ຣັຖມົນຕຣີອາຊຽນປະຊຸມ ສິດທິ ມະນຸດ

ສົມເນ
2016-07-23
ອີແມວລ໌
ຄໍາເຫັນ
Share
ພິມ
ຣັຖມົນຕຣີການຕ່າງປະເທດ ອາຊຽນ ຜູ້ຕາງໜ້າກັມມາທິການ ຣະຫ່ວາງຣັຖບານອາຊຽນ ປະຊຸມດ້ານ ສິດທິມະນຸດ
ຣັຖມົນຕຣີການຕ່າງປະເທດ ອາຊຽນ ຜູ້ຕາງໜ້າກັມມາທິການ ຣະຫ່ວາງຣັຖບານອາຊຽນ ປະຊຸມດ້ານ ສິດທິມະນຸດ
RFA

ກອງປະຊຸມຣະຫວ່າງ ຣັຖມົນຕຣີ ການຕ່າງປະເທດອາຊຽນ ແລະ ຜູ້ຕາງໜ້າ ກັມມາທິການ ຮະຫວ່າງ ຣັຖບານ ອາຊຽນ ດ້ານ ສິດທິມະນຸດ (AICHR) ໃນວັນທີ 23 ກໍຣະກະດາ ທີ່ ຫໍປະຊຸມ ແຫ່ງຊາຕ ນະຄອນຫຼວງ ວຽງຈັນ ໄດ້ທົບທວນ ຄວາມຄືບໜ້າ ຂອງ ການຈັດຕັ້ງ ປະຕິບັດ ໂຄງການ ແລະ ກິຈກັມ ຂອງ AICHR ສໍາລັບປີ ຜ່ານມາ ຊຶ່ງ ຝ່າຍຣັຖມົນຕຣີ ການຕ່າງປະເທດ ອາຊຽນ ຍົກຍ້ອງວ່າ ມີຄວາມ ຄືບໜ້າດີ; ເປັນຕົ້ນ ການຈັດ ກອງປະຊຸມ ສັມມະນາ ທາງ ປະຕິບັດ ຫລື Workshop ທີ່ ສົ່ງເສີມ ໃຫ້ມີການ ປົກປ້ອງ ສິດທິມະນຸດ ໃນບັນດາ ປະເທດ ສະມາຊິກ ອາຊຽນ. ຫລັງຈາກ ຝ່າຍ ຣັຖມົນຕຣີ ໄດ້ສຶກສາ ຣາຍງານ ຂອງ ທ່ານ ພູຂົງ ສີສຸລາດ ປະທານ ກັມມາທິການ ຣະຫ່ວາງ ຣັຖບານ ອາຊຽນ ດ້ານ ສິດທິມະນຸດ AICHR ຕາມເນື້ອໃນ ໃຈຄວາມ ຂອງ ຣາຍງານ ບົດຂ່າວ ຈາກ ກອງປະຊຸມ.

ກອງປະຊຸມ ດັ່ງກ່າວ ແມ່ນພາຍໃຕ້ ການ ເປັນປະທານ ຂອງ ພນະທ່ານ ສະເຫລີມໄຊ ກົມມະສິດ ຣັຖມົນຕຣີ ຕ່າງປະເທດ ສປປ ລາວ. ການສັມມະນາ workshop ກ່ຽວກັບ ສິດທິມະນຸດ ປະກອບດ້ວຍ ຫົວເຣື້ອງຕ່າງໆ ເປັນຕົ້ນ ກ່ຽວຂ້ອງ ກັບ ສິ່ງແວດລ້ອມ ແລະ ການປ່ຽນແປງ ຂອງ ດິນຟ້າ ອາກາດ ສິດທິ ຂອງ ຄົນພິການ ແລະ ການ ຄ້າມະນຸດ ການແລກປ່ຽນ ຣະຫ່ວາງ ອົງການ ຕ່າງໆ ຂອງ ອາຊຽນ ກັບຄູ່ຮ່ວມມື ແລະ ຄູ່ ເຈຣະຈາ ພາຍນອກ ຮວມທັງ ການຈັດຕັ້ງ ສັງຄົມ ພົລເຮືອນ ການເຜີຍແຜ່ ແລະ ຈັດຕັ້ງ ປະຕິບັດ ຖແລງການ ອາຊຽນ ວ່າດ້ວຍ ສິດທິມະນຸດ.

ສົມເນ RFA ຣາຍງານ ຈາກ ນະຄອນຫລວງ ວຽງຈັນ

ເຕັມຫນ້າ