ຂ.ຫົວພັນຈົ່ມທຸກຕໍ່ສະພາ

ມະນີຈັນ
2016-11-01
ອີແມວລ໌
ຄໍາເຫັນ
Share
ພິມ
ແຂວງຫົວພັນ
ແຂວງຫົວພັນ
RFA

ໃນກອງປະຊຸມ ສະພາ ແຫ່ງຊາດ ສປປລາວ ເມື່ອທ້າຍອາທິດ ທີ່ແລ້ວ ພັນໂທ ແອ່ນ ອຸ່ນທະນົງບຸດ ສະມາຊິກ ສະພາ ແຫ່ງຊາດ ແຂວງຫົວພັນ ກ່າວວ່າ ເຖິງວ່າ ແຂວງຂອງຕົນ ຈະ ເປັນບ່ອນເກີດ ຂອງການ ປະຕິວັດລາວ ແຕ່ກໍຍັງ ເປັນແຂວງ ທຸກຍາກ ແລະ ບໍ່ໄດ້ຮັບ ການພັທນາ ເທົ່າທີ່ຄວນ ເປັນຕົ້ນ ຖນົນຫົນທາງ ຍັງເປ່ເພ ແລະ ການເດີນທາງ ກໍ ຍັງລໍາບາກ:

"ແຂວງຫົວພັນ ເປັນແຂວງ ທີ່ກໍາເນີດ ການປະຕິວັດ ແຕ່ວ່າ ການພັທນາ ຍັງມີລັກສນະ ລວມຢູ່ ໂຕຢ່າງ ເສັ້ນທາງ ເລກທີ 6 ຈາກ ບ້ານບານ ເມືອງຄໍາ ແຂວງ ຊຽງຂວາງ ໄປເຖິງ ນາແມວ 40 ກວ່າ ປີ ທີ່ຜ່ານມາ ຖືວ່າຍັງຢູ່ ພາວະ ປົກກະຕິ ທຸກຍາກຫຼາຍ ປະຊາຊົນ. ໂຕຢ່າງ ເສັ້ນທາງ ຈາກ ບ້ານນາຫຸ່ມ ໄປເຖິງຖໍ້າແມ່ 20 ກິໂລແມັຕ ໃຊ້ ເວລາເກືອບ 2 ຊົ່ວໂມງ".

ກ່ຽວກັບເຣື່ອງນີ້ ເຈົ້າໜ້າທີ່ ຜແນກ ໂຍທາ ແລະ ສວັດດີການ ຂົນສົ່ງ ແຂວງ ຫົວພັນ ກໍຮັບວ່າ ແຂວງຫົວພັນ ເປັນແຂວງນຶ່ງ ທີ່ທຸກຍາກ ເສັ້ນທາງ ຫຼາຍສາຍ ເປ່ເພແທ້. ກວ່າ 70 ເປີເຊັນ ຂອງທາງ ທັງໝົດ ແມ່ນ ທາງດິນແດງ, ປະຊາຊົນ ໄດ້ຮັບຄວາມ ເດືອດຮ້ອນ:

"ຍັງຫຍູ້ງຍາກເດ້ ແຂວງຫົວພັນ ໄປຊໍາເໜືອນີ້ນະ ເສັ້ນທາງຫຼວງນີ້ກະ ຍຸຕິໝົດແລ້ວ ຢູ່ ທາງບ້ານນອກ ຫ່າງໄກ ຊອກຫລີກ ຍາມຝົນ ນີ້ຖືວ່າ ໄປບໍ່ໄດ້ແດ 70 ເປີເຊັນ ນີ້ດິນແດງ".

ທ່ານກ່າວຕື່ມວ່າ ຮອດປັດຈຸບັນ ເສັ້ນທາງ ຫຼາຍສາຍ ຍັງບໍ່ທັນ ໄດ້ຮັບການ ສ້ອມແປງ ຍ້ອນ ທາງການ ບໍ່ມີ ງົບປະມານ ພຽງພໍ, ຫວັງວ່າ ຫລັງແລ້ວ ກອງປະຊຸມ ສະພາ ແຫ່ງຊາດ ເທື່ອນີ້ ຣັຖບານ ຈະສນອງເງິນ ໃຫ້ສ້ອມແປງ ພັທນາ ໂຄ່ງຮ່າງ ພື້ນຖານ.

ຕໍ່ຄໍາເວົ້າຂອງ ສະມາຊິກ ສະພາ ແຫ່ງຊາດ ທ່ານນີ້ ປະຊາຊົນ ແຂວງຫົວພັນ ເວົ້າວ່າຕົນ ເຫັນດີນໍາ ຄໍາເວົ້າ ຂອງ ພັນໂທ ແອ່ນ ໃນກອງປະຊຸມ ສະພາ ແຫ່ງຊາດ ເພາະ ບັນຫາ ທີ່ເພິ່ນກ່າວນັ້ນ ມີຄວາມຈິງ ຈຶ່ງຢາກໃຫ້ ຣັຖບານ ເລັ່ງໃຫ້ ງົບປະມານ ມາປັບປຸງ ເສັ້ນທາງ ຫລັງ ກອງປະຊຸມ ເທື່ອນີ້:

"ເຫັນດີນໍາເພິ່ນເວົ້າ ຫັ້ນແຫຼະ ເພາະວ່າ ກໍທຸກຍາກ ຫົນທາງ ໄປມາ ກະບໍ່ດີ, ທີ່ລາວ ເວົ້າກະຖືກ ຫັ້ນແຫຼະ ກະຢາກ ໃຫ້ຣັຖບານ ປັບປຸງ ທາງໃຫ້ດີ ມັນກະສ້າງ ຢູ່ນະ ທຸກມື້ ກະຫາກ ບໍ່ແລ້ວ ບໍ່ທັນມີ ເງິນ ມັນບໍ່ເຮັດໄດ້ ປົກກະຕິ".

