ສະພາຈະດັດແປງກົດໝາຍ ແຮງງານ

2013-12-25
ອີແມວລ໌
ຄໍາເຫັນ
Share
ພິມ
ສະພາແຫ່ງຊາດ ສປປ ລາວ
ສະພາແຫ່ງຊາດ ສປປ ລາວ
LPDR

 

ສະພາ ແຫ່ງຊາດ ລາວ ພິຈາຣະນາ ດັດແປງ ກົດໝາຍ ແຮງງານ ໃຫ້ສອດຄ່ອງ ກັບ ກົດໝາຍ ແຮງງານ ຂອງ ພູມມີພາຄ ແລະສາກົນ. ໃນ ຕອນເຊົ້າຂອງວັນທີ່ 24 ເດືອນທັນວານີ້ ສະມາຊິກສະພາແຫ່ງຊາດລາວ ໄດ້ປະກອບຄໍາຄິດຄໍາເຫັນ ກ່ຽວກັບ ການດັດແປງ ກົດໝາຍ ແຮງງານ ສະບັບເກົ່າ ຊຶ່ງປະກາດໃຊ້ແຕ່ປີ 2006 ເປັນຕົ້ນມາ.

ນາງໃບຄໍາ ຂັດຕິຍະ ຣັຖມົນຕຣີຊ່ວຍວ່າການກະຊວງແຮງງານແລະສວັດດີການສັງຄົມຂອງລາວກ່າວເຖິງຄວາມຈຳເປັນຕ້ອງປັບປຸງກົດໝາຍ ແຮງງານໃໝ່ຕໍ່ກອງປະ ຊຸມສະພາແຫ່ງຊາດ ເມື່ອວັນອັງຄານ ທີ່ຜ່ານມາວ່າ:

“ໃນເງື່ອນໄຂຂອງການເຊື່ອມໂຍມພາກພື້ນ ແລະສາກົນ ກົດໝາຍວ່າດ້ວຍແຮງງານ ສະບັບປັດຈຸບັນ ຍັງບໍ່ທັນຜັນຂຍາຍ ເນື້ອໃນຂອງສົນທິ ສັນຍາຂອງ ອົງການແຮງງານສາກົນ ທີ່ສປປລາວໄດ້ໃຫ້ ສັດຕະຍາບັນ ໄປແລ້ວເທົ່າທີ່ຄວນ. ການເຂົ້າຮ່ວມເປັນ ປະຊາຄົມເສຖກິດອາຊຽນ ໃນປີ 2015 ຄືດ່ັງທີ່ພວກເຮົາ ໄດ້ຮັບຊາບນໍາກັນແມ່ນ ການສ້າງໃຫ້ເປັນຖານ ການຜລິດອັນດຽວກັນ ແລະຕລາດອັນດຽວກັນ ຊຶ່ງຈະມີການ ເຄື່ອນຍ້າຍໃນຫ້າອົງປະກອບ ຄືການເຄື່ອນຍ້າຍ ສິນຄ້າ ການເຄື່ອນຍ້າຍ ການບໍຣິການ ການເຄື່ອນຍ້າຍທຶນ ການເຄື່ອນຍ້ານການລົງທຶນ ແລະການເຄື່ອນ ຍ້າຍແຮງງານ.”

ນາງໃບຄຳ ກ່າວອີກວ່າ ອາຊຽນ ຈະເປີດໃຫ້ມີການ ເຄື່ອນຍ້າຍແຮງງານ ຢ່າງເສຣີສຳລັບຜູ້ທີ່ມີສີມືໃນເຈັດວິຊາອາຊີບ ຄືພຍາບານ ໝໍແຂ້ວ ໝໍທົ່ວໄປ ວິສວະກອນ ນັກອອກແບບ ນັກສຳຣວດ ແລະນັກບັນຊີ. ສປປລາວ ໃຫ້ສັດຕະຍາບັນ ແກ່ສົນທິສັນຍາແຮງງານສາກົນ ດົນນານ ມາແລ້ວ ແຕ່ຍັງບໍ່ທັນປະຕິບັດຕາມ ສົນທິສັນຍານັ້ນເທື່ອ. ເປັນຕົ້ນມາດຕຣາທີ່ກຳນົດໄວ້ກ່ຽວກັບການໃຫ້ເງິນເດືອນ ການກໍານົດເງິນເດືອນ ຕໍ່າສຸດ ແລະການປົກປ້ອງສິດຜົນປໂຍດຂອງຄົນງານ. ນອກຈາກນັ້ນຢູ່ລາວ ຍັງມີການໃຊ້ແຮງງານເດັກນ້ອຍ ແລະກົດຂີ່ຂົ່ມເຫັງຄົນງານຢູ່.

ຄໍາເຫັນ (3)
Share

ສອນ

ຈາກ ລາວ

ຂໍ້ຖາມແນ່ ກົດໝາຍແຮງງານຂອງພະນັກງານລາວ ສຳລັບມື້ Public holiday ມັນແມ່ນມື້ໃດແທ້ ແລະ ມີຈັກມື້ຕໍ່ປີ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 27, 2016 04:18 PM

Lao leaders

ຈາກ Laos

Laos's labor law needs to modify for Vietnamese workers in Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2014 04:14 PM

ລາວນອກ

ຈາກ ນອກລາວ

ກົດໝາຍແຮງງານລາວ ສົມຄວນຊິເຍືອງແວ່ນເບິ່ງ ປະເທດໄກ້ຄຽງ ທີ່ຈະເລີນເຊັ່ນ: ໄທ, ມາເລເຊຍ ,ສິງກະໂປ ບູນາຍ ເປັນແບບຢ່າງ ຍ້ອນປະເທດເຫລົ່ານີ້ ເຂົາຄູ້ມຄອງ ຫລືຮັກສາ ສິດຜົນປະໂຫຍດ ຂອງຊາວຜູ້ອອກ ແຮງງານ ຢ່າງແທ້ຈິງ ຖ້າເປັນໄປໄດ້ ເອົາແບບເມກາ ຍີ່ປຸ່ນ ຢູ່ໂຫລບແຮງຄັກ. ກະຊວງແຮງງານລາວ ກຳມະບານລາວ ສ້າງຕັ້ງຂຶ້ນ ເພືອຮັກສາ ສິດຜົນປະໂຫຍດ ຂອງຊາວຜູ້ອອກ ແຮງງານ ແຕ່ບໍ່ເຫັນສ້າງ ວຽກເຮັດງານທຳ ຫລືເຮັດໃຫ້ຊາວ ຜູ້ອອກແຮງ ໄດ້ຜົນປະໂຫຍດຫຍັງ ຄ່າແຮງງານຖືກ ເຮັດວຽກ ກາຍໂມງ ແຕ່ບໍ່ປັບປຸງ ຫຍັງເລີຍ. ປານນີ້ຊິເຂົ້າ ປະຊາຊົມ ອາຊຽນ. ເອົາຫຍັງໄປ ແຂ່ງຂັນ ກັບເຂົາເຈົ້າ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 05, 2014 03:40 PM

ເຕັມຫນ້າ