ອະເມຣິກັນ 3 ຄົນ ຖືກປ່ອຍ ແລະ ເນຣະເທດ

ອະວາຣີ
2019-04-18
ອີແມວລ໌
ຄໍາເຫັນ
Share
ພິມ
ແຂວງຫຼວງນໍ້າທາ ທາງພາກເໜືອ ຂອງ ສປປ ລາວ
ແຂວງຫຼວງນໍ້າທາ ທາງພາກເໜືອ ຂອງ ສປປ ລາວ
RFA Graphics

ຕື່ມ​ຂໍ້​ມູນ​ຫລ້າ​ສຸດ: ຕອນ​ບ່າຍ 3:30 ວັນ​ທີ 18 ເມ​ສາ 2019 (ຕາມ​ເວລາ ສະ​ຫະ​ຣັ​ຖ ອະ​ເມ​ຣິ​ກາ)

ຊາວອະເມຣິກັນ 3 ຄົນ ທີ່ຖືກຈັບ ແລະ ກັກໂຕ ຍ້ອນແຈກຢາຍ ເອກກະສານສາສນາຄຣິສຕຽນ ຢູ່ແຂວງຫລວງນ້ຳທາ ຖືກເນຣະເທດ ອອກຈາກ ປະເທດລາວ ແລະ ປັດຈຸບັນໄດ້ເດີນ ທາງໄປເຖິງ ປະເທດໄທແລ້ວ ໃນວັນທີ່ 18 ເມສາ 2019 ນີ້, ອີງຕາມ ການເປີດເຜີຍ ຂອງອົງການຄຣິສຕຽນ ອົງການນຶ່ງ ໃນສະຫະຣັດ ອະເມຣິກາ.

ທ່ານ ເອ​ຣິກ ບ​ລີ​ເວີ​ນິດ​ຈ​໌​ທ (Eric Blievernicht), ສະມາຊິກ ອົງການຄຣິສຕຽນນັ້ນ ທີ່ມີຊື່ວ່າ Vision Beyond Borders ໄດ້ອີແມວລ໌ ຫາ ວິທຍຸ ເອເຊັຽ ເສຣີ ໃນວັນທີ 18 ເດືອນເມສາ ປີ 2019 ນີ້ ແລະ ໃຫ້ຣາຍລະອຽດ ກ່ຽວກັບ ການເນຣະເທດ ຊາວອະເມຣິກັນ ທັງສາມຄົນນັ້ນ ຕື່ມວ່າ:

“ອາສາສມັກ ຂອງພວກເຮົາ ຄື ທ້າວ Wayne, ນາງ Autumn ແລະ ທ້າວ Joseph ທີ່ຖືກກັກຕົວຢູ່ລາວ ນັບແຕ່ ວັນທີ່ 8 ເດືອນ ເມສາ ນີ້ ໄດ້ຖືກເນຣະເທດ ແລະ ໄດ້ເດີນທາງໄປເຖິງ ປະເທດໄທແລ້ວ ເມື່ອບໍ່ດົນຜ່ານມາ. ຄຳໄຫວ້ວອນ ຂໍໃຫ້ພວກເຂົາ ຖືກປ່ອຍ ໄດ້ເກີດຜົລ ເປັນຈິງແລ້ວ ແລະ ພວກເຂົາ ຈະກັບບ້ານ ມາຮ່ວມ ສລອງບຸນ Easter ໃນໄວໆນີ້.”

ແຕ່ເຖິງປັດຈຸບັນ ທາງການລາວ ແລະ ທາງການສະຫະຣັດອະເມຣິກາ ຍັງບໍ່ທັນຢືນຢັນ ການປ່ອຍຕົວ ຫລື ການເນຣະເທດ ນີ້ເທື່ອ.

ຂໍ້​ມູນ​ເພີ້ມ​ຕື່ມ ຫລ້າ​ສຸດ:

ເຖິງ​ຢ່າງ​ໃດ ກໍ​ດີ, ໃນ​ຕອນ​ບ່າຍ ຂອງວັນ​ທີ 18 ເມ​ສາ, ກະ​ຊວງ​ການ​ຕ່າງ​ປະ​ເທດ​ສະ​ຫະ​ຣັ​ຖ ​ໄດ້​ຢືນ​ຢັນ ກ່ຽວ​ກັບ ການ​ປ່ອຍ ຊາວ​ຄ​ຣິ​ສ​ຕຽນ​ອະ​ເມ​ຣິ​ກັນ 3 ຄົນ​ນັ້ນ ວ່າ:

“ພວກ​ເຮົາ ສາ​ມາດ​ຢືນ​ຢັນ ກ່ຽວ​ກັບ ການ​ເນ​ຣະ​ເທດ ຊາວ​ອະ​ເມ​ຣິ​ກັນ 3 ຄົນ ອອກ​ຈາກ​ປະ​ເທດ​ລາວ. ດ້ວຍ​ເຫດ​ຜົ​ລ ການ​ເຄົາ​ຣົບສິດ​ສ່ວນ​ໂຕ, ພວກ​ເຮົາ ບໍ່​ມີ​ຄວາມ​ເຫັນ​ຫ​ຍັງ​ຕື່ມ.”

ເຕັມຫນ້າ