ຂ່າວຄືບໜ້າຊາວຄຣິສຕຽນ ຖືກກັກ ຢູ່ ມ.ສິງ

ໄຊຍາ
2019-04-16
ອີແມວລ໌
ຄໍາເຫັນ
Share
ພິມ
ບ້ານກາງໃໝ່ ບ່ອນທີ່ ທັງ 3 ຄົນ ຖືກເຈົ້າໜ້າທີ່ຕໍາຣວດຈັບ ຖ່າຍໂດຍ RFA  ວັນທີ 16 ເມສາ 2019
ບ້ານກາງໃໝ່ ບ່ອນທີ່ ທັງ 3 ຄົນ ຖືກເຈົ້າໜ້າທີ່ຕໍາຣວດຈັບ ຖ່າຍໂດຍ RFA ວັນທີ 16 ເມສາ 2019
RFA/VD

ຊາວຄຣິສຕຽນອະເມຣິກັນ 3 ຄົນ ທີ່ຖືກເຈົ້າໜ້າທີ່ ຕໍາຣວດ ເມືອງສິງ ແຂວງຫລວງນ້ຳທາ ຈັບແລະກັກຕົວ ຢູ່ບ້ານກາງໃໝ່ ໃນວັນທີ 8 ເມສາ ຜ່ານມາ ຍ້ອນເຂົາເຈົ້າ ເຂົ້າມາເຜີຍແຜ່ສາສນາ ໂດຍບໍ່ໄດ້ຮັບອະນຸຍາດ ຈາກທາງການ. ດັ່ງເຈົ້າໜ້າທີ່ຕໍາຣວດ ທ້ອງຖິ່ນທ່ານນຶ່ງ ໄດ້ກ່າວຕໍ່ເອເຊັຍເສຣີ ໃນ ວັນທີ 15 ເມສາ ວ່່າ:

“ເຂົາເຈົ້າມາແບບບໍ່ໄດ້ຜ່ານທາງພາກສ່ວນກ່ຽວຂ້ອງ ເວົ້າເລື່ອງການເຜີຍແຜ່ສາສນາ ນີ້ກະຖືວ່າມີຄວາມຜິດຫັ້ນ ແລະ ອີກຢ່າງກະຜິດ ຮິດຄອງປະເພນີ ຂອງບ້ານເຮົາ ທັມມະດາການທີ່ຈະເຂົ້າມາແບບນີ້ ມັນກະຕ້ອງໄດ້ຜ່ານຫລາຍຂັ້ນຕອນ ບໍ່ແມ່ນວ່າ ເຈົ້າຊິມາເຮັດຕາມໃຈ ມັນເປັນໄປບໍ່ໄດ້.”

ຊາວບ້ານກາງໃໝ່ຜູ້ເຫັນເຫດການໄດ້ກ່າວຕໍ່ວິທຍຸເອເຊັຽເສຣີ ໃນວັນທີ 16 ເມສາ ວ່າ: ຕົນເອງເຫັນຄົນຕ່າງປະເທສ 3 ຄົນ ນັ້ນມາແຈກ ເອກກະສານ ໃຫ້ຊາວບ້ານແຕ່ບໍ່ຮູ້ວ່າ ເປັນເອກກະສານຫຍັງ ແລະ ຫລັງຈາກນັ້ນບໍ່ດົນ ເຈົ້າໜ້າທີ່ຕໍາຣວດ ເມືອງສິງ ປະມານ 5 ຄົນ ກໍ່ມາຈັບພວກເຂົາເຈົ້າ ຂຶ້ນໃສ່ລົດໄປ.

ພາຍຫລັງທີ່ເຈົ້າໜ້າທີ່ຕໍາຣວດເມືອງ ຈັບຕົວຄົນຕ່າງປະເທສທັງ 3 ແລ້ວ ກໍ່ໄດ້ສືບສວນສອບສວນ ຢູ່ທີ່ຫ້ອງການປ້ອງກັນ ຄວາມສງົບ ເມືອງສິງ ແລະ ຫລັງຈາກນັ້ນ ເວລາປະມານ 13 ໂມງ ຂອງວັນດຽວກັນ ເຂົາເຈົ້າກໍ່ຖືກສົ່ງໄປ ກອງບັນຊາ ປກສ ແຂວງ ຫລວງນໍ້າທາ. ອີງຕາມຂໍ້ມູນຈາກເຈົ້າໜ້າທີ້່ ຕໍາຣວດທ້ອງຖິ່ນ. ແຕ່ປັດຈຸບັນ ບໍ່ມີການຢືນຢັນວ່າ ພວກເຂົາຍັງຖືກກັກໂຕ ປກສ ແຂວງ ຫລືປ່ອຍໂຕໄປຢູ່ ບ້ານພັກຄືນແລ້ວ.

