ນ.ຄໍາພຸດຕ້ອງຕິດຄຸກ 6 ເດືອນ ຂຶ້ນໄປ

ສິດນີ
2015-07-07
ອີແມວລ໌
ຄໍາເຫັນ
Share
ພິມ
 ນາງ ຄໍາພຸດ ຕ້ອງຕິດຄຸກ 6 ເດືອນ ຂຶ້ນໄປ
ນາງ ຄໍາພຸດ ຕ້ອງຕິດຄຸກ 6 ເດືອນ ຂຶ້ນໄປ
LPDR

ເຈົ້າຫນ້າທີ່ ສູນກາງ ພັກ ຜູ້ ບໍ່ປະສົງ ອອກຊື່ ແລະ ສຽງ ເວົ້າວ່າ, ນາງ ຄຳພຸດ ມີຕັນ ຊາວບ້ານ ນາບວມ ເມືອງພຽງ ແຂວງ ໄຊຍະບູຣີ ທີ່ ຖືກຈັບ ຍ້ອນ ຖ່າຍຮູບ ເຈົ້າຫນ້າທີ່ ຮັບສິນບົນ ແລ້ວ ສົ່ງໃຫ້ ຫມູ່ ເອົາໄປ ເຜີຍແພ່ ໃນ ເຄືອຂ່າຍ ອິນເຕີເນັດ ນັ້ນ, ມີ ຄວາມຜິດ ໃນ ຄະດີ ອາຍາ ຖືວ່າ ເປັນ ຄວາມຜິດ ໃສ່ຮ້າຍ ເຈົ້າຫນ້າທີ່, ອາດໄດ້ ຮັບ ໂທດ ຢ່າງນ້ອຍ 6 ເດືອນ ຫລື ຫລາຍ ກວ່ານັ້ນ, ຂຶ້ນຢູ່ກັບ ການ ພິຈາຣະນາ ຂອງ ສານ ແຂວງ ໄຊຍະບູຣີ ທີ່ ເວົ້າວ່າ:

ຜູ້ໃດ ໃສ່ຮ້າຍ ເຈົ້າຫນ້າທີ່ ເສກສັນ ປັ້ນແຕ່ງ ເຣື້ອງ ບໍ່ຈິງ ສູ່ສັງຄົມ, ຖືວ່າ ມີຄວາມຜິດ ຕໍ່ ກົດຫມາຍ ແມ່ນໂທດ ອາຍາ ທົ່ວໄປ ນີ້ແຫລະ. 1. ກະເຮັດ ການ ສຶກສາ ອົບຮົມ 2. ກະຕັດ ອິສຣະພາບ 6 ເດືອນ ບໍຫລື 1 ປີ 6 ເດືອນ ບໍ, ຕາມ ຜົລເສັຽຫາຍ ໜ້ອຍຫລາຍ ຫັ້ນແຫລ້ວ.

ທ່ານກ່າວ ຕື່ມວ່າ ສຳລັບ ກໍຣະນີ ອົງກອນ ສາກົນ ຫລາຍ ອົງກອນ ໄດ້ ກົດດັນ ໃຫ້ ທາງການ ລາວ ປ່ອຍຕົວ ນາງ ນັ້ນ, ຕົນຍັງ ບໍ່ ຂໍອອກ ຄວາມເຫັນ ໃດໆ ເພາະ ຕ້ອງເບິ່ງ ເນື້ອຫາ ຖ້ອຍຄຳ ຖແລງ ຂອງ ອົງກອນ ສາກົນ ຢ່າງ ຣະອຽດ ກ່ອນ, ຊຶ່ງ ການ ປ່ອຍຕົວ ນາງຄຳພຸດ ຫລື ໃຫ້ ຖືກຄຸກ ນັ້ນ, ຂຶ້ນກັບ ການຕັດສີນ ຂອງ ສານ.

ທ່ານວ່າ ການເອົາ ຮູບພາບ ຫລື ເຜີຍແພ່ ຂໍ້ມູນ ເຈົ້າຫນ້າທີ່ ແບບ ບໍ່ຖືກຕ້ອງ ລົງໃນ ສື່ສັງຄົມ ອອນລາຍ ນັ້ນ ເປັນ ຄວາມຜິດ ນຶ່ງ ທີ່ ຣະບຸໄວ້ ໃນ ກົດໝາຍ ລາວ. ດັ່ງນັ້ນ ຈຶ່ງຢາກ ເຕືອນ ປະຊາຊົນ ທົ່ວໄປ ໃຫ້ ຣະມັດ ຣະວັງ ກ່ຽວກັບ ເຣື້ອງນີ້ ທີ່ຈະຕົກ ເປັນເຫຍື່ອ ຂອງ ກຸ່ມຄົນ ທີ່ ຢາກສ້າງ ຄວາມ ແຕກແຍກ ໃນ ສັງຄົມ.

