ທ.ບຸນຍັງວໍຣະຈິດນໍາໜ້າ

ຈໍາປາທອງ
2016-01-22
ອີແມວລ໌
ຄໍາເຫັນ
Share
ພິມ
ທ່ານ ບຸນຍັງ ວໍຣະຈິດ ໃນວັນເລືອກຕັ້ງ ຄນະນໍາຊຸດໃໝ່
ທ່ານ ບຸນຍັງ ວໍຣະຈິດ ໃນວັນເລືອກຕັ້ງ ຄນະນໍາຊຸດໃໝ່
Screen captured from LNTV news video

ຜົນການເລືອກຕັ້ງ ຄນະນໍາ ຊຸດໃໝ່ ຂອງພັກ ປະຊາຊົນ ປະຕິວັດລາວ ໃນວັນທີ 21 ມົກກະຣາ 2016 ນີ້ ຣາຍງາຍ ຈາກວົງໃນ ກອງປະຊຸມ ໃຫຍ່ ຄັ້ງທີ 10 ຂອງພັກ ໃນ ຕອນແລງ ຂອງວັນທີ 21 ມົກກະຣາ ແຈ້ງວ່າ ການເລືອກຕັ້ງ ເປັນໄປຕາມ ປວງຊົນໄດ້ ຄາດຄະເນໄວ້ ຄື ທ່ານ ບຸນຍັງ ວໍຣະຈິດ ນໍາໜ້າ ໄດ້ຄະແນນ ຫຼາຍກວ່າໝູ່ ແລະຕໍ່ມາ ກໍແມ່ນ ຍານາງ ປານີ ຢາທໍ່ຕູ້ ແລະ ທ່ານ ທອງລຸນ ສີສຸລິດ. ດັ່ງ ຜູ້ຕິດຕາມ ກອງປະຊຸມ ແລະ ການເລືອກຕັ້ງ ຢ່າງໃກ້ຊິດ ທີ່ ບໍ່ປະສົງ ອອກຊື່ ກ່າວວ່າ:

"ບຸນຍັງ ຄະແນນ 685, ສອງມາ ກໍ ນາງປານີ 683 ທອງລຸນ ສີສຸລິດ 670 ທ່ານ ຈັນສມອນ ກະ 670".

ກ່ຽວກັບ ຜົລການເລືອກ ຢູ່ ໃນກອງປະຊຸມໃຫຍ່ ຂອງພັກ ທີ່ວ່ານັ້ນ ສື່ສັງຄົມ ອອນລາຍ ຕ່າງໆ ໄດ້ເຜີຍແຜ່ ຣາຍຊື່ ຂອງຜູ້ທີ່ໄດ້ຮັບ ເລືອກຕັ້ງ ເປັນຄນະ ບໍຣິຫານງານ ສູນກາງພັກ ຊຸດຕໍ່ໄປ ໂດຍ ເລີ້ມຕົ້ນ ຈາກ ທ່ານ ບຸນຍັງ ວໍຣະຈິດ ທີ່ໄດ້ ຄະແນນສຽງ ຫຼາຍ ກວ່າໝູ່ ແລະຕໍ່ມາ ກໍແມ່ນ ຍານາງ ປານີ ຢາທໍ່ຕູ້, ທ່ານ ທອງລຸນ ສີສຸລິດ, ທ່ານ ບຸນທອງ ຈິດມະນີ ແລະ ໄປສຸດຢູ່ ທ່ານ ສັນ- ຕິພາບ ພົມວິຫານ ລູກຊາຍ ຂອງ ທ່ານ ໄກສອນ ພົມວິຫານ ທີ່ໄດ້ເປັນ ຄົນທີ 69 ຄື ຄົນສຸດທ້າຍ.

