ລາວແລະຍີ່ປຸ່ນຈະຫາລືຄວາມ ໝັ້ນຄົງ

ອະວາຣີ
2014-04-24
Share
f-default ລາວແລະຍີ່ປຸ່ນຈະຫາລືຄວາມ ໝັ້ນຄົງ
RFA

 

ລາວແລະຍີ່ປຸ່ນ ຈະປະຊຸມ ຫາລື ກ່ຽວກັບ ຄວາມ ໝັ້ນຄົງ ຊຶ່ງ ເປັນ ການ ພົບກັນ ໃນ ເຣື້ອງນີ້ ເປັນຄັ້ງ ທຳອິດ. ທາງເວັບໄຊຕ໌ ຂ່າວ ເສຖກິດ ຂອງ ຍີ່ປຸ່ນ ຣາຍງານ ໃນວັນທີ 23 ເດືອນ ເມສາ ນີ້ວ່າ ເຈົ້າໜ້າທີ່ ຂັ້ນສູງ ຂອງລາວ ແລະ ຍີ່ປຸ່ນ ຈະປະຊຸມ ກັນກ່ຽວກັບ ຄວາມ ໝັ້ນຄົງ ໃນວັນ ພະຫັດ ວັນທີ່ 24 ເມສາ 2014 ນີ້ ທີ່ ນະຄອນ ຫລວງ ວຽງຈັນ.

ຜູ້ເຂົ້າຮ່ວມ ກອງປະຊຸມ ຝ່າຍລາວ ນຳໂດຍ ທ່ານ ໄມ ໄຊຍະວົງ ຫົວໜ້າກົມ ເອເຊັຍ-ປາຊີຟິກ ແລະ ອະຟຣິກກາ ກະຊວງ ການຕ່າງ ປະເທດ ລາວ; ສ່ວນຝ່າຍ ຍີ່ປຸ່ນ ນຳໂດຍ ທ່ານ Kazuhide Ishikawa ຫົວໜ້າກົມ ເອເຊັຍ ຕາວັນອອກ ສ່ຽງໃຕ້ ກະຊວງ ການ ຕ່າງ ປະເທດ ຍີ່ປຸ່ນ. ນອກຈາກ ນັ້ນ ຍັງມີ ເຈົ້າໜ້າທີ່ ຂັ້ນສູງ ຈາກ ກະຊວງ ປ້ອງກັນ ປະເທດ ຂອງ ທັງສອງ ປະເທດ ເຂົ້າຮ່ວມ ນຳ.

ເວັບໄຊຕ໌ ຂ່າວ ເສຖກິດ ຂອງ ຍີ່ປຸ່ນ ຣາຍງານ ອີກວ່າ ເມື່ອເດືອນ ທັນວາ 2013 ຢູ່ທີ່ ນະຄອນ ຫລວງ ໂຕກຽວ ເມືອງຫລວງ ຂອງ ຍີ່ປຸ່ນ ນາຍົກ ຣັຖມົນຕຣີ ທອງສິງ ທັມມະວົງ ແລະ ນາຍົກ ຣັຖມົນຕຣີ Shinzo Abe ຂອງ ຍີ່ປຸ່ນ ກໍໄດ້ ຕົກລົງກັນ ເຣື້ອງ ຈະມີການ ເຈຣະຈາ ບັນຫາ ຄວາມໝັ້ນຄົງ ໃນ ອະນາຄົດ.

ເວັບໄຊຕ໌ ເສຖກິດ ຍີ່ປຸ່ນ ບໍ່ໄດ້ແຈ້ງ ຣາຍຣະອຽດ ວ່າບັນຫາ ຄວາມ ໝັ້ນຄົງ ທີ່ລາວ ແລະ ຍີ່ປຸ່ນ ກຳລັງ ປຶກສາ ຫາລື ກັນຢູ່ນີ້ ແມ່ນ ບັນຫາ ຄວາມ ໝັ້ນຄົງ ແນວໃດ ແທ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