ນາງໝວຍ ປັ່ນປ່ວນ ສັງຄົມ: ທາງການ

ສຸພັດຕາ
2019-11-26
ອີແມວລ໌
ຄໍາເຫັນ
Share
ພິມ
ນາງ ຮວ່າຍເຮືອງ ໄຊຍະບູລີ ຫລື ນາງ ໝວຍ ທີ່ຖືກຈັບ ໃນວັນທີ 12 ກັນຍາ ໃນຂໍ້ຫາ ໂຄສະນາ ໃສ່ຮ້າຍ ສປປ ລາວ
ນາງ ຮວ່າຍເຮືອງ ໄຊຍະບູລີ ຫລື ນາງ ໝວຍ ທີ່ຖືກຈັບ ໃນວັນທີ 12 ກັນຍາ ໃນຂໍ້ຫາ ໂຄສະນາ ໃສ່ຮ້າຍ ສປປ ລາວ
ນັກຂ່າວພົລເມືອງ

ເຈົ້າໜ້າທີ່ຣະດັບສູງຂອງຣັຖບານລາວ ທ່ານນຶ່ງ ກ່າວກ່ຽວກັບຄະດີ ນາງຮວາຍເຮືອງ ໄຊຍະບູລີ ຫຼື ນາງໝວຍ ຢູ່ເມືອງໂພນທອງ ແຂວງ ຈໍາປາສັກ ທີ່ຖືກສານຊັ້ນຕົ້ນ ແຂວງຈໍາປາສັກ ຕັດສິນຂັງຄຸກເປັນເວລາ 5 ປີ ທັງປັບໃໝ 20 ລ້ານກີບ ໃນຄວາມຜິດ ຖານຕໍ່ຕ້ານ ສປປ ລາວ ນັ້ນກ່າວວ່າ: ສິ່ງທີ່ນາງໝວຍ ເວົ້າຜ່ານສື່ເຟສບຸກຄ໌ ມີຂໍ້ຄວາມຂັດແຍ້ງກັບສະພາບຄວາມເປັນຈິງ ແລະເປັນການເວົ້າແບບເກີນເຫດ ເກີນຜົນ ຊຶ່ງສ້າງຄວາມແຕກຕື່ນ ໃຫ້ຄົນໃນສັງຄົມ, ດັ່ງທ່ານກ່າວ ຕໍ່ວິທຍຸເອເຊັຽເສຣີ ໃນວັນທີ 26 ພຶສຈິກາ ນີ້ວ່າ:

“ຖືວ່າ ມັນເປັນລັກສນະ ທີ່ວ່າມີຂໍ້ຄວາມຂັດແຍ້ງຫຼາຍອັນນະ ສ້າງຄວາມແຕກຕື່ນພາຍໃນສັງຄົມນິ່ນາ ສັງຄົມເຮົານີ່ບໍ່ສງົບ ບາງອັນມັນກໍບໍ່ ເປັນຄວາມຈິງດອກ ເກີນເຫດເກີນຜົນແດ່ນະ ທາງການພວກເຮົາກະຕອບໂຕ້ຄືນ.”

ທ່ານກ່າວຕື່ມວ່າ ຢາກໃຫ້ປະຊາຊົນທີ່ສະແດງຄວາມຄິດເຫັນ ຜ່ານສື່ສັງຄົມອອນລາຍ ມີສະຕິຫຼາຍຂຶ້ນ ດີທີ່ສຸດ ຕ້ອງໄດ້ຣະວັງຄໍາເວົ້າ ຂອງ ຕົນເອງ ໂດຍສະເພາະ ການວິຈານ ເຈົ້າໜ້າທີ່ ພັກ-ຣັຖ ດ້ວຍຄໍາເວົ້າທີ່ເສັຽຫາຍ, ແຕ່ຖ້າສະແດງຄວາມຄິດເຫັນ ໃນລັກສນະສ້າງສັນ ຫຼື ສເນີແນະ ໃຫ້ຣັຖບານແກ້ໄຂບັນຫາ ກໍຖືວ່າບໍ່ມີຄວາມຜິດ.

