ຣັຖບານລາວບໍ່ຮັບຜິດຊອບ ຜູ້ເຮັດຜິດ ໃນສະຫະຣັດ

ສິດນີ
2018-07-11
ອີແມວລ໌
ຄໍາເຫັນ
Share
ພິມ
ສໍານັກງານ ນາຍົກຣັຖມົນຕຣີ ສປປ ລາວ
ສໍານັກງານ ນາຍົກຣັຖມົນຕຣີ ສປປ ລາວ
Screen captured from : http://www.laocement.com/lao/useplan.asp

ຣັຖບານລາວຈະບໍ່ຮັບຜິດຊອບ ຮັບເອົາຄົນລາວ ທີ່ໄປເຮັດຜິດກົດຫມາຍ ຢູ່ສະຫະຣັດ ກັບຄືນປະເທດ ຍ້ອນວ່າ ກຸ່ມດັ່ງກ່າວໄປເຮັດສິ່ງບໍ່ດີ ສ້າງຄວາມເຊື່ອມເສັຽ ຕໍ່ປະເທດຊາດ ແລະ ທາງການລາວ ກໍໄດ້ຕັກເຕືອນແລ້ວວ່າ ຖ້າໄປເຮັດສິ່ງບໍ່ດີແລ້ວ ຣັຖບານ ຈະບໍ່ຮັບຜິດຊອບ ຊ່ອຍກັບຄືນປະເທດ. ກ່ຽວກັບເຣື້ອງນີ້ ເຈົ້າຫນ້າທີ່ກ່ຽວຂ້ອງ ທ່ານນຶ່ງກ່າວຕໍ່ ວິທຍຸເອເຊັຽເສຣີວ່າ:

"ຄົນລາວທີ່ຖືສັນຊາດລາວ ແລ້ວໄປເຮັດວຽກຢູ່ຕ່າງປະເທດ ແລ້ວກໍໄປເຮັດຜິດກົດໝາຍຢູ່ພຸ້ນຫັ້ນນ່າ ປົກກະຕິມັນກໍສົມຄວນ ມັນກໍສົມຄວນ ແລ້ວ ເພາະວ່າ ຄົນລາວສ່ວນຫລາຍຂະເຈົ້າໄປ ກໍແນວນັ້ນແຫລະ ຂະເຈົ້າໄປອອກວິຊາໄປແລ້ວ ກໍໄປຢູ່ພຸ້ນເລີຍ ໄປເຮັດວຽກຢູ່ອາເມຣິກາ ແລ້ວກໍໄປເປັນຄົນຜິດກົດໝາຍ ຢູ່ພຸ້ນເລີຍຫັນນ່າ ອັນນີ້ຣັຖບານລາວຈະບໍ່ຮັບຜິດຊອບ ເພາະວ່າເຈົ້າເປັນແບບຜິດກົດໝາຍແລ້ວເປັນຫຍັງ ເຈົ້າໄປປະເທດເຂົາ ແບບບໍ່ຖືກກົດໝາຍ ອັນນີ້ຖ້າມີຫຍັງເກີດຂຶ້ນມາ ຣັຖບານຈະບໍ່ຮັບຜິດຊອບ ແຕ່ວ່າແມ່ນເຫດຜົລໃດທີ່ບໍ່ຮັບ ຕ້ອງເບິ່ງ ວ່າກໍຣະນີໃດ ຕ້ອງເບິ່ງເປັນກໍຣະນີໄປ."

ໃນມື້ວັນທີ 9 ກໍຣະດາ ປີ 2018 ກະຊວງຕ່າງປະເທດສະຫະຣັດ ໄດ້ອອກຄຳສັ່ງ ໃຫ້ກົງສູນ ສະຫະຣັດປະຈຳລາວ ຍຸຕິການອອກວິຊາ ປະເພດ B1, B2 ແລະ B1/B2 ໃຫ້ແກ່ເຈົ້າຫນ້າທີ່ລາວ ຣະດັບຫົວຫນ້າຫ້ອງການຂຶ້ນໄປ ຂອງກະຊວງປ້ອງກັນຄວາມສງົບ ສປປ ລາວ ແລະສະມາຊິກຄອບຄົວ ຂອງເຈົ້າຫນ້າທີ່ກຸ່ມດັ່ງກ່າວ ພ້ອມທັງຈະຈຳກັດການອອກວິຊາ A3 ແລະ G5 ໃຫ້ກັບບຸກຄົນທີ່ເຮັດວຽກໃຫ້ແກ່ ຣັຖບານລາວນຳອີກ.

