ຣັຖບານລາວບໍ່ໃສ່ໃຈ ສິດທິມະນຸດ: ນັກເຄື່ອນໄຫວ

ຈໍາປາທອງ
2020-02-04
ອີແມວລ໌
ຄໍາເຫັນ
Share
ພິມ
ທິດໄພ ທໍາມະວົງ ຖືກຈັບ ຢູ່ກອງບັນຊາການ ປກສ ເມືອງປາກກະດິງ ຍ້ອນບໍ່​ຍອມ​ ເຊັນ​ມອບ​ດິນ ໃຫ້​ໂຄງ​ການ​ ສ້າງ​ສ​ຸ​ຂ​ສາ​ລາ ຂອງ​ບໍ​ຣິ​ສັດ ຢ່າງ​ພາ​ຣາ​ວຽດ​ນາມ.
ທິດໄພ ທໍາມະວົງ ຖືກຈັບ ຢູ່ກອງບັນຊາການ ປກສ ເມືອງປາກກະດິງ ຍ້ອນບໍ່​ຍອມ​ ເຊັນ​ມອບ​ດິນ ໃຫ້​ໂຄງ​ການ​ ສ້າງ​ສ​ຸ​ຂ​ສາ​ລາ ຂອງ​ບໍ​ຣິ​ສັດ ຢ່າງ​ພາ​ຣາ​ວຽດ​ນາມ.
ພາບ​ຈາກ: ປະ​ຊາ​ຊົນ ບ້ານ​ເລົ່າ​ໃນ ຫຼື ວຽງ​ຄໍ​າ

ກອງປະຊຸມທົບທວນ ເປັນໄລຍະ ຂອງສະພາສິດທິມະນຸດ ສະຫະປະຊາຊາດ ກ່ຽວກັບ ສປປລາວ ຫຼື UPR ຄັ້ງທີ 3 ຊຶ່ງໄດ້ຈັດຂຶ້ນ ທີ່ ນະຄອນເຈນີວາ ປະເທດ ສະຫວິດເຊີແລນ ໃນມື້ວັນທີ 21 ມົກກະຣາ ແລະໄດ້ສເນີໃຫ້ທາງການລາວ ນັບຖື ແລະ ປະຕິບັດ ສິດທິມະນຸດ ຫລາຍສິ່ງ ຫລາຍຢ່າງນັ້ນ ທ່ານ Andrea Giorgetta ຜູ້ອໍານວຍການຝ່າຍເອເຊັຽ ຂອງສະຫະພັນສາກົນ ເພື່ອສິດທິມະນຸດ ທີ່ບາງກອກ ປະເທດໄທ ໄດ້ກ່າວຕໍ່ວິທຍຸເອເຊັຍເສຣີ ຜ່ານທາງອີແມວວ່າ;

ຄວາມຈິງ ທີ່ຫລາຍປະເທດ ສະມາຊິກສະຫະປະຊາຊາດ ຖືເອົາກອງປະຊຸມ UPR ຄັ້ງທີ 3 ນີ້ ສະແດງເຖິງຄວາມກັງວົນນໍາບັນຫາ ການລ່ວງຣະເມີດສິດທິມະນຸດອັນ ຮ້າຍແຮງໃນລາວ ຊຶ່ງສະແດງໃຫ້ເຫັນອີກເທື່ອນຶ່ງວ່າ ການໂຄສະນາ ຂອງຣັຖບານ ສປປລາວ ຕົວະຜູ້ໃດບໍ່ໄດ້. ການປະຕິບັດແບບໜ້າອາຍ ຂອງຄະນະຜູ້ແທນລາວ ຢູ່ກອງປະຊຸມທີ່ Geneva ນັ້ນ ຊີ້ໃຫ້ເຫັນວ່າ ຣັຖບານລາວ ບໍ່ມີຄວາມຈິງໃຈ ທີ່ຈະປັບປຸງການນັບຖື ສິດທິມະນຸດອັນບໍ່ດີ ຂອງຕົນໃຫ້ດີຂຶ້ນ.

ມາເຖິງມື້ນີ້ວັນທີ 4 ກຸມພາ ກໍຜ່ານມາໄດ້ 2 ອາທິດແລ້ວ ແຕ່ກໍຍັງເຫັນວ່າ ສິດເສຣິພາບ ແລະ ປະຊາທິປະໄຕຂອງປະຊາຊົນລາວ ຍັງບໍ່ມີ ວິແວວວ່າຈະດີຂຶ້ນ.ກ່ຽວກັບເຣຶ່ອງທີ່ວ່ານີ້ ດຣ. ບຸນທອນ ຈັນທະລາວົງ-ວີເຊີ ປະທານພັນທະມິດ ເພື່ອ ປະຊາທິປະໄຕ ໃນລາວ ທີ່ມີສູນກາງ ຢູ່ປະເທດເຢັຽຣະມັນ ໃຫ້ສໍາພາດວິທຍຸເອເຊັຍເສຣີ ເມື່ອອາທິດຜ່ານມານີ້ວ່າ:

