ທາງການລາວບໍ່ຢາກໄດ້ຍິນຊື່ ທ.ສົມບັດ

ອຸ່ນແກ້ວ ສຸກສະຫວັນ
2015-03-18
ອີແມວລ໌
ຄໍາເຫັນ
Share
ພິມ
ທ່ານ ສົມບັດ ສົມພອນ ນັກພັທນາ ຊຸມຊົນ ໃນ ສປປລາວ ທີ່ ຫາຍສາບສູນ
ທ່ານ ສົມບັດ ສົມພອນ ນັກພັທນາ ຊຸມຊົນ ໃນ ສປປລາວ ທີ່ ຫາຍສາບສູນ
Photo credit:Sombat.org

ທາງການ ລາວ ບໍ່ຢາກໃຫ້ ຄນະ ກັມມະການ ຮັບ ຜິດຊອບ ຈັດ ກອງ ປະຊຸມ ພາກ ປະຊາຊົນ ເອົາ ຊື່ ຂອງ ທ່ານ ສົມບັດ ສົມພອນ ເຂົ້າໃນ ຖແລງການ ຂອງ ກອງ ປະຊຸມ ພາກ ປະຊາຊົນ ອາຊຽນ ຫລື APF ທີ່ ຈະ ຈັດຂຶ້ນ ຢູ່ ປະເທດ ມະເລເຊັຽ ແຕ່ ວັນທີ 21 ຫາ 24 ເມສາ 2015.

ທ່ານ ໄມດົມ ຈັນທະນາສິນ ຊຶ່ງ ເປັນນຶ່ງ ໃນ ຄນະ ກັມມະການ ຈັດ ກອງ ປະຊຸມ ພາກ ປະຊາຊົນ ອາຊຽນ ຝ່າຍ ລາວ ໄດ້ ສເນີ ຕໍ່ ສະມາຊິກ ຄນະ ກໍາມະການ ວ່າ ໃຫ້ເອົາ ຊື່ ທ່ານ ສົມບັດ ອອກຈາກ ຖແລງການ ໂດຍ ສະເພາະ ຈຸດທີ່ ເວົ້າເຖິງ ເຣື້ອງ ການ ບັງຄັບ ບຸກຄົນ ໃຫ້ ຫາຍສາບສູນ ແລະ ການ ຣະເມີດ ສິດທິ ມະນຸດ. ອີງຕາມ ການ ບອກເລົ່າ ຂອງ ເຈົ້າໜ້າທີ່ ອົງການ ຈັດຕັ້ງ ທາງ ສັງຄົມ ທ່ານນຶ່ງ.

ການສເນີ ໃຫ້ເອົາ ຊື່ ຂອງ ທ່ານ ສົມບັດ ອອກຈາກ ຖແລງການ ມີຂຶ້ນ ໃນ ກອງປະຊຸມ ວັນທີ 10-11 ມິນາ 2015 ຢູ່ ນະຄອນ ຫລວງ ວຽງຈັນ ທີ່ ມີຜູ້ ເຂົ້າຮ່ວມ ຕາງໜ້າ ອົງການ ຈັດຕັ້ງ ທາງ ສັງຄົມ ໂດຍການ ເປັນ ປະທານ ຂອງ ທ່ານ ໄຊສີ ສັນຕິວົງ ຣັຖມົນຕຣີ ກະຊວງ ພາຍໃນ ຫົວຂໍ້ ຊື່ວ່າ ເພື່ອ ແລກປ່ຽນ ຄວາມຮູ້ ຊຶ່ງກັນ ແລະກັນ ຣະຫວ່າງ ພາກຣັຖ ແລະ ອົງການ ຈັດຕັ້ງ ທາງ ສັງຄົມ.

