ຜູ້ອາວຸໂສຂໍໃຫ້ປາບການ ສໍ້ຣາສ

ສິດນີ
2015-11-30
ອີແມວລ໌
ຄໍາເຫັນ
Share
ພິມ
ທາງໄປຫ້ອງການໂຍທາ ນະຄອນຫລວງວຽງຈັນ
ທາງໄປຫ້ອງການໂຍທາ ນະຄອນຫລວງວຽງຈັນ
Citizen Journalist

ອະດີດ ພະນັກງານ ຣັຖກອນ ອາວຸໂສ ໃນ ລາວ ຢາກໃຫ້ ທາງການ ປາບປາມ ການສໍ້ຣາສ ບັງຫລວງ ໃນທຸກ ກະຊວງ ຢ່າງ ຈິງຈັງ ເດັດຂາດ, ດັ່ງ ທ່ານກ່າວ ໃນຕອນນຶ່ງ ວ່າ:

"ພວກເຮົາ ທີ່ເປັນ ພະນັງການ ອາວຸໂສ ນີ້ ເປັນຫ່ວງ ວ່າ ປະເທດເຮົາ ມັນ ຄໍຣັບຊັ້ນ ຜູ້ທີ່ ກວດກາ ກັບຜູ້ ປະຕິບັດ ງານ ມັນກໍ ຄົນດຽວກັນ ເປັນຫ່ວງ ທີ່ສຸດ ກໍຄື ບໍ່ຢາກໃຫ້ ຣັຖກອນ ໄປຍັກຍອກ ຫລື ສໍ້ຣາສ ບັງຫລວງ".

ສປປລາວ ເປັນນຶ່ງ ໃນບັນດາ ປະເທດ ທີ່ມີການ ສໍ້ຣາສ ບັງຫລວງ ຫຼາຍທີ່ສຸດ ໃນໂລກ, ໃນປີ ທີ່ ຜ່ານມາ ສປປລາວ ຖືກຕົກຈາກ ອັນດັບ 140 ມາເປັນ 145 ຈາກ ການສຳຣວດ ໃນ ຈຳນວນ 175 ປະເທດ ໃນໂລກ.

ອະດີດ ເຈົ້າຫນ້າທີ່ ຣັດ ທ່ານນີ້ ກ່າວ ກ່ຽວກັບ ເຣື້ອງນີ້ ກ່ອນຈະມີ ກອງປະຊຸມ ຜູ້ຊົງ ຄຸນນະວຸດທິ ທົ່ວ ປະເທດ ໃນວັນທີ 28-30 ພຶສຈິກາ ຢູ່ ນະຄອນຫຼວງ ວຽງຈັນ. ທ່ານວ່າ ເຖິງແມ່ນວ່າ ຕົນບໍ່ເຄີຍ ຖືກເຊີນ ເຂົ້າຮ່ວມ ປະຊຸມ ໃນອະດີດ ຍ້ອນບໍ່ແມ່ນ ຄົນ ຂອງ ພັກຣັດ ກໍຕາມ ແຕ່ ໃນຖານະ ເປັນ ພະນັກງານ ຣັດ ອາວຸໂສ ທີ່ ໄດ້ພົບເຫັນ ບັນຫາ ບ້ານເມືອງ ມາຫຼາຍ ກໍຢາກ ໃຫ້ ຣັຖບານ ດູແລ ເບິ່ງແຍງ ການເປັນຢູ່ ຂອງ ປະຊາຊົນ ໃຫ້ດີ ກວ່ານີ້. ທ່ານກ່າວ ເພີ້ມວ່າ:

"ກໍຫ່ວງ ປະຊາຊົນ ເພາະວ່າ ໄຟຟ້າ ນ້ຳປະປາ ເພິ່ນໃຊ້ ພາກຣັດ ບັງຄັບ ຄື 30 ວັນ ຈະຕ້ອງ ໄດ້ຈ່າຍ ຖ້າບໍ່ຈ່າຍ ເດືອນ ທີສອງ ກໍຖືກງົດ ອັນນີ້ ກໍອັນນຶ່ງ ທີ່ເປັນຫ່ວງ ເພາະວ່າ ປະຊາຊົນ ຍາງຄົນ ຣາຍໄດ້ ຕ່ຳ".