ເວົ້າເຖິງບັນຫາສິດທິມະນຸດ ໃນລາວ ຍານາງ ວະນິດາ ເທພສຸວັນ ປະທານ ຂະບວນການ ລາວ ເພື່ອສິດທິມະນຸດ ທີ່ ປະເທດຝຣັ່ງເສດ ກ່າວຜ່ານ ທາງອີແມວ ຕໍ່ວິທຍຸເອເຊັຍເສຣີ ຈາກ ກຸງປາຣີ ຕອນນຶ່ງວ່າ:

ຂະບວນການລາວເພື່ອສິດທິມະນຸດ ຮູ້ສຶກເປັນບຸນເປັນຄຸນ ຕໍ່ຫລາຍປະເທດ ສະມາຊິກອົງການສະຫະປະຊາຊາດ ທີ່ມີຄວາມເປັນຫ່ວງ ກັງວົນ ນໍາຫລາຍບັນຫາ ສິດທິມະນຸດໃນລາວ ທີ່ຍອມຮັບບໍ່ໄດ້.

ກອງປະຊຸມທົບທວນເປັນໄລຍະ ຂອງສະພາສິດທິມະນຸດ ສະຫະປະຊາຊາດ ກ່ຽວກັບ ສປປລາວ ຄັ້ງທີ 3 ຊຶ່ງຈັດຂຶ້ນ ທີ່ນະຄອນ ເຈນີວາ ປະເທດສະວິດເຊີແລັນ ໃນມື້ວັນທີ 21 ມົກກະຣາ ຜ່ານມາ ເປັນກອງປະຊຸມ ທີ່ຖືກຈັດຂຶ້ນໃນແຕ່ລະ 5 ປີ  ເພື່ອເຮັດໃຫ້ ປະຊາຊົນມີສິດ, ເສຣີພາບແລະປະຊາທິໄຕ ຢ່າງແທ້ຈິງ ແລະ ເຮັດໃຫ້ລາວ ໄດ້ຮັບການພັທນາແບບຍືນຍົງ ໂດຍການມີສ່ວນຮ່ວມຂອງຊຸມຊົນ.

ຄໍາເຫັນ (1)
Share

(

ຂ​ໍ​ສັນ​ລະ​ເສີນ ດ​ຣ ບຸນ​ທອນ ​ແລະ ຫລາຍໆ​ອົງ​ການ​ຈັດ​ຕັ້ງ ທີ່​ໄດ້​ນຳ​ບັນ​ຫາ ການ​ຣະ​ເມີດ​ສິດ​ທິ​ມະນຸດ ແລະ ການ​ຈັບ​ຊາວ​ລາວຕາມ​ໃຈ ຂອງ​ຣັຖ​ບານ ສ​ປ​ປ​ລາວ ໄປ​ຊີ້​ແຈງ​ໃຫ້​ຊາວ​ໂລກ ແລະ​ສະ​ຫະ​ປະ​ຊາ​ຊາດໄດ້​ຮັບ​ຮູ້ ຖ້າ​ຫາກວ່າ ບໍ່​ມີ​ພວກ​ທ່ານ ທາງ​ຣັຖ​ບານ​ລາວ ກໍ​ຮູ້​ທາງ​ຈັບ​ຄົນ​ຊະ​ຊາຍ ​ແລະ​ຕົວະ​ສະ​ຫະ​ປະ​ຊາ​ຊາດໄດ້ ຕາມ​ທີ່​ເຄີຍ​ເຮັດ​ມາ​ເລື້ອຍໆ. ສ່ວ​ນ​ຄະ​ນະຣັຖ​ບານ​ລາວ ທີ່​ໄປ​ແກ້​ໂຕ​ຢູ່​ສະ​ຫະ​ປະ​ຊາ​ຊາດ​ນັ້ນ ກໍ​ເວົ້າ​ຫ​ຍັງ​ບໍ່​ຂຶ້ນ ປານ​ວ່າ​ ໄປ​ໃຫ້​ເຂົາ​ໂຂກ​ຫົວ​ຊື່ໆ. ແຕ່​ບັດ​ເວ​ລາ ກັບ​ມາ​ລາວ​ແລ້ວ ພັດ​ຍ້​ອງ​ກັນ​ເອງວ່າ ທາງ​ຣັຖ​ບານ​ເຮົາ ໄດ້​ໄປ​ຊີ້​ແຈງ​ຢູ່​ສ​ະ​ຫະ​ປະ​ຊາ​ຊາດ ຢ່າງ​ມີ​ກຽດ​ສະ​ງ່າ​ງາມ ໄປ​ຕົວະ​ເດັກ​ນ້ອຍ​ພຸ້ນ​ຊະ ດຽວ​ນີ້ ຕົວະ​ກັນ​ບໍ່​ໄດ້​ແລ້ວ ໃນ​ໂລກ​ສັງ​ຄົມ​ອອນ​ລາຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 06, 2020 04:13 AM

ເຕັມຫນ້າ