ຜູ້ມີຕໍາແໜ່ງສູງບໍ່ເສັຽຄ່າ ທີ່ດິນ

ອຸ່ນແກ້ວ ສຸກສວັນ
2014-03-13
Share
f-land ຢູ່ສປປລາວ ຜູ້ມີຕໍາແໜ່ງສູງ ບໍ່ເສັຽຄ່າ ທີ່ດິນ
_,ັ້

 

ການເກັບຣາຍຮັບ ຈາກ ຄ່າທຳນຽມ ທີ່ດິນ ບໍ່ໄດ້ຕາມ ເປົ້າໝາຍ ແມ່ນຍ້ອນ ເຈົ້າໜ້າທີ່ ຂັ້ນສູງ ຜູ້ທີ່ເປັນ ເຈົ້າຂອງ ທີ່ດິນ ບໍ່ຍອມ ເສັຍຄ່າ ທຳນຽມ ຕາມກົດໝາຍ ເຮັດໃຫ້ການ ເກັບຣາຍຮັບ ບໍ່ເປັນ ໄປ ຕາມເປົ້າໝາຍ ທີ່ວາງໄວ້.

ເຈົ້າໜ້າທີ່ ກະຊວງ ການເງິນ ທ່ານນຶ່ງ ກ່າວວ່າ ບັນດາ ພະນັກງານ ຂັ້ນສູງ ທີ່ເປັນ ເຈົ້າຂອງ ທີ່ດິນ ສ່ວນຫລາຍ ແມ່ນໃຊ້ ທຸກວິທີ ທາງ ໃນການ ຫລົບ ຫລີກ ບໍ່ຈ່າຍ ຄ່າທຳນຽມ ໂດຍໃສ່ຊື່ ຂອງຍາດ ພີ່ ນ້ອງ ຂອງຕົນເອງ, ບໍ່ ອະນຸຍາດ ໃຫ້ ເຈົ້າໜ້າທີ່ ທີ່ດິນ ໄປວັດແທກ ດິນ ຂອງຕົນ.

ເຈົ້າໜ້າທີ່ ທີ່ດິນເອງ ກໍບໍ່ກ້າ ໄປເກັບ ຄ່າທຳນຽມ ນຳ ພະນັກງານ ຂັ້ນສູງ ເພາະຢ້ານ ອຳນາດ, ແຕ່ສ່ວນໃຫຍ່ ຈະເກັບນຳ ແຕ່ ປະຊາຊົນ ຄືດັ່ງ ເຈົ້າໜ້າທີ່ ການເງິນ ທ່ານນຶ່ງ ກ່າວວ່າ:

"ລະຫວ່າງ ພາສີ ແລະ ເຈົ້າຂອງ ທີ່ດິນ ຜູ້ທີ່ ຈັບຈອງ ກໍ ນະໂຍບາຍ ໃຫ້ກັນ ກໍເສັຍເປັນ ດິນສວນ ທັງໆ ທີ່ວ່າ ທີ່ດິນ ຕອນນັ້ນ ບໍ່ມີຕົ້ນໄມ້ ດິນຂອງ ພະນັກງານ ທະຫານ ຕຳຫລວດ ແລະ ນັກ ທຸລະກິດ ກໍບໍ່ໄດ້ ເສັຍພາສີ ສະນັ້ນ ຈຶ່ງມີ ຄຳເວົ້າ ເຂົາເຈົ້າວ່າ ດິນຢູ່ບ້ານ ພວກເຮົາ ລະເກັບໄດ້ ແຕ່ດິນທ້າວ ດິນທ່ານ ຫລະ ເກັບບໍ່ໄດ້".

ເພາະສະນັ້ນ ຣັຖບານ ຈຶ່ງ ເກັບຣາຍຮັບ ຈາກ ຄ່າທຳນຽມ ທີ່ດິນ ໄດ້ພຽງ 70 ຕື້ ກີບ ຫລື ເທົ່າກັບ 47 ສ່ວນຮ້ອຍ ຂອງ ແຜນການ ໃນ ສົກປີ 2012-13 ເທົ່ານັ້ນ. ນອກຈາກນີ້ ເຈົ້າໜ້າທີ່ ຂອງ ກະຊວງ ການເງິນ ຍັງກ່າວ ຕື່ມວ່າ ໃນສົກ ປີ 2013-14 ກໍຄາດວ່າ ຈະບໍ່ ສາມາດ ປະຕິບັດ ໄດ້ເຖິງ 50 ສ່ວນຮ້ອຍ ຂອງ ເປົ້າໝາຍ ທີ່ວາງໄວ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