ໃນການດໍາເນີນການຕ່າງໆ ກ່ຽວກັບເຣື້ອງນີ້ຈະມີຂຶ້ນຫຼັງຈາກປີໃໝ່ລາວ, ດັ່ງ ເຈົ້າໜ້າທີ່ຕໍາຣວດທ້ອງຖິ່ນທ່ານນີ້ ໄດ້ກ່າວຕໍ່ເອເຊັຽເສຣີ ອີກວ່າ:

“ຫລັງຈາກສອບສວນແລ້ວ ກະສົ່ງໃຫ້ແຂວງຕໍ່ເພາະວ່າຄະດີ ນີ້ມັນເປັນຄະດີໃຫຍ່ ຄິດວ່າຄືຊິແລ້ວ ບຸນປີໄໝ່ພຸ້ນຕິຈຶ່ງຊິຮູ້”

ປະຊາຊົນບ້ານກາງໃໝ່ສ່ວນຫລາຍ ເປັນຊົນເຜົ່າມົ້ງ ແລະ ອີກສ່ວນນຶ່ງເປັນເຜົ່າອາຂາ.

ຄໍາເຫັນ (7)
Share

Atheist

Those liars who pretend to represent the fictive god have nothing to do with the Lao people. They have no right to spread their faith in Laos. Lao people are progressive and materialist.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 02, 2019 05:53 AM

ລາວ

ຈາກ ລາວ

ຄໍາວ່າຂັດຕໍ່ນະໂຍບາຍນັ້ນກໍຄື, ນະໂຍບາຍມັນກໍຄືນະໂຍບາຍຕີຄວາມໝາຍວ່າ, ມື້ນີ້ພໍ່ແມ່ພາກິນແຈ່ວໝົດທຸກຄົນໃນຄອບຄົວກໍຈະຕ້ອງກິນແຈ່ວໝົດ, ແລະບໍ່ມີໃຜທີ່ຈະມີສິດໄປກິນແຮມເບີກເກີ, ຫຼືມີສິດອອກໄປກິນຢູ່ນອກບ້ານເລີຍ, ນີ້ລະຄືນະໂຍບາຍ ມັນກໍເລີຍກາຍເປັນນະໂຍບາຍຍະມຸກໄປ,ຈົບ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:42 AM

Bounchan

ຈາກ Vientiane capital

Dear. U.S. embassy in Vientiane,and the U.S. department of justice: We would like ti write this short statement to inform that the three U.S. Citizens Christian have been taken by Lao Under cover Police Authority to Mouangsing province detention place without any healthy food: Unfortunately, they would be taken to investigate after the Lao new year is over: Lao PDR is still the communist country that very limited to American Citizen: All Americans citizen need to be careful before entering to Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:39 AM

(

ຂໍລາຍງານໃຫ້ທູກພາກສ່ວນຮັບຮູ້ວ່າ, ທັງສາມຄົນຊາວອາເມລີກັນນັ້ນ, ຖືກທັງການນຳຕົວໄປກັກຂັງ ທີ່ຫ້ອງການຂຸກແຂວງຫລວງນ້ຳທາ ຢ່າງໂທລະມານ, ຫົວໜ້າກົມໃຫຍ່ ປ ກ ສ ແຂວງໄດ້ກ່າວ ຄົນອາເມລິກັນ ຫລືຊື່ອາເມລິກັນ ພັກລັດຍັງຖືກ ຈຳກັດແລະກຽດຊັງ. ປະຊາຊົນລາວຄົນໃດຄົນນື່ງ ທີ່ເຄີຍຮັບໃຊ້ອາເມລິກັນໃນປາງສົງຄາມ ກໍ່ຖືກພັກລັດກຽດຊັງແລະກຳລົງຊີວິດຍາກທີ່ສຸດ.ໂດຽສະເພາະພວກມົ້ງຈິງເປັນກົມ ທີ່ພັກລັດເປົ້າໝາຍຕັ້ງແຕ່ 1975 ຈົນເຖິງປະຈຸບັນ. ສາມຄົນຊາວອາເມລິກັນ ຈະຖືກນຳມາພິຈາລະນາພາຍຫລັງບູນປີໃໝ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:39 AM

ແສງຈັນ

ຈາກ ເມືອງສິງ

ຂໍລາຍງານໃຫ້ທູກພາກສ່ວນຮັບຮູ້ວ່າ, ທັງສາມຄົນຊາວອາເມລີກັນນັ້ນ, ຖືກທັງການນຳຕົວໄປກັກຂັງ ທີ່ຫ້ອງການຂຸກແຂວງຫລວງນ້ຳທາ ຢ່າງໂທລະມານ, ຫົວໜ້າກົມໃຫຍ່ ປ ກ ສ ແຂວງໄດ້ກ່າວ ຄົນອາເມລິກັນ ຫລື ຊື່ອາເມລິກັນ ພັກລັດຍັງຖືກຈຳກັດ ແລະກຽດຊັງ. ປະຊາຊົນລາວຄົນໃດຄົນນື່ງ ທີ່ເຄີຍຮັບໃຊ້ອາເມລິກັນ ໃນປາງສົງຄາມ ກໍ່ຖືກພັກລັດກຽດຊັງ ແລະກຳລົງຊີວິດຍາກທີ່ສຸດ. ໂດຽສະເພາະພວກມົ້ງຈິງເປັນກົມ ທີ່ພັກລັດເປົ້າໝາຍຕັ້ງແຕ່ 1975 ຈົນເຖິງປະຈຸບັນ. ສາມຄົນຊາວອາເມລິກັນຈະຖືກນຳມາພິຈາລະນາພາຍຫລັງບູນປີໃໝ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:33 AM

ເບິ່ງຄວາມເຫັນທັງໝົດ.

ເຕັມຫນ້າ