ຈີນ-ວຽດ ຊ່ອຍລາວສລອງ 40 ປີ

ຈໍາປາທອງ
2015-10-22
ອີແມວລ໌
ຄໍາເຫັນ
Share
ພິມ
ຣັຖບານລາວ ຕຣຽມສລອງວັນສ້າງຕັ້ງ ສປປລາວ ທີ 2 ທັນວາ ຄົບຮອບ 40 ປີ ໂດຍການຊ່ວຍເຫລືອ ຈາກ ຈີນ ແລະ ວຽດນາມ
ຣັຖບານລາວ ຕຣຽມສລອງວັນສ້າງຕັ້ງ ສປປລາວ ທີ 2 ທັນວາ ຄົບຮອບ 40 ປີ ໂດຍການຊ່ວຍເຫລືອ ຈາກ ຈີນ ແລະ ວຽດນາມ
Citizen Journalist

ເຈົ້າຫນ້າທີ່ ຣະດັບ ສູງ ຂອງລາວ ທ່ານນຶ່ງ ກ່າວເຖິງ ການຕຣຽມ ງານສລອງ ວັນ ສ້າງຕັ້ງ ສປປລາວ 2 ທັນວາ ຄົບຮອບ 40 ປີ ໃນ ຄັ້ງນີ້ວ່າ, ຣັຖບານ ລາວ ມີ ປັນຫາ, ຂາດເຂີນ ງົບປະມານ, ຕ້ອງໄດ້ຮັບ ການຊ່ວຍເຫລືອ ຈາກ ຕ່າງປະເທດ ໂດຍສະເພາະ ແມ່ນ ວຽດນາມ ແລະ ຈີນ ທີ່ ໃຫ້ ບໍຣິສັດ ເອກຊົນ ຂອງຕົນ ມາມອບ ອຸປກອນ ແລະ ເງິນ ສນັບສນູນ ໃຫ້ ທາງການ ລາວ ມາຊ່ວຍ ກະຕຣຽມ:

“ອັນຕົວ ບໍຣິສັດ ທີ່ມາ ກໍມາ ໃນນາມ ຣັຖບານ ຫັ້ນແຫລະ ເປັນ ນະໂຍບາຍ ຂອງ ຣັຖບານ. ພວກເຮົາ ກະບໍ່ ປະຕິເສດ ຈິດໃຈ ຊຸກຍູ້ ອຸປຖັມ ແນວສິ່ງ ທີ່ ພວກເຮົາ ຍັງເຮັດ ບໍ່ທັນໄດ້ ກໍມີເພື່ອນ ໃກ້ຄຽງ ມາ ຊ່ວຍເຫລືອ”.

ກ່ຽວກັບ ວັນ ສ້າງຕັ້ງ ສປປລາວ ຄົບຮອບ 40 ປີ ນີ້ ປະຊາຊົນ ລາວ ຜູ້ນຶ່ງ ໃຫ້ ຄຳເຫັນ ຕໍ່ ເອເຊັຽ ເສຣີ ວ່າ ຣັຖບານ ລາວ ບໍ່ຄວນ ຈັດງານ ສລອງໃດໆ ຍ້ອນວ່າ ວັນທີ 2 ທັນວາ ເປັນ ວັນແຫ່ງ ຄວາມ ໂຫດຮ້າຍ ສຳລັບ ປະຊາຊົນ ລາວ ທັງປະເທດ:

“ວັນຊາດ ທີ 2 ທັນວາ ມັນເປັນ ວັນອຸບາດ ເພາະວ່າ ປະຊາຊົນ ລາວ ຕາຍ ຫຼາຍທີ່ສຸດ ຖືກໄປ ສັມມະນາ ຫຼາຍ ທີ່ສຸດ. ແຕ່ວັນ ທີ່ ສຳຄັນ ເຂົາບໍ່ເອີ່ຍ ເຖິງ ກໍຄື ວັນທີ 12, ວັນນັ້ນ ເປັນວັນ ປົດປ່ອຍ ປົກຄອງ ດ້ວຍລາວ ເປັນວັນມີ ປະຊາທິປະໄຕ ມີຫຼາຍ ພັກ ການເມືອງ”.