ທ່ານເວົ້າວ່າ ເຖິງແມ່ນວ່າ ໃນຣະຍະ 40 ປີ ຜ່ານມາ ຣັຖບານ ມີໂຄງການ ພັທນາ ຕ່າງໆ ຢູ່ແຂວງ ຫົວພັນ ຫຼາຍໂຄງການ ກໍຕາມ ແຕ່ກໍຍັງ ບໍ່ທັນ ເຮັດໃຫ້ ປະຊາຊົນ ໃນແຂວງນີ້ ຫລຸດພົ້ນຈາກ ຄວາມທຸກຍາກ ໄດ້ ເທົ່າທີ່ຄວນ.

ຄໍາເຫັນ (3)
Share

ໄມຕານ

ຈາກ ເມືອງສິງ

ຍອ້ນປະເທດລາວ ບ໋ມີນັກຂາ່ວເອົາຄວາມຈິງມາອອກໄດ້ ປະຊາຊົນຈື່ງບ໋ຮູ້ຈັກບັນຫາທຸກຢາ່ງຂອງປະເທດ ເງິນເດືອນໃຫ້ພະນັກງານກິນ ກ໋່ຍັງບ໋່ພຽງພ໋ ຈະເອົາເງິນສວ່ນໃດ ມາສາ້ງຫົນທາງ ເປັນລະດັບຝູ້ແທນແຫ່ງຊາດ ກະບ໋່ຮູ້ຈັກປະເທດ ຂອງໂຕເອງ ຖ້າມີເງິນບ໋່ຖ້າບອກລັຖບານ ແຫ່ງອາຍປະຊາຊົນຢູ່ແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 03, 2016 01:08 PM

ໄມສິງ

ຈາກ ຊຽງຂວາງ

ພວກການປະຕິວັດລາວ ນີ້ບໍ່ມີສິ່ງໄດ ເປັນກົລຍຸຕຂອງຕົນເອງ ທູກຢ່າງແມ່ນໄປຕາມ ຂະບວນເທົ່ານັ້ນ, ເມື່ອເຮັດການປະຕິວັດ ຊາຕປະຊາທິປະໄຕໄດ້ແລ້ວ, ກໍ່ເປັນການປະຕິວັດແກ່ຊາຕອື່ນ ບໍ່ແມ່ນເປັນຂອງຊາວລາວແທ້, ເມື່ອເດີນທາງມາເຖິງ 41 ປີເຕັມ ກໍ່ຍິ່ງສ້າງໃຫ້ ສປປລາວ ເກີດເປັນເມືອງສອງທ້າວ, ບ່າວສອງນາຍ ຄື ແກວແດງແລະຈີນແດງ ເປັນຕົ້ນ, ສະນັ້ນມັນຈຶ່ງຖືກກັບຄວາມ ສາບແສ້ງ ຂອງພວກທີ່ສ້າງປະວັດສາຕ ມາກ່ອນແລ້ວ, ດ້ວຍເຫຕນີ້ແລ້ວແຂວງຫົວພັນ ຈະເປັບໍ່ເກີດ ຂອງການປະຕິວັດ ໂຕຈິງກໍ່ຕາມ, ພວກບ່າວສອງນາຍ ເຂົາຈະໃຊ້ລັກການວ່າ: ນາແລ້ວຕ້ອງຂ້າຄວາຍເທິກ, ເສິກແລ້ວຕ້ອງຂ້າຄົນຫານ, ຍ້ອນພວກລາວໂງ່ຈ້າ ເອງຕື່ນບັ້ງຕົວະຂອງ ແກວແດງແລະ ຈີນແດງເອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 03, 2016 11:58 AM

ຄ.ນະຄຳມວ່ນ

ຈາກ ທ່າແຂກ

ແຂວງຫົວພັນເປັນບໍ່ເກີດ ແຫ່ງການປະຕິວັດ ສປປລາວ ສະພາ ກໍ່ເປັນສະພາປອມ, ຣັຖບານກໍ່ເປັນພຽງແຕ່ຫູຸ່ນ ຊື່ໆຮູ້ແຕ່ພຽງ ຄວາມຢາກ ຂອງປາກແລະທ້ອງພວກພ້ອງ, ນ້ອງອ້າຍຕົນເອງເທົ່ານັ້ນ, ຄວາມຫຍູ້ງຍາກສັບສົນ ຂອງປວງປະຊາຊົນບໍ່ມີກ່ຽວ, ນີ້ລະ!ຄືທາດແທ້ຂອງ ພັກ-ຣັຖບາລ ສປປລາວ ໃນຍຸກໂລກາພິວັດນີ້!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 03, 2016 11:56 AM

ເຕັມຫນ້າ