ລາວປະກາດໃຊ້ ກົດຫມາຍ 3 ສະບັບ


2013-03-29
Share
F-nas ສະຖາບັນ ສູງສຸດ ສະພາ ແຫ່ງຊາຕ ສປປ ລາວ ທີ່ ນະຄອນຫຼວງ ວຽງຈັນ
LPDR

ໃນອາທິດນີ້ ທ່ານ ຈູມມະລີ ໄຊຍະສອນ ປະທານ ປະເທດລາວ ໄດ້ລົງນາມ ໃນ ກົດຫມາຍ 3 ສະບັບ ເພື່ອ ປະຕິບັດ ໃຊ້ຢ່າງ ເປັນທາງການ ໃນ ປັຈຈຸບັນ ສປປລາວ ມີ ກົດຫມາຍ ຮວມທັງໝົດ ກວ່າ 90 ສະບັບ ແລ້ວ.

ກົດຫມາຍ 3 ສະບັບ ທີ່ ປະທານ ປະເທດລາວ ປະກາດໃຊ້ ກໍຄືກົດຫມາຍ ວ່າດ້ວຍ ການຮັກສາ ສິ່ງແວດລ້ອມ, ກົດຫມາຍ ຊັບສົມບັດ ຂອງຣັຖ ສະບັບ ປັບປຸງ ແລະ ກົດຫມາຍ ວ່າດ້ວຍ ການໂອນເງິນ ໃນເຄືອຂ່າຍ ອິນເຕີແນັດ.

ໃນພາກ ປະຕິບັດ ໂຕຈິງ ເຮັດບໍ່ໄດ້ ເຊັ່ນຕົວຢ່າງ ກົດຫມາຍ ຮັກສາ ສິ່ງແວດລ້ອມ ໃນປັດຈຸບັນ ສະພາບແວດລ້ອມ ໃນລາວ ຊຸດໂຊມລົງ ຍ້ອນການ ຂຸດຄົ້ນແຮ່ທາດ ການປູກ ຕົ້ນໄມ້ ເສຖກິດ ການສ້າງເຂື່ອນ ແລະ ການຕັດໄມ້ ທຳລາຍປ່າ ກົດຫມາຍ ວ່າດ້ວຍ ການປົກປ້ອງ ສິ່ງແວດລ້ອມ ກໍຍັງ ປະຕິບັດ ບໍ່ໄດ້.

ກົດຫມາຍ ສະບັບອຶ່ນໆ ທີ່ ທາງການລາວ ບໍ່ສາມາດ ບັງຄັບ ໃຊ້ໄດ້ອີກ ກໍແມ່ນ ກົດຫມາຍ ວ່າດ້ວຍ ການສໍ້ຣາສ ບັງຫລວງ ເພາະຍັງມີ ການສໍ້ໂກງ ຂອງ ເຈົ້າຫນ້າທີ່ຣັຖ ຢ່າງຫລວງຫລາຍ ຢູ່ໃນລາວ, ກົດຫມາຍ ວ່າດ້ວຍ ຊັບສິນຂອງຣັຖ ດັ່ງ ເຮືອນຫລວງ ຣົຖຫລວງ ແລະ ຊັບສົມບັດ ຂອງຫລວງ ປະເທດຕ່າງໆ ກໍຖືກ ເຈົ້າຫນ້າທີ່ ຣັຖ ນຳໄປໃຊ້ ແບບຟູມເຟືອຍ ໃນແຕ່ລະມື້ ແລະ ກົດຫມາຍອຶ່ນໆ ຫລາຍສະບັບ ກໍບໍ່ສາມາດ ບັງຄັບໃຊ້ໄດ້. ມີກົດໝາຍ ຢູ່ໃນເຈັ້ຽ ແຕ່ພາກ ປະຕິບັດ ເຮັດບໍ່ໄດ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