ກ່ອນໜ້ານີ້ ເຈົ້າໜ້າທີ່ທ້ອງຖິ່ນໃນລາວ ທ່ານນຶ່ງ ກ່າວຕໍ່ວິທຍຸເອເຊັຽເສຣີ ກ່ຽວກັບ ກໍຣະນີ ຜູ້ທີ່ຖືກຈັບໃນຂໍ້ຫາໂຈມຕີ ພັກ-ຣັດ ວ່າ ຜູ້ທີ່ສະແດງຄວາມຄິດເຫັນບໍ່ດີຕໍ່ ພັກ-ຣັຖ ຜ່ານສື່ສັງຄົມອອນລາຍ ແບບບໍ່ມີຂໍ້ມູນຄວາມຈິງ ສ່ວນໃຫຍ່ຮູ້ດີຢູ່ແລ້ວວ່າ ທາງການລາວ ໄດ້ຫ້າມບໍ່ໃຫ້ເວົ້າ ແຕ່ຫຼາຍຄົນ ຍັງຝ່າຝືນຂໍ້ຫ້າມນັ້ນຢູ່ ຈຶ່ງເຮັດໃຫ້ມີຄົນຖືກຈັບເລື້ອຍໆ:

“ກໍແນ່ນອນ ເຂົາກະຫ້າມ ເວົ້າແນວທີ່ມີຄວາມຈິງນິ່ເຂົາຫ້າມ ມີຄວາມຈິງກະບໍ່ເປັນຫຍັງ ຢູ່ໃນເຟສບຸກຄ໌ ເປັນຂ່າວ ທີ່ບໍ່ໄດ້ກັ່ນກອງ ເວົ້າດ້ວຍອັທຍາໃສ ຂອງຕົນເອງ ກະບໍ່ມີຄວາມຈິງ ຫາເຣື້ອງ.”   

ປະຊາຊົນຫຼາຍຄົນ ໄດ້ສະແດງຄວາມຄິດເຫັນ ໃນສື່ເຟສບຸຸກຄ໌ ກ່ຽວກັບຄະດີ ນາງໝວຍ ວ່າ ນາງໝວຍ ບໍ່ໄດ້ມີຄວາມຜິດຮ້າຍແຮງ ແລະບໍ່ໄດ້ໂຈມຕີ ພັກ-ຣັຖ ຢ່າງໜັກໜ່ວງ ຍ້ອນລາວເວົ້າເຣື້ອງທີ່ເກີດຂຶ້ນ ເປັນຄວາມຈິງ ໃນຂນະທີ່ ຫຼາຍອົງກອນຈັດຕັ້ງ ສາກົນ ກໍບໍ່ເຫັນດ້ວຍ ທີ່ນາງໝວຍ ຕິດຄຸກ 5 ປີ.

ກ່ອນໜ້າຄະດີນາງໝວຍ ເຄີຍມີຄົນຖືກຈັບຢູ່ລາວ ໃນຂໍ້ຫາຕໍ່ຕ້ານ ພັກ-ຣັຖ ຫຼາຍກໍຣະນີ ເປັນຕົ້ນ ທ່ານ ບຸນທັນ ທັມມະວົງ ຊາວລາວ ສັນຊາດໂປແລນ ທີ່ຖືກຈັບໃນຂໍ້ຫາ ບິດເບືອນ ພັກ-ຣັຖ ແລະ ກຸ່ມຄົນງານລາວເຮັດວຽກໃນໄທ 3 ຄົນ ຖືກຈັບໃນຂໍ້ຫາ ດຽວກັນ ປະກອບດ້ວຍ ທ້າວ ສຸກັນ ໃຈທັດ, ນາງ ຫຼອດຄໍາ ທັມມະວົງ ແລະ ທ້າວ ສົມພອນ ພິມມະສອນ.

