ຄົນວຽດນາມເຂົ້າມາຄ້າຂາຍ ຢູ່ ຫົວພັນ

ໄມຊຸລີ
2019-02-11
ອີແມວລ໌
ຄໍາເຫັນ
Share
ພິມ
ແຂວງຫົວພັນ
ແຂວງຫົວພັນ
RFA

ປະຊາຊົນເມືອງຊຽງຄໍ້ ແຂວງຫົວພັນ ເວົ້າວ່າ, ຊາວວຽດນາມຂ້າມແດນເຂົ້າມາ ຂາຍເຄື່ອງຍ່ອຍ ແລະເຮັດທຸຣະກິຈຢູ່ລາວ ເປັນຈຳນວນ ຫຼວງຫຼາຍ, ເຄື່ອງຂອງທີ່ນໍາມາຂາຍ ກໍເປັນຂອງວຽດນາມ ທັງໝົດ, ບໍ່ມີສິນຄ້າຂອງລາວຈັກຢ່າງ, ຕາມຄໍາເວົ້າຂອງປະຊາຊົນ ບ້ານນາຂາມ ເມືອງຊຽງຄໍ້ ຕໍ່ວິທຍຸ ເອເຊັຍເສຣີ ໃນວັນທີ່ 8 ກຸມພາ ນີ້:

“ໂອ້ຍ! ວຽດນາມເຂົ້າມາເຮັດຕະຫຼາດແລ້ວ, ຕະຫຼາດຢູ່ບ້ານເຮົາມີແຕ່ຄົນວຽດນາມ, ສ່ວນຫຼາຍກໍ່ເຂົ້າມາຕົ້ງຮ້ານ, ມາຫຼາຍອີ່ຫຼີ ພັນຄົນພຸ້ນ, ວຽດກໍ່ມາທາງນີ້ ລາວເຮົາກໍ່ໄປເປັນລູກຈ້າງເຂົາ.”

ຊາວບ້ານຜູ້ນີ້ ກ່າວຕື່ມວ່າ, ດຽວນີ້ຫຼາຍບ້ານ ຮອດບໍ່ໄດ້ໃຊ້ເງິນກີບຊື້ເຄື່ອງໃຊ້ຂອງສອຍເລີຍ, ຍ້ອນຮ້ານຄ້າຕ່າງໆ ເປັນຮ້ານຂອງຄົນ ວຽດນາມ, ຈຳເປັນຕ້ອງໃຊ້ເງິນດົ້ງ ຂນາດເງິນຂາຍສາລີ, ນັກທຸຣະກິຈວຽດນາມ ຍັງຈ່າຍເປັນເງິນດົງແທນເງິນກີບ.

ເຈົ້າໜ້າທີ່ເມືອງຊຽງຄໍ້ ແຂວງຫົວພັນ ເວົ້າວ່າ, ຍ້ອນເມືອງຊຽງຄໍ້ ມີຊາຍແດນຕິດຈອດປະເທດວຽດນາມ, ເຮັດໃຫ້ຄົນວຽດ ຖືໂອກາດເຂົ້າ ມາຄ້າຂາຍຢູ່ລາວຫຼາຍຂຶ້ນ, ທາງການແຂວງ ຢາກສງວນ ອາຊີບໄວ້ໃຫ້ແກ່ຄົນລາວ, ດັ່ງທີ່ທ່ານກ່າວວ່າ:

“ທາງເມືອງເຮົາ ກະຢາກສົ່ງເສີມທຸຣະກິດລາວເຮົານີ້, ພາຍໃນເຮົານິ່, ຜ່ານມາກໍ່ມີແຕ່ທາງເພື່ອນບ້ານວຽດນາມ ເຮົານີ້, ຂອງເມືອງຊຽງຄໍ້າ ມັນກໍ່ຕິດກັບຊາຍແດນຫຼາຍ.”

ປະຊາຊົນບ້ານນາຂາມ ເວົ້າອີກວ່າ ຊາວບ້ານໃນເຂດບ້ານ ທີ່ຕິດກັບວຽດນາມ, ບໍ່ດີໃຈຍ້ອນຄົນວຽດນາມ ເຂົ້າມາຄ້າຂາຍໄດ້ຢ່າງເສຣີ, ບໍ່ມີການຫ້າມປາມ ແລະບໍ່ມີການກວດສອບເລີຍ, ດັ່ງນັ້ນ ຈຶ່ງຢາກໃຫ້ທາງການ ເປີດໂອກາດໃຫ້ຄົນລາວ ໃນຕ່າງເມືອງ, ຕ່າງແຂວງ ເຂົ້າມາຂາຍເຄື່ອງ ຢູ່ຕາມຊາຍແດນໄດ້ ເພື່ອທີ່ຊາວບ້ານຈະໄດ້ໃຊ້ເງິນກີບ ຊື້ເຄື່ອງຂອງ.

ຄໍາເຫັນ (1)
Share

(

ເລື້ອງຄົນຕ່າງດ້າວນີ້ເວົ້າແລ້ວກໍເວົ້າອີກ ແລະເວົ້າອີກກໍຄືເກົ່າເພາະລັດທະບານລາວຈະແກ້ໄຂບໍ່ໄດ້ເລີຍ ເພາະມັນແກ່ຍາວມາດົນນານແລ້ວ ເພີ່ນກໍເລີຍປ່ອຍໄປຕາມສະຕາກັມຂອງບ້ານເມືອງໄປເລີຍ ປະຈຸບັນນີ້ເຕັມໄປໝົດແລ້ວ ຖ້າປະເທດຊາດ ບໍ່ມີການປ່ຽນແປງການບໍລິຫານປະເທດຊາດໄໝ່ ກໍຈະແຮ່ງຮ້າຍແຮງຂື້ນໄປກ່າວນີ້ນໍ້ຈັ່ງໄດກໍລໍເບິ່ງໄປ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2019 12:25 PM

ເຕັມຫນ້າ