ການບໍ່ອອກວິຊາບາງປະເພດ ໃຫ້ແກ່ເຈົ້າຫນ້າທີ່ລາວເທື່ອນີ້ ກະຊວງຣັກສາຄວາມສງົບພາຍໃນ ຂອງສະຫະຣັດໃຫ້ເຫດຜົລວ່າ ຣັຖບານລາວ ຍັງບໍ່ຍອມຮັບເອົາຄົນລາວ ທີ່ໄປເຮັດຜີດກົດຫມາຍ ໃນສະຫະຣັດເປັນຕົ້ນ ການຄ້າຢາເສບຕິດ ແລະກໍ່ອາຊຍາກັມ ຕ່າງໆກັບຄືນປະເທດ.

ຄໍາເຫັນ (7)
Share

(

ເພີ່ນເວົ້າວ່າບໍ່ຮັບເອົາກັບຄືນ ເພາະວ່າເຮັດຂາຍໜ້າປະເທດຊາດຂອງລາວ ອັນນີ້ຂໍບອກເລີຍວ່າຜູ້ນໍາລາວເຄີຍສັ່ງສອນ ແລະຖອດຖອນບົດຮຽນໄຫ້ເຂົາເຮັດແນວນີ້ມາຕັ້ງແຕ່ເພີ່ນຂື້ນຄອງລາດໄໝ່ໆ ແມ້ແຕ່ເຈົ້າຊີວິດຍັງປົດເພີ່ນອອກ ແລ້ວກໍພາກັນແຕ່ງຕັ້ງ ຜູ້ນັ້ນຜູ້ນີ້ຂື້ນຄອງລາດແທນ ໂອ້ຍອາຍໂລກແດ່ຕີ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 12, 2018 05:51 AM

(

Lao government you must take these spies back to Laos. Over-seas Lao must report all these Lao spies to the police of where you live. You must take a hard stand against the Lao regime. No more Mr nice guy. They beat you, killed your families, took all your propeties and now they spy on you.
React accordingly over-seas Lao. Enough is enough !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2018 12:34 PM

(

Hear me out over-seas Lao people. Report all those Lao tourists who over-stay their visas in the USA. These people will turn monkey-Lao in a few years from now. They're all spies for the Lao regime. Don't be fools one more time.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2018 12:25 PM

(

ຈະແມ່ນເຫດຜົນຫຍັງກໍຕາມ ລັດຖະບານ ສປປລາວ ຕ້ອງຮັບເອົາພວກນີ້ກັບບ້ານ ບໍ່ແມ່ນຈະໃຫ້ເຂົາຖືກຂັງ ຢູ່ໃນຄຸກແບບນີ້ຕະລອດໄປ. ມັນໄຮ້ຄວາມຮັບຜິດຊອບ ແລະຂາດມະນຸດສະທຳ. ຂະເມນໄດ້ຮັບເອົາພວກນີ້ກັບບ້ານເຂົາ ໃຫ້ພວກນີ້ໄປສ້າງຊີວິດໃຫມ່ຢູ່ບ້ານເຂົາ ແຕ່ໃດໆມາ ໂດຍບໍ່ມີບັນຫາຮ້າຍແຮງຫຍັງ. ອັນນີິ້ຈຶ່ງແມ່ນລັກສະນະ ຄົນທີ່ຮັກຊາດຮັກເຊື້ອຕົວເອງ. ບໍ່ແມ່ນທີ່ຈະປະກັນຖິ້ມຄືຫມານີ້ ແບບຄົນສປປລາວ ເຮັດກັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2018 12:22 PM

ເດັກລາວ

ກົດຫມາຍຂອງອະເມຣິກາ ບໍ່ຄືກົດຫມາຍຂອງ ສປປລາວ. ໂດຍສະເພາະກຸ່ມຄົນທີ່ຝັກໄຝ່ ຕໍ່ລະບອບຄອມມິວນີສ໌ ທີ່ອະເມຣິກາໃຫ້ເຂົ້າມາໃນປະເທດ ແຕ່ກັບມາຫວັງທຳລາຍ ຊາວລາວອະເມຣິກັນ. ມັນເປັນການທໍຣະຍົດ ຕໍ່ຄົນທີ່ຮັກຫອມເສຣິພາບ ໃນທົ່ວໂລກ. ການສົ່ງກັບຄືນປະເທດກໍໃຫ້ຖືວ່າ ນີ້ເປັນການລົງໂທດ ທີ່ເບົາທີ່ສຸດແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2018 12:22 PM

ເບິ່ງຄວາມເຫັນທັງໝົດ.

ເຕັມຫນ້າ