ປັດຈຸບັນ ນາງ ຄຳພຸດ ມີຕັນ ຍັງຖືກ ຂັງ ຢູ່ ແຂວງ ໄຊຍະບູຣີ, ຍັງ ບໍ່ຮູ້ວ່າ ນາງ ຖືກນຳ ຂຶ້ນສານ ແລ້ວ ຫລືບໍ່, ແລະ ເຣື້ອງ ຂອງນາງ ກໍຄ່ອຍ ຈາງລົງ ບໍ່ມີ ຜູ້ໃດ ກ້າ ເວົ້າ ເຖິງ ນາງ ຫລາຍ ປານໃດ.

ຄໍາເຫັນ (3)
Share

ລູກ​ຊາວ​ນາ

ຈາກ ແພງ

ການ​ໃຫ້​ເງິນ ​ຕຳຫຼວດ ​ເປັນ​ເລື່ອງ ​ທຳ​ມະ​ດາ, ມັນ​ເປັນ​ກັນ​ດີ ​ທີ່​ຕຳຫຼວດ ​ມີ​ນະ​ໂຍ​ບາຍ ​ເສຍ​ເງິນ ​ເລັກໆ​ນ້ອຍໆ ​ກໍ​ປ່ອຍ​ເຮົາ​ໄປ. ຂ້າ​ພະ​ເຈົ້າ​ ເຄີຍ​ຂັບ​ລົດ​ໃຫ່​ຍ, ລົດ​ຈັກ ບໍ່​ມີ​ເອ​ກະ​ສານ ຫຼື ເອ​ກະ​ສານ​ ໝົດ​ອາ​ຍຸ, ບໍ່​ໃສ່​ໝວກ ​ກັນ​ກະ​ທົບ ຫຼື ອື່ນໆ. ແຕ່ ຖ້າ​ປະ​ຕິ​ບັດ ​ຕາມ​ກົດ​ ແມ່ນ​ຈະ​ຖືກ​ປັບໃໝ່ ​ຫຼາຍ ສະ​ນັ້ນ​ບາງ​ຄັ້ງ ​ກໍເສຍ​ເງິນ ​ເລັກ​ນ້ອຍ ໃຫ້​ເຈົ້າ​ໜ້າ​ທີ່ ຂໍ ນະ​ໂຍ​ບາຍ ພິ​ເສດ, ນາງ​ອາດ​ຈະ​ຄິດບໍ່​ເຖິງ ​ຜົນ​ເສຍ​ ຖ້າ​ເຈົ້າ​ໜ້າທີ່​ ເຮັດ​ຕາມ​ກົດ​ໝາຍ ຕໍ່​ພີ​ອ້າຍ​ຂອງ​ນາງ ອາດ​ຈະ​ຖືກ​ປັບ​ໃໝ່ ຫຼາຍກວ່ານັ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 20, 2015 04:35 PM

ບໍ່ຍຸຕິທໍາ

ຈາກ ເມືອງຂີ້ຕົວະ

ຕາມທີ່ເຄີຍເຫັນ ມາແລ້ວ ເຮົາຄິດວ່ານາງ ບໍ່ໄດ້ໃສ່ຮ້າຍປ້າຍສີ ແຕ່ນາງເອົາຄວາມຈິງ ມາເຜີຍແຜ່. ຖ້ານາງເວົ້າ ອອກມາຈາກ ໂດຍບໍ່ມີຫຼັກຖານ ນັ້ນໝາຍຄວາມວ່າ ນາງໃສ່ຮ້າຍປ້າຍສີ ແທ້. ພວກທ່ານ ລົງຄິດເບິ່ງ ແມ່ນໃຜ ເປັນຜູ້ໃສ່ຮ້າຍປ້າຍສີ ດຽນນ່າ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 09, 2015 10:55 AM

(

ເລື່ງຈິງຫລືບໍ່ຈິງ ຄວນຈະຍົກເອົາໄ ປຂຶ້ນສານ ແຕ່ຕ້ອງ ປ່ອຍຕົວນາງກ່ອນ ເພື່ອ ດຳເນີນຄະດີ ໃຫ້ຢ່າງເປັນທຳ. ອັນນີ້ແລ້ວ ມາໃຊ້ອຳນາດ ເຖື່ອນ ລົງໂທດນາງ ແບບຢາກໃຫ້ ເປັນຕົວຢ່າງ ນາບຂູ່ປິດປາກ ປະຊາຊົນ ໃຫ້ສະທ້ານຢ້ານກົວ ໃນການ ປະຈາກ ຄວາມຂີ້ດຽດ ຂອງເຈົ້າຫນ້າທີ່ ທີ່ກະທຳຜິດຕໍ່ຊາດ. ເອົາອຳນາດມາ ປົກປິດ ຄວາມບໍ່ດີຂອງຄົນ ທຳລາຍຊາດ ເປັນການທໍລະຍົດ ຕໍ່ຊາດ. ພວກນີ້ຕ້ອງ ເອົາມາລົງໂທດ ຕໍ່ຫນ້າສານ ປະຊາຊົນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 09, 2015 10:53 AM

ເຕັມຫນ້າ