ເຈົ້າໜ້າທີ່ ທ່ານ ນັ້ນ ຍັງ ກ່າວວ່າ, ໃນ ຕອນທ້າຍ ຂອງ ກອງ ປະຊຸມ ນັ້ນ ຄນະ ປະທານ ຈັດ ກອງ ປະຊຸມ ກໍໄດ້ ສເນີ ຂໍມະຕິ ວ່າຈະ ເຫັນດີ ສເນີ ໃຫ້ ເອົາຊື່ ທ່ານ ສົມບັດ ອອກຈາກ ຖແລງການ ພາກ ປະຊາຊົນ ອາຊຽນ ຫລືບໍ່. ຜົນ ປະກົດ ວ່າ ມີຜູ້ຍົກມື ເຫັນດີ ໃຫ້ ສເນີ ເອົາ ຊື່ ທ່ານ ສົມບັດ ອອກຈາກ ຖແລງການ ປະມານ 20 ຄົນ ໃນ ຈໍານວນ ຜູ້ ເຂົ້າຮ່ວມ ທັງໝົດ 100 ຄົນ, ແຕ່ ຄນະ ປະທານ ຈັດ ກອງປະຊຸມ ສລຸບວ່າ ເປັນ ມະຕິ ຂອງ ກອງ ປະຊຸມ ວ່າເຫັນດີ.

ຄໍາເຫັນ (9)
Share

(

ຈຸມະລີ ສັ່່ງຂ້າ ສນັ້ນ ຈຸມະລີ ຢ້ານ ຄວາມຈິງ ຮົ່ວອອກມາ ເລີຍສັ່ງໄມ່ດົມ ໃຫ້ລຶບຊື່ ສົມບັດ ອອກຈາກ ຖແລງການ. ແຕ່ມັນ ເປັນໄປບໍ່ໄດ້ ເພາະວ່ານ້ອຍຄົນ ພ້ອມຄົນຊົ່ວ ແບບ ຈຸມະລີ. ບໍ່ດົນ ຈຸມະລີ ເອງ ກໍຈະຖຶກສັ່ງ ເກັບ ເພື່ອ ໃຫ້ເລື່ອງນີ້ ງຽບໄປ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 24, 2015 06:35 PM

LAONOR

LAODENG SCARE THE NAME SOMBATH BC VIN NYANE SOMBATH CAME BACK CLOSE TO FACE LAODENG


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 24, 2015 02:46 PM

ເທບພະບຸດ

ຈາກ ເມືອງແຖນ

ມີຄົນ 100 ຄົນ, 20 ຄົນ ເຫັນດີ ເປັນອັນວ່າ ສຽງ 20 ຄົນນີ້ ເປັນຜູ້ຊະນະ ... .ມັນອ່ານເລກ ຍັງບໍ່ອອກ ຮູ້ຮອດໃສອາຍ ຮອດຫັ້ນ ... ໂຄດຊົ່ວກວ່ານີ້ ຫາບໍ່ມີ ອີກແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:20 PM

khon thaket

ຈາກ khammouang

shame on you , and you!!!! your guys are coward .


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:19 PM

Lao_der

ຈາກ Laoland

ຊື້່ ຂອງທ່ານ ສົມບັດ ສົມພອນ ໄດ້ກາຍມາເປັນ ສັນຍາລັກ ຂອງຄວາມດີ ແລະ ໄດ້ຖືກສັກສະຍັນໂຕ ໄປແລ້ວ. ສະນັ້ນ ພວກຜີປອບຢູ່ ສປປລ ທັງຫຼາຍ ຍ່ອມບໍ່ຢາກ ຈະໄດ້ຍິນຊື່ນີ້. ສົມຄວນດຶງເອົາ ຜີພວກນີ້ ຂື້ນ ສານໂລກ ຊຶ່ງພັລະຍາ ຂອງ ທ່ານ ສົມບັດ ກຳລັງດຳເນີນການ ຢູ່ໃນ ຂະນະນີ້.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:15 PM

ເບິ່ງຄວາມເຫັນທັງໝົດ.

ເຕັມຫນ້າ