ຊາວວຽດນາມເຂົ້າມາລາວ

ສົມເນ
2015-03-29
ອີແມວລ໌
ຄໍາເຫັນ
Share
ພິມ
ຜູ້ຍິງວຽດນາມຂາຍເຂົ້າເຊົ້າ ຢູ່ເທິງເຮືອບັກ ຂ້າມນໍ້າຂອງ ຢູ່ແຂວງຈໍາປາສັກ
ຜູ້ຍິງວຽດນາມຂາຍເຂົ້າເຊົ້າ ຢູ່ເທິງເຮືອບັກ ຂ້າມນໍ້າຂອງ ຢູ່ແຂວງຈໍາປາສັກ
Trek EARTH

ການ ຫລັ່ງໄຫລ ເຂົ້າມາ ປະເທດ ລາວ ຂອງ ຊາວ ວຽດນາມ ທີ່ ນັບມື້ ຫຼາຍຂຶ້ນ ນີ້ ນັກ ຮຽນຮູ້ ການເມືອງ ບາງກຸ່ມ ເວົ້າວ່າ ມັນແມ່ນ ໝາກຜົນ ຂອງ ການ ປະຕິບັດ ສັນຍາ ພິເສດ ຣະຫວ່າງ ລາວ ແລະ ວຽດນາມ.

ພາຍໃນ ປະມານ 40 ປີ ຜ່ານມາ ນີ້ ຊາວ ວຽດນາມ ທີ່ເຂົ້າມາ ຢູ່ ປະເທດ ລາວ ໃນ ຫຼາຍຮູບ ຫຼາຍແບບ ມີຂຶ້ນ ເລື້ອຍໆ. ຈໍານວນ ນຶ່ງ ເຂົ້າມາ ຕັ້ງ ຖິ່ນຖານ ປະກອບ ອາຊີພ ທຸຣະກິດ ຄ້າຂາຍ ນັບແຕ່ ຫາບເຄື່ອງ ຂາຍ ຕາມຖນົນ ຫົນທາງ ໃນ ຕົວເມືອງ ຈົນຮອດ ຊົນບົດ ຈົນເຖິງ ເປີດຮ້ານ ຄ້າຂາຍ ເຄື່ອງຂອງ ຂນາດນ້ອຍ ແລະ ໃຫຍ່ ເປີດຮ້ານ ເສີມ ຄວາມງາມ ສໍາລັບ ຍິງແລະຊາຍ ເປີດຮ້ານ ຂາຍ ເຫົ້ຼາ ຄ້າ ປະເວນີ ເຮັດວຽກ ນໍາ ອົງການ ຕ່າງ ປະເທດ ເຮັດ ວຽກ ນໍາ ບໍຣິສັດ ວຽດນາມ ເຮັດ ອາຊີພ ຮັບເໝົາ ກໍ່ສ້າງ ບ້ານ ເຮືອນ ເປັນ ຊ່າງກໍ່ ສ້າງໄມ້ ຊ່າງ ແປງຣົດ ແປງ ເຄື່ອງຈັກ ເລາະ ເກັບ ເສດເຫລັກ ເກັບຊື້ ຂີ້້ເຫຍື້ອ ແລະ ອື່ນໆ. ເວົ້າລວມແລ້ວ ເກືອບວ່າ ທຸກໆ ອາຊີພ.

ການ ຈັດຕັ້ງ ປະຕິບັດ ສັນຍາ ແບບ ພິເສດ ຂອງ ລາວ-ວຽດນາມ ໃນ ໂຕຈິງ ນັ້ນ ເຈົ້າໜ້າທີ່ ລາວ ໃນພັກ ປະຊາຊົນ ປະຕິວັດ ລາວ ຫລາຍຄົນ ມີຄວາມ ຣະແວງ ສົງໄສ ທີ່ສຸດ ຍ້ອນວ່າ ຝ່າຍລາວ ເປັນຝ່າຍຢູ່ ໃນ ທ່າຮັບ ເອົາ ຂໍ້ສເນີ ຂອງ ວຽດນາມ ຫລາຍກວ່າ.