ແຕ່ ແນວໃດ ກໍຕາມ ສຳລັບ ງານ ວັນທີ 2 ທັນວາ ນີ້ ຣັຖບານ ລາວ ກໍກຳລັງ ກະກຽມ ພິທີ ຕ່າງໆສລອງ ເຊັ່ນການຊ້ອມ ເດີນ ສວນສະຫນາມ ຂອງ ກອງກຳລັງ ປ້ອງກັນ ຊາດ, ປ້ອງກັນ ຄວາມສງົບ, ການສະແດງ ສິລປະ ວັທນະທັມ, ຂນະທີ່ ຣັຖບານ ລາວ ຫາກໍ່ໄດ້ ຮັບເງິນ ສນັບສນູນ ຈາກ ພາກ ເອກຊົນ ຈີນ 2 ລ້ານໂດລາ ສະຫະຣັຖ ເມື່ອ ອາທິດ ຜ່ານມາ ນີ້.

ຄໍາເຫັນ (6)
Share

ແກ້ວຄິດຮອດບ້ານ

ຈາກ ເຊໂປນ

ຈັດໃຫຍ່ ຍ້ອນດີໃຈ ໄດ້ເງິນ ສ້າງທາງລົດໄພ ລາວຈີນ ຫຼາຍມື່່ນໆລ້ານ ຖ້າເປັນເງິນລາວ ປະຊາຊົນ ສິໄດ້ພົ້ນທຸກ. ໃນໂລກນີ້ ບໍ່ມີລັດທະບານ ປະເທດໃດ ສາມາດປະຕິຍານວ່າ ຈະໃຫ້ ປະຊາຊົນ ພົ້ນທຸກໄດ້. BUT LAO GOVERNMENT 5555 ເຖິງສິຮັ່ງມີ ປານໃດກໍ່ຕາມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 30, 2015 07:45 PM

(

ພວກທີ່ ຢູ່ໃນບັນຊີດຳ ຂອງ ລັດຖະບານ ສປປລາວ ມັກມີຄຳເຫັນ ແບບນີ້ລະ ອັນທີ່ເອີ້ນກັນວ່າ ຣັຖບາລ ສປປລາວ ນັ້ນແມ່ນ ພວກເພີນ ໄດ້ ຣັຖບາລ ນິ້ມາຈາກ ຜູ້ໃດ ປະຊາຊົນລາວ ທົວປະເທດ ບໍ່ມີຜູ້ໃດ ເລືອກເອົາ ຣັຖບາລ ຈອມປອມນິ້ມາ ບໍຣິຫານ ປະເທດ ແມ່ນພວກເພີນ ຕ່າວ ປີ້ນສັນຍາ ແລະ ອານຸສັນ ໃຫ້ລາວ ສອງຝ່າຍ ຢູ່ຮ່ວມກັນ ຢ່າງ ສັນຕິວິທີ ເພື່ອລາວທັງຊາຕ ຈະໄດ້ສ້າງສາ ພັທນາຮ່ວມກັນ ໃຫ້ຊາຕຮຸ່ງເຮືອງ ຄື ປະເທດ ເພືອນບ້ານ. ວັນທີ່ 2 ທັນວາ ບໍ່ໄດ້ແມ່ນ ວັນຊາຕ ຂອງ ປະເທດລາວ. ວັນທີ່ 2 ທັນວາ ແມ່ນວັນ ຮ້າຽຍານະ ຂອງຊາດລາວ. ພວກພັກ ແລະຣັດ ຂອງ ສປປລາວ ປັດຈຸບັນນິ້ ໄດ້ເອົາໂຈນ ຕ່າງຊາດ ມາຂ້າຟັນພໍ່ແມ່ ປະຊາຊົນລາວ ນັບຕັ້ງແຕ່ ພຣະມະຫາກະສັດ ລົງມາຮອດ ປະຊາຊົນ ຜູ້ທີ່ບໍ່ມີ ຄວາມຜິດຍັງ ແລະ ຍັງເຮັດໃຫ້ ປະຊາຊົນ ໃນຊາດ ໜີ ອອກຈາກ ປະເທດໄປ ເປັນກຳພ້າກຳຟອຍ ແຜ່ນດີນ ຢູ່ທົ່ວໂລກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 01, 2015 03:45 PM

