ສາກົນຮຽກຮ້ອງຣັຖບານລາວ

ມະນີຈັນ
2015-11-02
ອີແມວລ໌
ຄໍາເຫັນ
Share
ພິມ
ທ່ານ PHIL ROBERTSON ຮອງ ຜູ້ອຳນວຍການ ອົງການ ສິ້ງຊອມ ການປະຕິບັດ ສິດທິມະນຸດ ປະຈຳ ຂົງເຂດເອເຊັຽ
ທ່ານ PHIL ROBERTSON ຮອງ ຜູ້ອຳນວຍການ ອົງການ ສິ້ງຊອມ ການປະຕິບັດ ສິດທິມະນຸດ ປະຈຳ ຂົງເຂດເອເຊັຽ
RFA

ທ່ານ ຟິລ ໂຣເບີດສັນ ຮອງ ຜູ້ ອຳນວຍການ ອົງການ ສິ້ງຊອມ ການ ປະຕິບັດ ສິດທິ ມະນຸດ ຫຼື Human Rights Watch ປະຈຳ ຂົງເຂດ ເອເຊັຽ ຮຽກຮ້ອງ ໃຫ້ ທາງການລາວ ປ່ອຍຕົວ ຄນະນຳ ຂະບວນການ ນັກ ສຶກສາ ລາວ ເພື່ອ ປະຊາ ທິປະໄຕ ທີ່ ຍັງຖືກ ຄຸມຂັງ ຢູ່ 3 ຄົນ. ພວກ ເຂົາເຈົ້າ ຖືກ ຈັບຂັງຄຸກ ຂນະທີ່ ຕຣຽມ ການປະທ້ວງ ຢູ່ ຕໍ່ຫນ້າ ສຳນັກງານ ປະທານ ປະເທດ ທີ່ ນະຄອນຫຼວງ ວຽງຈັນ ເມື່ອ ວັນທີ 26 ຕຸລາ ປີ 1999. ທ່ານ ກ່າວວ່າ:

“ຣັຖບານ ລາວ ຜິດ ຕັ້ງແຕ່ຕົ້ນ ທີ່ ໃຫ້ ເຂົາຕິດຄຸກ, ການປະທ້ວງ ໂດຍ ສັນຕິ ວິທີ ບໍ່ໄດ້ ເປັນເຣື້ອງ ທີ່ເປັນ ອາຍາ ທີ່ຈະເຂົ້າ ຕິດຄຸກ ໄດ້. ກໍຕ້ອງໃຫ້ ຕ່າງຊາດ ຜລັກດັນ ໄມ່ໃຫ້ ຕ່າງຊາດ ລືມວ່າ ຄະດີ ສຳຄັນ ແນວນີ້ ສາມຄົນ ນັ້ນ ຍັງຕິດຄຸກ ຢູ່”.

ທ່ານ ຟິລ ໂຣເບີດສັນ ກ່າວ ຕື່ມວ່າ ປະຊາຊົນ ລາວ ມີສິດ ທີ່ ຈະປະທ້ວງ ຢ່າງ ສັນຕິ ແລະ ມີສິດ ເສຣີພາບ ຕາມ ຄຳຫມັ້ນ ສັນຍາ ທີ່ ສປປ ລາວ ໄດ້ ໃຫ້ໄວ້ ກັບ ສະຫະ ປະຊາຊາດ:

“ຣັຖບານລາວ ບໍ່ຄວນ ຂວາງ ສິດທິ ນີ້ ຄືໃຫ້ ຄົນລາວ ມີສິດ ເສຣີພາບ ຕາມ ອະນຸສັນຍາ ຕ່າງໆ ຂອງ ສະຫະ ປະຊາຊາດ. ແຕ່ ກໍຄິດວ່າ ມັນ ຂ້ອນ ຂ້າງ ຍາກ ທີ່ຈະເຫັນ ຄົນ ອອກມາ ປະທ້ວງ, ເພາະວ່າ ກໍຮູ້ວ່າ ຖ້າປະທ້ວງ ທະຫານ ຕຳຣວດ ຈະ ຈັດການ”.

ຕັ້ງແຕ່ ມີການ ສ້າງຕັ້ງ ສາທາຣະນະຣັຖ ປະຊາທິປະໄຕ ປະຊາຊົນ ລາວ ເປັນເວລາ ເກືອບ 40 ປີ ມາ, ປະຊາຊົນ ລາວ ຢູ່ພາຍໃນ ປະເທດ ລາວ ບໍ່ ສາມາດ ເຄື່ອນໄຫວ ປະທ້ວງ ຫຼື ສະແດງ ຄຳເຫັນ ທາງ ການເມືອງ ແບບ ປະຊາທິປະໄຕ ໄດ້ ຂນະທີ່ ນາໆຊາດ ກໍ ເປັນຫ່ວງນຳ ປັນຫາ ການ ຣະເມີດ ສິດທິ ມະນຸດ ໃນລາວ.

ຄໍາເຫັນ (1)
Share

ออ

ຈາກ ตน

อยู่เมืองลาวต้องไช้กดหมายลาวบ่อแม่นกดหมายต่างชาด


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 02, 2015 06:37 PM

ເຕັມຫນ້າ