ພ້ອມກັນນັ້ນ ກໍຍັງໄດ້ ເລືອກເອົາ ກັມການ ສູນກາງພັກ ສໍາລອງ ອີກ 8 ຄົນ ທີ່ ມີທັງ ຍານາງ ບຸນຄໍາ ວໍຣະຈິດ, ຍານາງ ສວນ- ສະຫວັນ ວິຍະເກດ ແລະ ທ່່ານ ໂພໄຊ ໄຊຍະສອນ ລູກຊາຍ ຂອງທ່ານ ຈູມມາລີ ໄຊຍະສອນ ຜູ້ທີ່ຈະພົ້ນ ຕໍາແໜ່ງ ເລຂາທິການ ໃຫຍ່ ຄນະ ບໍຣິຫານງານ ສູນກາງພັກ ໄປໃນວັນທີ 22 ມົກກະຣາ 2016 ພາຍຫລັງ ໄດ້ມີການ ປະກາດຜົນ ຂອງ ການເລືອກຕັ້ງ ຢ່າງ ເປັນທາງການ ແລ້ວ.

ໃນການເລືອກຕັ້ງ ຄັ້ງນີ້ ມີຜູ້ສມັກ ຮັບເລືອກຕັ້ງ ເປັນ ກັມມະການ ສູນກາງພັກ 77 ຄົນ ແລະ ໄດ້ເລືອກເອົາ 69 ຄົນ. ດັ່ງທ່ານ ກ່າວອີກວ່າ:

"ສລຸບວ່າ ກັມການ ໄດ້ໜ້າໃໝ່ 39 ຊຸດເກົ່າ ລະແມ່ນ 30 ທັງໝົດ 69".

ນອກຈາກ ກັມມະການ ສູນກາງພັກ ສົມບູນ ແລ້ວ ກໍຍັງມີ ກັມມະການ ສຳລອງ 8 ຄົນ. ສໍາລັບ ກັມມະການ ກົມການເມືອງ ສູນກາງພັກ ຊຸດໃໝ່ນີ້ ຈະມີ 11, ຍັງເຫລືອ ຜູ້ເກົ່າ 6 ຄົນ ເພາະວ່າ 4 ຄົນ ຄືທ່ານ ຈູມມາລີ ໄຊຍະສອນ, ທ່ານ ທອງສິງ ທຳມະວົງ, ທ່ານ ອາຊາງ ລາວລີ ແລະ ທ່ານ ສົມສະຫວາດ ເລັ່ງສະຫວັດ ບໍ່ໄດ້ເປັນ ອີກຕໍ່ໄປ. ມີການ ວິພາກ ວິຈານກັນ ໄປຕ່າງໆນາໆ ວ່າ ທັງ 4 ທ່ານ ນັ້ນມີທ່າອ່ຽງ ໄປຫາຈີນ ຫຼາຍກວ່າ ນິຍົມ ຊົມຊອບ ວຽດນາມ.

ຄໍາເຫັນ (5)
Share

Lao-American

ຈາກ Plano, Texas

The frogs vote leader.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:26 AM

LAONOR

WILL BE THE LAST FOR YOU BOUNGNANG


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:24 AM

Xay

ສີ່ຄົນນັ້ນບໍ່ແມ່ນມີທ່າອ່ຽງ ໄປນຳຈິນດອກ. ທີ່ຈິງແລ້ວບຸກຄະລິກການເຄື່ອນໄຫວ ຂອງເຂົາເຈົ້າ ແມ່ນຍັງດ້ອຍພັດທະນາ ບໍ່ທັນກັບການຂະຫຍາຍຕົວ ຂອງເສດຖະກິດ.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:24 AM

BIG SHOW

ຈາກ PHOU BIA

ພວກນິຍົມເຈັກແດງ ກັບທີ່ຕັ້ງໄປນັ່ງເຈັ້ຍມວຍ, ພວກນິຍົມແກວແດງ ພ້ອມກັນລຸກຂັບໄລ່ ໂຮຮ້ອງວ່າ: ເຂດກູ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:12 AM

ຄູປະຊາ

ຈາກ ໄຊຍະບູລີ

ບາດນີ້ແລ້ວ ເງີນເດຶອນນາຍຄູ ຊີໄດ້ຮັບ ສອງເທື່ອຕໍ່ປີ ບໍເບີ່ງອັນອຶ່ນດອກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:11 AM

ເບິ່ງຄວາມເຫັນທັງໝົດ.

ເຕັມຫນ້າ