ຄໍາເຫັນ (2)
Share

ຜູ້ອ່ານທີ່ບໍ່ອອກຊື່

ກ່ອນອື່ນໝົດຂ້ອຍຂໍ່ສະແດງຄວາມເຄົາລົບນັບຖືຕໍ່ຜູ້ທີ່ມີນໍ້າໃຈທີ່ຮັກຊາດທີ່ບໍລິຫານປະເທດຢູ່ໃນປະຈຸບັນນີ້,ແລະຂ້ອຍກໍແມ່ນປະຊາຊົນທໍາມະດາຜູ້ນຶ່ງທີ່ຢູ່ຮ່ວມປະເທດດຽວກັນກັບພວກທ່ານແລະນາງໝວຍເຊັ່ນກັນແລະກໍຖືກຜົນກະທົບເຊັ່ນກັນ,ແລະຂ້ອຍກໍມີຂໍ້ຂ້ອງໃຈກ່ຽວກັບເຈົ້າໜ້າທີ່ອ້າງວ່ານາງໝວຍເວົ້າບໍມີຄວມຈິງ,ເວົ້າເກີນເຫດເກີນຜົນເວົ້າຕໍ່ຕ້ານໂຈມຕີພັກລັດ,ເຮັດໄຫ້ສັງຄົມແຕກຕື່ນແລະຕ່າງໆນາໆ,ຂ້ອຍເອັງກໍເບິ່ງຄິລບຂອງນາງໝວຍເບີ່ງແລ້ວກໍເບີ່ງອີກແລະທຸກຢ່າງທີ່ລາວເວົ້າມາມັນກໍມີເຫດມີຜົນທັງໝົດ,ຫຼັງຈາກທີ່ລາວເອົາລົງຄີລບໄປແລ້ວທິດຕໍ່ມາຈິ່ງເຫັນຄົນມາຊ່ວຍແຕ່ບໍ່ຮູ້ວ່າແມ່ນພາກສ່ວນໃດ,ແລະຢາກຖາມພວກທ່ານແດ່ວ່າປະຊາຊົນຜູ້ນື່ງອອກມາຂໍຄວາມຊ່ວຍເຫຼືອ,ຄວມເປັນທໍາແລະສໍາຄັນຄືອອກມາຂໍຮ້ອງໄຫ້ພວກທ່າຍຸຕິການສໍ້ລາດຍຸຕິການໄຊ້ອໍານາດຕໍ່ປະຊາຊົນແລະທຸກສິ່ງທຸກຢ່າງນີ້ກໍຫາວ່າເກີນເຫດເກີນຜົນເວົ້າບໍ່ມີຄວາມຈິງ,ແລະສານປະຊາຊົນຊັ້ນຕົ້ນ,ອັນນີ້ຂ້ອຍຈະບໍ່ຮ້ອງວ່າສານປະຊາຊົນອີກແລ້ວ,ຂ້ອຍຈະຮ້ອງວ່າສານຜະເດັດການຊັ້ນຕົ້ນຫຼືວ່າສານອາດຍາສິດຊັ້ນຕົ້ນຈະດີກ່ວາເພາະທຸກໆກໍລະນີໃນການຕັດສີນຄະດີມັນນອນຢູ່ໃນຂະບວນການນັ້ນທັງໝົດ,ແລະສານສັ່ງຈໍາຄຸກທັງປັບໄໝນາງໝວຍອີກແລ້ວພວກທ່ານບໍ່ໄດ້ຄິດບໍ່ວ່າມັນເກີນເຫດເກີນຜົນ,ຄັນພວກທ່ານກະທໍາຜິດສິບໍ່ໄຫ້ຂອ້ຍເວົ້າບໍບາດວ່າພວກຂ້ອຍອອກມາສະແດງອອກໜ້ອຍນື່ງຫາວ່າເກີນເຫດເກີນຜົນ,ຂໍບອກເລີຍວ່າຖ້າພວກທ່ານຢັງສະແດງທ່າທີແບບນີ້ຢູ່ຕໍ່ໄປແລະພວກຂ້ອຍປະຊາຊົນກໍຈະສະແດງທ່າທີແບບນີ້ຢູ່ຕໍ່ໄປຈົນກ່ວາທຸກຝ່າຍຈະຍອມຮັບເຊີ່ງກັນແລະກັນ.

Nov 27, 2019 06:03 PM

ຜູ້ອ່ານທີ່ບໍ່ອອກຊື່

She's got 5 years for saying the truth out loud. Lao commie party-state you are shame for human race. After second thought, I don't think you're human beings. Go to h...

Nov 26, 2019 12:02 PM

ເຕັມຫນ້າ