ສິດທິ ຂອງລາວຄຣິສຕຽນ ຢູ່ລາວ

ມະນີຈັນ
2017-12-19
ອີແມວລ໌
ຄໍາເຫັນ
Share
ພິມ
ຄຸນພໍ່ ຄຣິສຕຽນ "ມາກ" ນາມສົມມຸດ ຖືກເຈົ້າໜ້າທີ່ລາວ ໃນທ້ອງຖິ່ນນາບຂູ່ ວ່າ: 1-ໃຫ້ເຊົາເຊື່ອຖືສາສນາຄຣິສ 2-ຫຼືວ່າຢາກເຂົ້າຄຸກ 3-ຫຼືວ່າຢາກຕາຍ
ຄຸນພໍ່ ຄຣິສຕຽນ "ມາກ" ນາມສົມມຸດ ຖືກເຈົ້າໜ້າທີ່ລາວ ໃນທ້ອງຖິ່ນນາບຂູ່ ວ່າ: 1-ໃຫ້ເຊົາເຊື່ອຖືສາສນາຄຣິສ 2-ຫຼືວ່າຢາກເຂົ້າຄຸກ 3-ຫຼືວ່າຢາກຕາຍ
Screen captured Laos-Pastors under pressure/ release International video

ມາຮອດປັດຈຸບັນ ຊາວລາວຜູ້ນັບຖືສາສນາຄຣິສ ຍັງຖືກຈໍາກັດສິດຫລາຍຢ່າງ ເປັນຕົ້ນຖືກຫ້າມ ບໍ່ໃຫ້ເຜີຍແຜ່ ສາສນາ ຫລື ຊັກຊວນໃຫ້ ປະຊາຊົນ ທົ່ວໄປມານັບຖື ສາສນາຄຣິສ ບໍ່ຄືກັນກັບສາສນາພຸທ, ຕາມຄໍາເວົ້າ ຂອງເຈົ້າໜ້າທີ່ ທ້ອງຖິ່ນ ທີ່ບໍ່ຂໍເປີດເຜີຍ ຊື່ແລະຕໍາແໜ່ງ ໃນມື້ວັນທີ 19 ທັນວາ 2017 ນີ້:

"ຈໍາກັດໂອ໊ ຍັງບໍ່ທັນກວ້າງ ເພິ່ນຈໍາກັດຢູ່ ບໍ່ໃຫ້ຂຍາຍ ບໍ່ໃຫ້ໂຄສະນາເກີນເຫດ ສາສນາໂຕນີ້ ມັນເປັນສາສນາ ຂອງຝ່າຍທາງອະເມຣິກາ ແນ່ຢູ່ປະເທດຝຣັ່ງບໍ່ ທາງຢູໂຣບນະເວົ້າແທ້ນະ."

ທ່ານເວົ້າວ່າ ຜ່ານມາ ຊາວລາວຜູ້ນັບຖືສາສນາຄຣິສ ບາງທ້ອງຖິ່ນ ທີ່ພຍາຍາມເຜີຍແຜ່ຄໍາສອນ ຂອງພຣະເຍຊູ ແລະ ຊັກຊວນຜູ້ອື່ນເຂົ້າ ສາສນາຄຣິສນັ້ນ ຖືກເຈົ້າໜ້າທີ່ຈັບກຸມ ເພາະຖືວ່າ ເຮັດຜິດກົດໝາຍ ຜິດຣັຖທັມນູນ ແຕ່ກໍບໍ່ໄດ້ຖືກລົງໂທດໜັກ ມີແຕ່ສຶກສາອົບຮົມແລ້ວ ປ່ອຍກັບບ້ານ. ສ່ວນປະຊາຊົນຄົນໃດ ຢາກນັບຖື ສາສນາຄຣິສ ກໍມີສິດນັບຖືໄດ້ ຕາມຄວາມເຊື່ອ ຂອງຕົນ ບໍ່ແມ່ນຖືກຄົນອື່ນຊັກຈູງໃຫ້ ນັບຖື.

ທ່ານກ່າວຕື່ມອີກວ່າ ສໍາລັບ ວັນຄຣິສມາສ ທີ່ຈະມາເຖິງນີ້ ທາງການ ແຕ່ລະທ້ອງຖິ່ນ ອະນຸຍາດໃຫ້ ຊາວຄຣິສຕຽນ ຈັດງານສລອງໄດ້ຕາມ ປົກກະຕິ ແຕ່ຕ້ອງເຮັດໄປຕາມກົດຣະບຽບ ທີ່ທາງການກໍານົດໄວ້ ຄືຫ້າມເຜີຍແຜ່ ສາສນາ ຊຶ່ງຈະມີ ເຈົ້າໜ້າທີ່ ທ້ອງຖິ່ນເບິ່ງແຍງ ຄວາມເປັນ ຣະບຽບ ຮຽບຮ້ອຍ ພາຍໃນງານນັ້ນໃຫ້.

