​ເວ​ລາ ໃນ​ສະ​ຫະ​ຣັ​ຖ ອະ​ເມ​ຣິ​ກາ, ເຈົ້າ​ໜ້າ​ທີ່ ກະ​ຊວງ​ການ​ຕ່າງ​ປະ​ເທດ ສະ​ຫະ​ຣັ​ຖ ໄດ້​ຢືນ​ຢັນ ຕໍ່​ວິ​ທ​ຍຸ ເອ​ເຊັຽ ເສ​ຣີ ຜ່ານ​ທາງ ອີ​ເມວ​ລ໌ ວ່າ:

“ພວກ​ເຮົາ ສາ​ມາດ ຢືນ​ຢັນ ​ການ​ກັກ​ຂັງ ຊົ່ວ​ຄາວ ແລະ ຈົນ​ກ່​ວາ ມີການ​ປ່ອຍ​ໂຕ ຊາວ​ອະ​ເມ​ຣິ​ກັນ 3 ຄົນ ໃນ​ແຂວງ​ຫລວງ​ນ້ຳ​ທາ, ປະ​ເທດ​ລາວ. ພວກ​ເຮົາ ປະ​ຕິ​ບັດ​ໜ້າ​ທີ່ ຮັບ​ຜິດ​ຊອບ ຂອງ​ພວກ​ເຮົາ ຢ່າງ​ຈິງ​ຈັງ ເພື່ອ​ຊ່ອຍ​ເຫລືອ ຊາວ​ອະ​ເມ​ຣິ​ກັນ ໃນ​ຕ່າງ​ປະ​ເທດ ແລະ ໃຫ້​ການ​ບໍ​ຣິ​ການ ທີ່​ເໝາະ​ສົມທຸກ​ຢ່າງ.”

ຄໍາເຫັນ (3)
Share

(

Let the US government do the same thing. Spot those Laotians who go the Lao embassy to celebrate the Lao new year and imprison them or better expell them from the the US soil.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:43 AM

lao force

ຈາກ Viengxai

Lao special force at Viengxai district. to Mr. somephet , i support your comment regarding the arrest of three christian American in mouang sing. We are the Lao authority officials , we are not likely to see any American Christian to come to Laos. the Hmong CIA Remanding group located at Xaisomboun province would be killed to dead soon.43 years we are looking to clean up those CIA trained Hmong people in the jungle of Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:26 AM

ສົມເພັດ

ຈາກ ເມືອງສິງ

ເຖິງສະຖານທູດ ສະຫະລັດປະຈຳສປປລາວ ແລະລັດຖະບານສະຫະລັດ, ການຈັບກຸມທັງສາມຄົນ ຊາວອາເມລິກາ ຄຣິສຕຽນດັງກ່າວ ກໍເໝືອນກັນກັບ ການນຳກອງກຳລັ ງທະຫານໄປປິດລ້ອມ ແລະດັບສູນພວກມົ້ງກະບົດ ທີ່ເປັນກຳລັງເສດເຫລືອ ທີ່ເຄີຍຮັບໃຊ້ກອງກຳລັງ ຊີໄອເອ ຂອງສະຫະລັດ ໃນສະໄໝສົງຄາມຫວຽດນາມນັ້ນເອງ. ພວກກະບົດມົ້ ງທີ່ຍັງລີ້ຊ້ອນຢູ່ບໍລິເວັນພູເບ້ຍ ແຂວງໄຊສົມບູ ນທີ່ຖືກທະຫານ ສປປລາວ ເຂັນຂ້າ ເກືອບຈະໝົດນີ້ ກໍ່ທຽບເທົ່າກັບ ການຈັບກຸມ ຊາວອາເມລິກັນ ສາມຄົນນັ້ນລະ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 15, 2019 05:14 AM

ເຕັມຫນ້າ