ສິດທິມະນຸດຢູ່ລາວເສື່ອມໂຊມ


2014-02-06
Share
F-Phil-R ທ່ານ Phil Robertson ຮອງຫົວຫນ້າ ຫ້ອງການ ສີ້ງຊອມ ດ້ານສິດທິມະນຸດ ປະຈຳ ຂົງເຂດເອເຊັຽ
Human Rights Watch

 

ສິດທິມະນຸດຢູ່ລາວມີບັນຫາຫລາຍ. ຣັຖບານລາວບໍ່ຮັບຮູ້ສິດທິພົລເມືອງ ແລະສິດທິທາງການເມືອງ ຂອງພົລເມືອງຕົນ ຢ່າງເປັນຣະບົບ ແລະຍັງມີ ກໍຣະນີ ທ່ານ ສົມບັດ ສົມພອນ ນັກພັທນາຂອງລາວ ທີ່ຖືກລັກພາຕົວໄປ ແຕ່ທ້າຍປີ 2012 ຊຶ່ງ ຣັຖບານລາວ ບໍ່ຍອມໃຫ້ ຂໍ້ມູລກ່ຽວກັບ ວ່າມີຫຍັງ ເກີດຂຶ້ນ ກັບທ່ານ ຮອດທຸກມື້ນີ້. ຕາມຄໍາເວົ້າ ຂອງທ່ານ Phil Robertson ຮອງຫົວໜ້າ ອົງການ ຕິດຕາມ ສິດທິມະນຸດ Human Rights Watch ປະຈໍາພາກພື້ນ ເອເຊັຽ ໃນວັນທີ 6 ກຸມພາ 2014 ນີ້:

ທ່ານກ່າວວ່າ: ສະພາບສິດທິມະນຸດໃນລາວ ຮວມທັງເຣື່ອງ ການຫາຍສາບສູນ ຂອງ ທ່ານ ສົມບັດ ສົມພອນ ແມ່ນຊຸດໂຊມລົງ ຊຶ່ງຜູ້ ຄົນ ຢູ່ລາວ ທີ່ພວກທ່ານ ໄດ້ໂອ້ລົມນໍາ ນັ້ນ ຮູ້ສຶກ ຢ້ານກົວ ແລະ ຖືກຄຸກຄາມ. ພວກເຂົາເຈົ້າ ຮູ້ສຶກວ່າ ການ ຫາຍສາບສູນ ຂອງ ສະມາຊິກ ທີ່ມີຊື່ສຽງ ຂອງ ພາກ ປະຊາສັງຄົມ ນັ້ນ ໝາຍຄວາມວ່າ ຣັຖບານລາວ ສາມາດ ດໍາເນີນການ ຕ້ານ ແລະ ເອົາຕົວຜູ້ໃດ ໄປກໍໄດ້. ດັ່ງນັ້ນ ຈຶ່ງເຮັດໃຫ້ເກີດຄວາມຮູ້ສຶກ ຢ້ານກົວຫລາຍຂຶ້ນຕື່ມ ຢູ່ພາຍໃນລາວ. ກຸ່ມປະຊາສັງຄົມ ຂອງລາວ ເວົ້າວ່າ ເຂົາເຈົ້າ ບໍ່ສາມາດເວົ້າ ຕິຕຽນ ຣັຖບານໄດ້ ເພາະອາຈ ມີບັນຫາ ດັ່ງທີ່ ທ່ານສົມບັດ ສົມພອນ ໄດ້ປະເຊີນ.

ໃນຣາຍງານກ່ຽວກັບ ການປະຕິບັດ ສິດທິມະນຸດ ໃນປະເທດຕ່າງໆ ປະຈໍາປີ 2014 ທີ່ອອກເປັນທາງການ ໃນຊ່ວງ ເດືອນມົກກະຣາ ຜ່ານມາ ທາງ Human Rights Watch ບໍ່ໄດ້ຂຽນ ກ່ຽວກັບ ສປປລາວ ໂດຍຕຣົງ ເພາະທີ່ຜ່ານມາ ໄດ້ເວົ້າຢ່າງ ແຈ່ມແຈ້ງແລ້ວ. ແລະການຈໍາກັດ ສິດທິພົລເຮືອນ ແລະ ສິດທິ ທາງການເມືອງ ຢູ່ລາວ ໄດ້ທະວີຂຶ້ນ ແລະ ຈະມີ ຢູ່ຕໍ່ໄປ ແລະ ພວກທ່ານ ກໍບໍ່ເຫັນ ວີແວວ ຂອງ ຄວາມກ້າວໜ້າໃດໆ ຈາກທາງ ຣັຖບານລາວ ທີ່ວ່າພ້ອມ ທີ່ຈະປ່ຽນແປງ ແລະ ເລີ່ມນັບຖື ສິດທິ ຂອງ ພົລເມືອງລາວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