ທະນາຄານໂລກຊ່ອຍທຸຣະກິຈ ໃນລາວ

ສິດນີ
2014-06-11
ອີແມວລ໌
ຄໍາເຫັນ
Share
ພິມ
ທະນາຄານໂລກ ໃຫ້ການຊ່ວຍເຫຼືອ ປະເທດ ທີ່ກໍາລັງ ພັທນາ
ທະນາຄານໂລກ ໃຫ້ການຊ່ວຍເຫຼືອ ປະເທດ ທີ່ກໍາລັງ ພັທນາ
Image Source Page: greenpeace.org

 

ໃນອາທີດ ນີ້ ກຸ່ມ ບໍຣິຫານ ທະນາຄານ ໂລກ ໄດ້ ອະນຸມັດ ເງິນ ຊ່ອຍເຫຼືອ ລ້າ ໃຫ້ແກ່ ສປປລາວ 10 ລ້ານ ໂດລາ ແລະ ອີກ 10 ລ້ານ ໂດລາ ເປັນ ເຄຣດິຕ ຈາກ ສະມາຄົມ ການພັທນາ ສາກົນ ເພື່ອ ສນັບສນູນ ການເຕີບໃຫຍ່ ແລະ ການຂຍາຍ ທຸຣະກິດ ຂນາດກາງ ແລະ ຂນາດນ້ອຍ ໃນລາວ ດ້ວຍການ ອະນຸມັດ ໃຫ້ ທຸຣະກິດ ດັ່ງກ່າວ ສາມາດ ໃຊ້ ເຄຣດິຕ ຣະຍະຍາວ ໄດ້ ໃນການ ຂຍາຍ ທຸຣະກິດ.

ທຸຣະກິດ ຂນາດກາງ ແລະ ຂນາດນ້ອຍ ເປັນພາກສ່ວນ ສຳຄັນ ໃນການ ພັທນາ ເສຖກິດ ຂອງລາວ ແລະ ໄດ້ຈ້າງ ແຮງງານ ລາວ ຫລາຍກວ່າ ທຸຣະກິດ ຂແນງ ອື່ນໆ ແຕ່ ມີພຽງ 20 ສ່ວນຮ້ອຍ ເທົ່ານັ້ນ ທີ່ ກຸ່ມ ທຸຣະກິດ ດັ່ງກ່າວ ສາມາດ ໃຊ້ ເຄຣດິຕ ຣະຍະຍາວ ໄດ້ ໃນ ປັດຈຸບັນ ຈື່ງ ເປັນການຍາກ ທີ່ ຈະເຕີບໂຕ ແລະ ແຂ່ງຂັນ ກັບ ບັນດາ ປະເທດ ອາຊຽນ ທັງຫລາຍ.

ການໃຫ້ເງິນກູ້ ແລະ ເງິນໃຫ້ລ້າ ຂອງ ທະນາຄານ ໂລກ ໃຫມ່ ເທື່ອນີ້ ຈະເຮັດໃຫ້ ທຸຣະກິດ ຂນາດກາງ ແລະ ຂນາດນ້ອຍ ໃນລາວ ສາມາດ ຂຍາຍ ກິຈການ ຊື້ ອຸປກອນ ໃຫມ່ ປັບປຸງ ຣະບົບ ເທັກໂນໂລຈີ ແລະ ເພີ້ມ ການດຳເນີນ ງານ ທາງດ້ານ ທຸຣະກີດ ໄດ້ດີຂື້ນ.

ໂຄງການ ດັ່ງກ່າວ ຈະຄວບຄຸມ ໂດຍ ຫ້ອງການ ສົ່ງເສີມ ທຸຣະກິດ ຂນາດກາງ ແລະ ຂນາດນ້ອຍ ກະຊວງ ອຸດສາຫະກັມ ແລະ ການຄ້າລາວ ໃນໂຄງການ ຈະເນັ້ນ ການ ອະນຸມັດ ເຄຣດິຕ ໃຫ້ແກ່ ທຸຣະກິດ ຂນາດກາງ ແລະ ຂນາດນ້ອຍ ໃນລາວ.

ຄໍາເຫັນ (3)
Share

ບູນທອນ

ຈາກ Kishiwada Osaka JAPAN

ແນວທາງ ທີ່ຈະເຮັດໃຫ້ລາວ ສາມາດ ຢືນດ້ວຍຕົນເອງໄດ້ ເທື່ອລະນ້ອຍ ເພາະວ່ານອກຈາກ ການຊ່ວຍເຫລືອ ລ້າແລ້ວ ຍັງຊ່ວຍ ທາງດ້ານ ຄຳແນະນຳ ທັງທາງດ້ານ ວິຊາການ ການຕະຫລາດ ຄຸນນະພາບ ຂອງ ສິ່ງຜະລິດ ເພື່ອຕອບສະໜອງ ຄວາມຕ້ອງການ ຂອງຜູ້ຊົມໃຊ້ ຂໍຊົມເຊີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 15, 2014 07:27 PM

Oudom

ຈາກ Savannakheth

ເວົ້າງ່າຍ ແຕ່ຟັງຍາກ ເພາະ ຄວາມລຳບາກ ຈະຕາມມາ ໃນໂລກນີ້ ມີຢູ່ບ່ອນໄດ ແດ່ໃຫ້ຂອງລ້າໆ ແບບບໍ່ມີ ຕອບແທນ, ຜູ້ໄດຄິດງ່າຍໆ ກໍ່ຈະໄດ້ງິນ ແບບຄຳ ອ່ວຍພອນ ການຜູກແຂນ ພວກເຖົ້າແກ່ ບູຮານ ກ່າວຄື : ນອນລັບໃຫ້ໄດ້ ເງິນຫມື່ນ ນອນຕື່ນ ໃຫ້ໄດ້ເງິນແສນ ແບນມືມາໃຫ້ໄດ້ ແກ້ວມະນີໂຊດ, ບໍ່ເຫັນໄດ້ຕາມ ນັ້ນຈັກເທື່ອ. ຍຸກນີ້ ຍິ່ງແມ່ນ ວັດຖຸນິຍົມ ຄົນ ຍິ່ງເຫັນແກ່ຕົວ, ຂໍໃຫ້ຢັບຢັ້ງ ແນວຄິດສະບາຍໆ... ຈະດີແກ່ ຕົວເຮົາເອງ ແລະສ່ວນລວມ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 15, 2014 07:23 PM

Boon

ຈາກ CA USA

Laos PDR, thank you very much for your idea. I always saying that sit down on the table to get free money. Yes, I would like to become you. Please safe one million to buy weapon to protect the population when they angry to strike you.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 15, 2014 07:19 PM

ເຕັມຫນ້າ