ນັກ ປັນຍາຊົນ ແລະ ນັກຮຽນຮູ້ ຫລາຍຄົນ ຈຶ່ງ ເວົ້າວ່າ ການ ປະຕິບັດ ສັນຍາ ແບບ ພິເສດ ກໍານົດ 25 ປີ ແລະ ຍ່າງເຂົ້າ ມາຮອດ ປີ ທີ່ 38 ແລ້ວ ເຫັນ ສົມຄວນ ວ່າ ການນໍາ ຂອງ ສປປລາວ ຄວນ ທົບທວນ ສັນຍາ ນີ້ ຄືນໃໝ່.

ຄໍາເຫັນ (2)
Share

ກຳມະກອນລາວ

ຈາກ ເມືອງລາວ

ປະຈຸບັນ ມັນເລີ່ມຖ້ວມ ເມືອງລາວ ແລ້ວ ເຈັກ ຫໍ້ ກັບ ແກວ, ເຂົ້າມາຢູ່ ຢ່າງສະບາຍ ເກີນສາວ່າ ມັນງ່າຍ, ບໍ່ມີໃຜກວດ ບໍ່ມີໃຜບັງຄັບ ຈັບສົ່ງຫຍັງ ຢາກເຂົ້າມາ ແນວໃດກໍ່ໄດ້ ຢາກຢູ່ໃສ ກໍ່ໄດ້ ເຕັມໄປໝົດ ແຕ່ໃນເມືອງ ຮອດ ຊົນນະບົດ ຫ່າງໄກ, ຈາກ ທົ່ງພຽງ ຮອດຈອມດອຍ ມີແຕ່ເຈັກ ແຕ່ແກວ. ບາດທີ ປຊຊ ລາວ ໂຕເອງ ຍົກຍ້າຍ ໜ້ອຍໜື່ງ ຂໍຂື້ນ ສຳມະໂນ ຂໍເຮັດ ບັດປະຈຳຕົວ ເກີນສາວ່າ ມັນຍາກ ບໍ່ໄດ້ງ່າຍໆ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 02, 2015 02:38 PM

ຮັກຊາດລາວ

ຈາກ ເມືອງລາວ

ແມ່ນແລ້ວ, ການເຂົາມາຢູ່ ລາວ ຂອງ ພວກແກວ ຂີ້ລັກນັ້ນ, ຈະມີຜົນ ສະທ້ອນ ທາງລົບ ຕໍປະເທດຊາດ ຂອງລາວ, ແຕ່ວ່າ ຜູ້ນຳ ບໍຄ່ອຍສົນໃຈ ເນື່ອງຈາກ ອາຍຸ ຫຼາຍເກີນໄປແລ້ວ ແຕ່ຍັງຢາກ ປົກຄອງ ປະເທດ, ຢາກ ຮັກສາ ອຳນາດ ເພື່ອອ້າງ ຜົນປະໂຫຍດ ສ່ວນຕົວ, ໂດຍ ບໍ່ຄຳນຶງເຖິງ ຜົນ ທາງລົບ ຕໍ່ປະຊາຊົນ ແລະ ເສດຖະກິດ ໃນໄລຍະຍາວ. ທຸກຂໍ້ສະເໜີ ທີ່ຫວຽດ ສົ່ງມາ ແມ່ນຮັບເອົາ ໝົດເລີຍ... ບໍ່ຮູ້ວ່າ ເປັນຫຍັງ ຈຶ່ງ ບໍ່ປົກປ້ອງ ຜົນປະໂຫຍດ ຂອງ ປະຊາຊົນ ຕົນເອງ! ຖ້າເຮັດ ບໍ່ຫລ້ອນ ໜ້າທີ່ ກໍ່ລາອອກ ຈາກຕຳແໜ່ງ ໃຫ້ຜູ້ໜຸ່ມ ມາປົກຄອງ ແທນ ປະຊາຊົນ ຈຶ່ງຈະບໍ່ເສຍ ຜົນປະໂຫຍດ ໃຫ້ແກ່ ຈີນ ແລະ ຫວຽດຫຼາຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 02, 2015 02:37 PM

ເຕັມຫນ້າ