ເຖິງຢ່າງໃດກໍຕາມ, ມີຣາຍງານວ່າ ເມື່ອວັນທີ 15 ທັນວາ ນີ້ຊາວຄຣິສ 4 ຄົນ ຢູ່ບ້ານໂນນສູງ ແລະ ອີກຄົນນຶ່ງ ເປັນ ອາຈານ ຢູ່ບ້ານເລົ່າໃໝ່ ເມືອງພີນ ແຂວງສວັນນະເຂດ ຖືກເຈົ້າໜ້າທີ່ ຄວບຄຸມຕົວ ຍ້ອນກຽມສລອງບຸນຄຣິສມາສ ໃນວັນທີ 25 ທັນວາ 2017. ກ່ຽວກັບຂ່າວ ທີ່ວ່ານີ້ ທາງ RFA ກໍໄດ້ພຍາຍາມ ຖາມໄປຍັງເຈົ້າໜ້າທີ່ ຫ້ອງການປົກຄອງ ເມືອງພີນ ແຕ່ເຈົ້າໜ້າທີ່ກ່ຽວຂ້ອງ ບໍ່ໃຫ້ສັມພາດ.

ເມື່ອປີ 2016 ຊາວລາວຄຣິສຕຽນ ຫລາຍຄົນ ຕົກເປັນເປົ້າໝາຍ, ເປັນຕົ້ນ ອາຈານຄຣິສຕຽນຄົນນຶ່ງ ຢູ່ແຂວງຫລວງພຣະບາງ ຖືກເຈົ້າໜ້າທີ່ ຈັບ ຍ້ອນຊັກຊວນ ໃຫ້ຊາວບ້ານຄົນອື່ນ ມານັບຖືສາສນາຄຣິສຕຽນ ເພາະເຊື່ອວ່າ ຈະຊ່ອຍໃຫ້ເຊົາ ເຈັບເປັນ. ແລະເມື່ອ ເດືອນກັນຍາ ປີກາຍນີ້ ຊາວຄຣິສຕຽນ ປະມານ 50 ຄົນ ຢູ່ແຂວງບໍຣິຄໍາໄຊ ກໍຖືກພີ່ນ້ອງ ຮຽກຮ້ອງໃຫ້ເຊົານັບຖື ສາສນາຄຣິສຕຽນ. ຫລັງຈາກນັ້ນພຽງ 2 ມື້ ກໍມີນຶ່ງໃນຈໍານວນຊາວຄຣິສຕຽນ ທີ່ວ່ານັ້ນ ຖືກຍິງເຖິງແກ່ຊີວິດ. ສ່ວນທີ່ເຫລືອກໍພາກັນ ຍ້າຍໜີອອກຈາກບ້ານ ນັ້ນໄປ.

ຄໍາເຫັນ (3)
Share

Atheist

I don't believe in religious right, religions are a lie. There is no F god since no body sees it. Tell your fictive god to see me. I volunteer to go to hell if really god does exist.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2017 11:37 AM

(

If you believe in Marxism-Leninism would you see something occuring in front of you like magic? Believing is in yourself and as long as it's not harmful people must have the right of practicing their religion. I'm not trying to convert you but please let other people who might not have the same ideas as you live their ideal. If not we are heading for dictatorship. Thank you.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 26, 2017 09:48 AM

(

Dear Sir, if you volunteer to live in hell just go live in Laos. It can get you closer to what you want.Regards


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2017 05:21 AM

(

These Christians have the right to practice their religion and it's no danger to the Lao regime. They only chose to believe in something else rather than Marxism-Leninism. Even after Marxism-Leninism is gone christian religion will always be here.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 20, 2017 04:09 AM

ຊາວພຸດ

ຈາກ ທົ່ວໂລກ

ພະພຸທເຈົ້າ ແລະ ເຢຊຸ ແມ່ນພະເຈົ້າອົງດຽວ ສົ່ງມາເກີດ, ພະພຸທເຈົ້າເປັນຜຸ້ມີປະສິດທິພາບ ເໜືອມະນຸດທັງປວງ ທ່ານສາມາດຕັດສະຣຸ້ອານາຄົດ ຂອງໂລກຂ້າງໜ້າໄດ້ຢ່າງແມ້ນຢຳ. ໃນສະໄໝນັ້ນທ່ານໄດ້ຕັດສະຣຸ້ໄວ້ ຫຼາຍປະການ (ຕົວຢ່າງສັ້ນໆ) "ມະນຸດໃນໂລກນີ້ ຈະສາມາດໂຫຍບີນໄດ້ ຈະມີຫູທິບ ຕາທິບ" ແລະມັນກໍ່ໄດ້ເປັນໄປຕາມຄວາມທີ່ຕັດສະຣຸ້ໄວ້, ແຕ່ສີ່ງສຳຄັນທີ່ສຸດ ພະອົງຊົງບອກໄວ້ວ່າ "ອານາຄົດພາຍໜ້າ ຈະມີຄົນບຸນມາເກີດ ແລະຈະມາຊ່ອຍໃຫ້ມະນຸດຊາດທັງປວງພົ້ນບາບໄດ້ " ແລະປະມານ 500 ປີຕໍ່ມາ ຜຸ້ທີ່ພະອົງໄດ້ບົ່ງບອກໄວ້ນັ້ນກໍ່ມາເກີດ. (ຜຸ້ນັ້ນແມ່ນ ເຢຊຸ) ສາທຸ... Amen


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 20, 2017 04:08 AM

ເຕັມຫນ້າ