ສິທທິມະນຸສອາຊຽນ ຕ້ອງກົດດັນຣັຖບານລາວ

ຜູ້ຕາງໜ້າ ສະມາຊິກ ສະພາ ອາຊຽນ ຕ້ອງການ ໃຫ້ ຫ້ອງການ ສິດທິມະນຸດ ອາຊຽນ ກົດດັນ ຣັຖບານ ສປປ ລາວ ກ່ຽວກັບ ການຫາຍສາບສູນ ຂອງ ທ່ານສົມບັດ ສົມພອນ ນັກເຄື່ອນໄຫວ ຣາງວັນ ແມັກໄຊໄຊ.
ສິດນີ
2013-01-17
Share
F-asean-human-rights ໃນໂພສເຕີ້ນີ້ ບອກວ່າ ເຮົາຕ້ອງການ ຄະນະ ກັມມາທິການ ສິດທິມະນຸດ ອາຊຽນ ທີ່ເພິ່ງພາໄດ້ ເປັນຕົນເອງ ແລະມີ ສະມັຕຕະພາບ.
FORUM-ASIA

ໃນການຖແລງຂ່າວ ຫລັງຈາກ ການຢ້ຽມຢາມ ສປປລາວ ຂອງ ສະມາຊິກ ຣັຖສະພາ ອາຊຽນ 3 ທ່ານ ກ່ຽວກັບ ກໍຣະນີ ການຫາຍໄປ ຂອງ ທ່ານ ສົມບັດ ສົມພອນ ນັກເຄື່ອນໄຫວ ຄົນສຳຄັນ ຂອງລາວ. ຢູ່ທີ່ ບາງກອກ ປະເທດໄທ ຍານາງ LiLy Wahid ສະມາຊິກ ຣັຖສະພາ ຈາກ ປະເທດ ອິນໂດເນເຊັຽ ກ່່າວວ່າ ປະເທດອາຊຽນ ຄວນສົ່ງສັນຍານ ໃຫ້ ຣັຖບານລາວ ເລັ່ງລັດ ສືບຫາຄວາມຈິງ ກ່ຽວກັບ ການຫາສາບສູນ ຂອງ ທ່ານ ສົມບັດ. ຍານາງກ່າວວ່າ:

"ຫລັງຈາກທີ່ ຍານາງໄປຮອດ ກຸງຈາກາຕາ ຍານາງ ຈະເຂົ້າຫາຫ້ອງການ ສິດທິມະນຸດ ອາຊຽນ ເພື່ອຣາຍງານ ເຣື້ອງການໄປ ຢ້ຽມຢາມ ສປປລາວ ແລະ ຈະຂໍຣາຍເຊັນ ຈາກ ສະມາຊິກ ສະພາ ຄົນອື່ນໆ ຂອງ ອິນໂດເນເຊັຽ ຟີລີປີນ ແລະ ມາເລເຊັຽ ເພື່ອຕ້ອງການໃຫ້ ຫ້ອງການ ສິດທິມະນຸດ ອາຊຽນ ກົດດັນ ຣັຖບານລາວ ໃນບັນຫາດັ່ງກ່າວ ແລະ ຄິດວ່າ ໃນເວລານີ້ ເປັນບາດກ້າວ ອັນສຳຄັນ ທີ່ນານາຊາຕ ຄວນຈະເລີ້ມ ບີບບັງຄັບ ຣັຖບານລາວ".

ສະມາຊິກ ສະພາ ອາຊຽນ ອີກຜຸູ້ນື່ງ ທີ່ໄດ້ເດີນທາງໄປ ສປປລາວ ຄື ດຣ. Wallen Bello ຈາກປະເທດ ຟິລິປີິນ ກໍກ່່າວວ່າ ສະມາຊິກ ສະພາອາຊຽນ ຫວັງວ່າ ອົງການ ສິດທິມະນຸດ ອາຊຽນ ຈະເຫັນ ຄວາມສຳຄັນ ກ່ຽວກັບເຣື້ອງນີ້ ແລະ ຈະສົ່ງເຈົ້າຫນ້າທີ່ ເຂົ້າໄປສືບສວນ ຫາຄວາມຈິງ ໃນບັນຫາ ດັ່ງກ່າວ. ທ່ານກ່າວວ່າ:

"ພວກທ່ານ ຫວັງວ່າ ອົງການ ສິດທິມະນຸດ ອາຊຽນ ຈະຖືເຣື້ອງນີ້ ເປັນເລື້ອງຈິງຈັງ ດ້ວຍການ ສົ່ງເຈົ້າຫນ້າທີ່ ເຂົ້າໄປສືບສວນ ໃນລາວ".

ໃນການຖແລງຂ່າວ ທີ່ບາງກອກ ເທື່ອນີ້ ຕົວແທນ ຈາກຣັຖສະພາອາຊຽນ ທັງສາມທ່ານ ຍັງມີຄວາມໝັ້ນໃຈວ່າ ທ່ານ ສົມບັດ ສົມພອນ ຍັງມີຊິວິດຢູ່ ແລະ ການກົດດັນ ຈາກນານາຊາດ ຈະເຮັດໃຫ້ ຣັຖບານລາວ ເລັ່ງສືບສວນ ຫາຄວາມຈິງ ໄວຂື້ນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