ຍີ່ປຸ່ນໃຫ້ເງິນຊ່ອຍພັທນາ ໃນລາວ

ສິດນີ
2014-03-05
ອີແມວລ໌
ຄໍາເຫັນ
Share
ພິມ
 ຍີ່ປຸ່ນ ໃຫ້ເງິນຊ່ອຍພັທນາ ການສຶກສາ ໃນລາວ
ຍີ່ປຸ່ນ ໃຫ້ເງິນຊ່ອຍພັທນາ ການສຶກສາ ໃນລາວ
RFA

 

ຣັຖບານ ຍີ່ປຸ່ນ ໄດ້ ອະນຸມັດ ການ ຊ່ອຍເຫລືອ ແກ່ ສປປລາວ ໃນມູນຄ່າ 240 ຕື້ກີບ ຫລື ປະມານ 30 ລ້ານໂດລາ ສະຫະຣັດ ເພື່ອໃຊ້ ໃນການ ປັບປຸງ ການສຶກສາ ຂັ້ນມັທຍົມ, ການ ບໍຣິຫານ ຈັດການ ເຣື້ອງ ຂີ້ເຫຍື້ອ ແລະ ຍົກຣະດັບ ການ ພຍາກອນ ອາກາດ ຮ່ວມທັງ ການ ບໍຣິຫານ ຈັດການ ເຣື້ອງ ພັຍນໍ້າຖ້ວມ.

ພີທີລົງນາມ ໃນການ ໃຫ້ການ ຊ່ອຍເຫລືອ ໃນສາມ ໂຄງການ ດັ່ງກ່າວ ໄດ້ມີຂື້ນ ໃນ ມື້ວານນີ້ ທີ່ ກະຊວງ ຕ່າງປະເທດ ນະຄອນຫລວງ ວຽງຈັນ. ຜູ້ລົງນາມ ຝ່າຍລາວ ແມ່ນ ທ່ານ ທອງລຸນ ສີສຸລິດ ຣັຖມົນຕຣີ ຕ່າງ ປະເທດ ແລະ ຝ່າຍຍີ່ປຸ່ນ ແມ່ນ ທ່ານ ຮີໂຣ ຢູກິ ເອກອັຄຣາຊທູດ ຍີ່ປຸ່ນ ປະຈຳລາວ.

ໃນເງິນ ຈຳນວນ 10 ລ້ານໂດລາ ແມ່ນເພື່ອໃຊ້ ໃນການ ປັບປຸງ ການສືກສາ ຂັ້ນມັທຍົມ ທີ່ ແຂວງ ສາຣະວັນ ເຊກອງ ແລະ ອັດຕະປື ໃນແຜນການ ດັ່ງກ່າວ ໂຮງຮຽນ ມັທຍົມຕົ້ນ ຈຳນວນ 45 ແຫ່ງ ຈະຖືກ ປັບປຸງ ແລະ ຂຍາຍ, 235 ຫ້ອງ ຈະມີ ໂຕະຕັ່ງ ຫ້ອງສມຸດ ແລະ ຫ້ອງວິຈັຍ ແລະ ຈະສ້າງ ຫໍພັກ ນັກຮຽນ 3 ຫລັງ.

ເງິນ 13 ລ້ານໂດລາ ຈະໃຊ້ ໃນການ ປັບປຸງ ການ ບໍຣິຫານ ຈັດການ ຂີ້ເຫຍື້ອ ໃນເຂດ ຫົວເມືອງໃຫຍ່ໆ ດັ່ງ ນະຄອນຫລວງ ວຽງຈັນ ຫລວງພຣະບາງ ແລະ ໄຊຍະບູຣີ. ໃນນັ້ນ ຈະຊື້ຣົຖ ເກັບຂີ້ເຫຍື້ອ ບ່ອນຖີ້ມ ແລະ ຈູດ ຂີ້ເຫຍື້ອ ທີ່ ໄດ້ມາຕຖານ ແລະ ສະຖານີ ການ ບຳບັດ ຂີ້ເຫຍື້ອ ແລະ ເງິນສ່ວນ ທີ່ເຫລືອ 5 ລ້ານ 7 ແສນໂດລາ ຈະໃຊ້ ໃນການ ປັບປງຸ ການ ພຍາກອນ ອາກາດ ໃນລາວ.

ຄໍາເຫັນ (1)
Share

Sayaboli

ຈາກ LAOS

This money may not go to the projects i'm sure.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 05, 2014 04:02 PM

ເຕັມຫນ້າ