NGO ໃນລາວ ຢູ່ຢ່າງຣະແວງ


2013-03-05
Share

ອົງການ NGO ໃນລາວ ຍັງມີຄວາມ ຢ້ານກົວ ຫລັງຈາກ ການຫາຍສາບສູນ ຂອງ ທ່ານ ສົມບັດ ສົມພອນ.

ເຈົ້າຫນ້າທີ່ ອົງການ ພັທນາ ຊຸມຊົນ ໃນລາວ ທ່ານນຶ່ງ ເວົ້າວ່າ ໃນປັດຈຸບັນ ຜູ້ທີ່ເຮັດວຽກ ດ້ານການ ພັທນາ ຊຸມຊົນ ໃນລາວ ຫລື ອົງການ NGO ຕ່າງໆຍັງມີ ຄວາມຢ້ານກົວ ໃນການ ປະຕິບັດ ວຽກງານ ແລະ ການອອກ ຄວາມຄິດ ຄວາມ ເຫັນ ຂອງຕົນ, ຫລັງຈາກ ການຫາຍສາບສູນ ຂອງ ທ່ານ ສົມບົດ ສົມພອນ ແລະ ການເນຣະເທດ ຍານາງ Anne-Sophie Gindroz ວ່າງເດືອນ ທັນວ່າ ຜ່ານມາ. ດັ່ງທ່ານກ່າວ ໃນຕອນນຶ່ງວ່າ:

"ຣັຖບານ ກໍວ່າບໍ່ມີ ຂໍ້ມູນ ທາງຕຳຣວດ ກໍວ່າບໍ່ມີ ຂໍ້ມູນ ຣັຖບານ ສລູບໄປ ແລ້ວວ່າ ການຫາຍໂຕ ຂອງ ທ່ານສົມບັດ ສົມພອນ ຍ້ອນບັນຫາ ເຣື້ອງສ່ວນຕົວ ເນາະ ທາງພາກ ປະຊາສັງຄົມ ເຮົາບໍ່ຮູ້ ຊີ່ວ່າແນວໃດ ເນາະ".

ເຈົ້າຫນ້າທີ່ ຈາກອົງການ ສາກົນ ອີກທ່ານນຶ່ງ ກໍຖແລງວ່າ ໃນປັດຈຸບັນ ອົງການ NGO ໃນລາວ ຫລາຍອົງການ ກໍຣະມັດ ຣະວັງ ເພີ້ມຂຶ້ນ ໃນການອອກ ຄຳຄິດ ຄວາມເຫັນ ທ່ານວ່າ ຫມູ່ພວກຂອງທ່ານ ຫລາຍຄົນ ເວົ້າວ່າ ຂະເຈົ້າ ຖືກກວດ ໂທລະສັບ ແລະ EMAIL ເຮັດໃຫ້ ພວກຂະເຈົ້າ ຢ້ານກົວ ໃນການຕິດຕໍ່ ແລກປ່ຽນ ຂໍ້ມູນກັນ ທາງໂທລະສັບ ຫລື EMAIL ໃນການເຮັດ ວຽກການ ພັທນາ ຂອງພວກ ຂະເຈົ້າ ແລະ ອົງການ NGO ບາງອົງການ ກໍສລໍວຽກງານ ເພຶ່ອຄວາມ ປອດພັຍ.

ທ່ານກ່າວ ຕຶ່ມວ່າ ອົງການ NGO ໃນລາວ ໃນປັດຈຸບັນ ຕ້ອງໄດ້ ເພີ່ງພາ ອົງການ ຈາກພາຍນອກ ໃນການຊອກຫາ ຄວາມຈິງ ກ່ຽວກັບ ການຫາຍໄປ ຂອງທ່ານ ສົມບັດ ແຕ່ເທົ່າເຖິງ ປັດຈຸບັນ ຍັງບໍ່ມີ ຮ່ອງຮ່ອຍ ຂອງທ່ານ ແຕ່ຢ່າງໃດ. ຫລັງຈາກ ທີ່ ເຈົ້າຫນ້າທີ່ ລາວ ໄດ້ອອກລາຍງານ ກ່ຽວກັບ ການສືບສວນ ຄັ້ງຫລ້າສຸດ ໃນອາທິດນີ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