ລາວໄທຮ່ວມກິຈກັມໝູ່ບ້ານ ເຂັ້ມແຂງ

ສົມເນ
2014-02-28
Share
f-default ລາວໄທຮ່ວມກິຈກັມໝູ່ບ້ານ ເຂັ້ມແຂງ
RFA

 

ໃນວັນທີ 27 ກຸມພາ 2014 ເຈົ້າໜ້າທີ່ທະຫານຈາກກອງທັບປະຊາຊົນລາວໄດ້ໄປຮ່ວມກິຈກັມທັສນະສຶກສາໂຄງການໝູ່ບ້ານເຂັ້ມແຂງຕາມ ແນວຊາຍແດນລາວ-ໄທຢູ່ທີ່ສູນຮຽນຮູ້ຕາມແນວທາງຣາຊະດໍາຣິເສຖກິດພໍພຽງຂອງກະສັດພູມີພົນອາດຸນຍະເດດແຫ່ງຣາຊະອານາຈັກໄທ ບ້ານໝໍ່ເມືອງສີຊຽງໃໝ່ແຂວງໜອງຄາຍ ພ້ອມທັງສ້າງຄວາມສໍາພັນຣະຫ່ວາງປະຊາຊົນແລະອໍານາດການປົກຄອງຣະຫວ່າງສອງຝັ່ງຂອງ, ຕາມລາຍງານຂ່າວທ້ອງຖິ່ນແຂວງໜອງຄາຍ.

ຣາຍງານວ່າໂຄງການໃນລັກສນະດຽວກັນນີ້ມີຢູ່ຕລອດແນວຊາຍແດນລາວ-ໄທ.ກິຈກັມເພື່ອເຮັດໃຫ້ເກີດຄວາມໝັ້ນຄົງຕາມແນວຊາຍແດນ ແມ່ນເປັນການເຂົ້າຮ່ວມຂອງຣາສດອນກັບເຈົ້າໜ້າທີ່ອໍານາດການປົກຄອງໃນແຕ່ລະທ້ອງຖິ່ນຂອງສອງຝັ່ງຂອງ.ການມາທັສນະສຶກສາກິຈກັມ ເທື່ອນີ້ນອກຈາກຄະນະຝ່າຍທະຫານລາວແລ້ວຍັງມີຣາສດອນລາວເດີນທາງໄປຮ່ວມນໍາດ້ວຍ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