ທາງການລາວ ໄດ້ຈັດ ກອງປະຊຸມ ຜູ້ຊົງ ຄຸນນະວຸດທິ ຣະຫວ່າງ ວັນທີ 28-30 ພືສຈິກາ ນີ້ ຈະມີ ຜູ້ແທນ ຈາກ ທົ່ວປະເທດ ແລະ ຕົວແທນ ຊົນເຜົ່າ 49 ຊົນເຜົ່າ ເຂົ້າຮ່ວມ ກວ່າ ພັນຄົນ. ສູນກາງ ແນວລາວ ສ້າງຊາດ ໃຊ້ ໂອກາດນີ້ ເນັ້ນ ຄວາມ ສາມັກຄີ ປອງດອງ ແລະ ຖືວ່າ ກອງປະຊຸມ ດັ່ງກ່າວ ເປັນນຶ່ງ ໃນການ ສເລີມສລອງ ການສ້າງຕັ້ງ ສປປລາວ ຄອບຮອບ 40 ປີ ນຳດ້ວຍ.

ຄໍາເຫັນ (6)
Share

hards

ຈາກ skth

ມັນເປັນຍ້ອນກັມຍ້ອນເວນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 14, 2016 02:42 PM

(

ເຖິງຈະປະຊຸມ ຈະຈົ່ມ ຈະວ່າ ມັນກໍຄືເກົ່າ ເພະາລະບົບການປົກຄອງ ແມ່ນອີງໃສ່ອຳນາດ ຂອງບຸກຄົນສ່ວນນ້ອຍ ທີ່ສະແວງຫາແຕ່ ຜົນປະໂຍດສ່ວນຕົວ ໂດຍເອົາຄວາມລຳບາກ ຂອງສ່ວນລວມ ມາອ້າງ. ສນັ້ນແລ້ວ ມັນຕ້ອງມີການປ່ຽນ ຫມົດລະບອບການປົກຄອງ ຈາກອຳນາດຜເດັດການ ຂອງພັກແລະລັດ ທີຜູກຂາດຜູ່ດຽວ ໃຫ້ກັບມາຄືນມື ປະຊາຊົນ ມັນຈຶ່ງຈະເດີນໄດ້. ຖ້າບໍ່ດັ່ງນັ້ນ ມັນກໍຈະສືບຕໍ່ໄປ ແນວນີ້ແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 01, 2015 03:08 PM

555555

ຈາກ 55555555

ໃຜວ່າລາວບໍ່ຈະເລີນ ເປີດຕາເບິງ ຫົນທາງ ປັດຈຸບັນ ແລະ ອາດິດແມ໋ ຕ່າງກັນບໍ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 01, 2015 03:07 PM

ຕີຕອກຕິຕອກ

ຈາກ ຈະເລີນ

ໃຜວ່າບໍ່ຈະເລີນ ເບິງຫົນທາງດຽວນີ້ ໃສ່ແຕ່ກີ້ ຕ່າງກັນບໍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 01, 2015 03:06 PM

ຄຳສີງ

ຈາກ ປາກແບງ

ບໍ່ມີວັນ ຈະປາບການ ສໍ້ລາດບັງຫລວງ ໃນ ສປປລ ໄດ້ເດັດຂາດ ເພາະວ່າ ຜູ້ທີ່ສໍ້ລາດບັງຫລວງ ທັ້ງຫລາຽລວ້ນແລ້ວ ແມ່ນຜູ້ນຳ ຂອງພັກລັດ ເທົ່ານັ້ນ. ແລ້ວເຫຕໃດ ບັກ ກ ບັກ ຂ ຊີມີ ສິດປາກໄດ້. ຄົນທຳມະດາ ກໍ່ຮູ້ ແລະເຫັນ ປະຈັກຕາ ແຕ່ພວກເຂົາ ປາກບໍ່ອອກ ເວົ້າບໍ່ໄດ້ ດວ້ຽເຫດນີ້ ເຈົ້ານາຽ ຂັ້ນຮັຖມົນຕີທຸກຄົນ ຈື່ງມີແຕ່ເຮືອນງາມຯ ແລະ ຣາຄາ ເປັນລ້ານຯ ໂດລາ. ຖ້າຫາກໄຊ້ເງີນເດືອນ ຂອງເຂົາເຈົ້າ ມາສ້າງເຮືອນ ຮາຄາ
ແພງຯ ແບບນີ້ ຕາຽສິບຊາຕ ພວກເຂົາບໍ່ມີວັນ ຈະສ້າງໄດ້ ເດັດຂາດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 01, 2015 03:06 PM

ເບິ່ງຄວາມເຫັນທັງໝົດ.

ເຕັມຫນ້າ