(

ແນ່ນອນ ປະເທດໃດ ກໍຕາມ ຖ້າຢາກຈະເລີນ ກໍຕ້ອງທຳໃຈ ເປັນໜີ້ ຕ່າງປະເທດ. ສ.ອາເມລິກາ ຍັງເປັນໜີ້ ສປ.ຈີນ ຫລາຍຕື້ ໂດລາເດີ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 01, 2015 03:43 PM

No Name

ຈາກ In lao

Laotian government got to do something about Laotian people and countries! Because everything not be hides anymore all around the world they know ! Think off road construction for 2.5 kilometer, lao government have to borrow that money! That mean they got no money or they just SOS?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 28, 2015 02:57 PM

ປະຊາຊົນທົ່ວໄປ

ຈາກ ລາວ

ບໍ່ແນ່ໃຈ ວ່າ ຄືມາ ຈັດໃຫ່ຍ ແທ້ ເປື່ອງ ງົບປະມານ ອັນມະຫາສານ ແລະ ໃຫ້ເຂົາ ມາຊ່ວຍເຫລືອ ລ້າອີກ ແລະ ແນ່ນອນ ການຊ່ວຍເຫລືອ ກໍ່ເປັນການໃຫ້ ສິນບົນໃນຕົວ. ຄິດວ່າ 40 ປີ ທີ່ປົດປ່ອຍ ມາ ປະເທດ ເຮົາມີແຕ່ ໜີ້ສິນ ແລະ ປັດຈຸບັນ ຢືມເງິນທາງໃດ ກໍ່ບໍ່ໃຫ້. ສິ່ງທີ່ສ້າງ ມີແຕ່ຢືມມາ ແລະ ຊ່ວຍເຫລືອຫລ້າ ສັ່ງເກດ ໂຮງານ ອຸດສາຫະກຳ ທີ່ສ້າງ ຈາກ ລັດຖະບານລາວ ໜ້ອຍຫລາຍ ແລະ ມີສະພາບດິ່ງລົງຄອງ. ແຕ່ສ່ວນທີ່ຂາຍ ເຊັ່ນ ໄມ້ ທີ່ມີລາຕາແພງ ແລະ ຂາຍບໍແຮ່ ບໍ່ຮູ້ວ່າເງິນ ໄປໃສໝົດ. ສ່ວນການປົກຄອງ ກໍ່ເຮັດບໍ່ໄດ້ດີ ມີການປາບປາມ ຄົນ ທີ່ເວົ້າຄວາມຈິງ ຢູ່ສັງຄົມ ແລະ ຜູ້ນຳບັງຄັງໃຊ້ ກົດໝາຍ ບໍ່ໄດ້ ເທົ່າທີ່ຄວນ.
ແລະ ຫັວງວ່າ ປິທີ 41 ເປັນຕົ້ນໄປ ຈະເຫັນຜູ້ນຳລາວ ນຳຄວາມກ້າວໜ້າ ແລະ ເປັນຜູ້ນຳ ທີ່ແທ້ຈິງ ຂອງ ປະຊາຊົນ. ບໍ່ຢາກໃຫ້ ຜູ້ນຳລາວ ສະແດງຈຸດອ່ອນ ໃຫ້ຊາວໂລກ ເຫັນຫລາຍ ຄືການ ຮັບເງິນສິນບົນ ກ້ອງໂຕະ ບໍ່ວ່າທາງກົງ ແລະ ທາງອ້ອມ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 25, 2015 04:03 PM

ເບິ່ງຄວາມເຫັນທັງໝົດ.

ເຕັມຫນ້າ