ຣັຖບານລາວໃຫ້ອະພັຍໂທດ ແກ່ ນັກໂທດ

ຈໍາປາທອງ
2016-12-08
ອີແມວລ໌
ຄໍາເຫັນ
Share
ພິມ
ວັນຊາດ ສາທາຣະນະຣັຖ ປະຊາທິປະຕັຍ ປະຊາຊົນລາວ ທີ 2 ທັນວາ ຄົບຮອບ 41 ປີ
ວັນຊາດ ສາທາຣະນະຣັຖ ປະຊາທິປະຕັຍ ປະຊາຊົນລາວ ທີ 2 ທັນວາ ຄົບຮອບ 41 ປີ
Screen captured LNTV video

ໃນໂອກາດວັນຊາດ ສາທາຣະນະຣັຖ ປະຊາທິປະຕັຍ ປະຊາຊົນລາວ ທີ 2 ທັນວາ ຄົບຮອບ 41 ປີ ທາງການລາວ ໄດ້ ອະພັຍໂທດ ໃຫ້ແກ່ ນັກໂທດຫຼາຍຄົນ ໃຫ້ກັບໄປ ໃຊ້ຊີວິດ ໃນສັງຄົມ ຕາມປົກກະຕິ ພາຍຫລັງ ທີ່ໄດ້ຖືກ ຄຸມຂັງຢູ່ໃນຄຸກ ເປັນເວລາ ດົນນານ ແລະ ນັກໂທດ ອີກຫຼາຍຄົນ ກໍໄດ້ຮັບການ ຜ່ອນໂທດ. ຕາມຄຳເວົ້າ ຂອງ ເຈົ້າໜ້າທີ່ ກະຊວງ ປ້ອງກັນ ຄວາມສະຫງົບ ສປປລາວ ຕໍ່ ວິທຍຸ ເອເຊັຽເສຣີ ໃນວັນທີ 5 ທັນວາ ນີ້:

"ກະມີຫັ້ນແຫຼະ ມັນມີຜ່ອນໂທດແດ່ ປ່ອຍຕົວແດ່ ມັນມີ ທຸກປີດອກ ກະມີທຸກຄະດີ ຫັ້ນແຫຼະ ໂຕໃດທີ່ມັນ ມີເງື່ອນໄຂ ມັນດົນ ມີເງື່ອນໄຂ ເລົາກະ ປະຕິບັດ ຕາມ ນະໂຍບາຍ ຂອງພັກ-ຣັຖ".

ແຕ່ໃນປີນີ້ ບໍ່ເຫັນວ່າ ທາງການ ເພີ່ນເປີດເຜີຍ ຈຳນວນ ນັກໂທດ ທີ່ໄດ້ຮັບ ອະພັຍໂທດ ແລະ ການຜ່ອນໂທດ ນັ້ນ ວ່າມີເທົ່າໃດ ກັນແທ້. ທ່ານກ່າວ ຕື່ມວ່າ ສຳລັບ ນັກໂທດ ຄະດີທົ່ວໄປ ຫຼາຍຄົນ ທີ່ມີຄວາມ ປະພຶດດີ ໃນຄຸກຄຸມຂັງ ກໍໄດ້ຮັບ ການຜ່ອນໂທດ ຫຼື ຫຼຸດໂທດລົງ ຕາມນະໂຍບາຍ ຂອງ ທາງການລາວ, ທີ່ປະຕິບັດ ມາເປັນປະຈຳ ທຸກປີ ໃນວັນຊາດ ທີ 2 ທັນວາ.

ໃນໂອກາດວັນຊາດ ສປປລາວ ທີ 2 ທັນວາ ຄົບຮອບ 40 ປີ ເມື່ອປີກາຍ ທາງການລາວ ກໍໄດ້ໃຫ້ ອະພັຍໂທດ ມີການປ່ອຍ ນັກໂທດ ຈຳນວນ 1,029 ຄົນຮວມທັງ ນັກໂທດ ຊາວຕ່າງປະເທສ ນຳດ້ວຍ. ໃນຈຳນວນນັ້ນ ມີນັກໂທດ ຍິງ 232 ຄົນ.

ສຳລັບປີນີ້ ນັກໂທດ ທີ່ຖືກປ່ອຍ ສ່ວນຫຼາຍ ແມ່ນນັກໂທດ ທີ່ກ່ຽວຂ້ອງກັບ ຢາເສພຕິດ ທີ່ ມີທັງຄົນລາວ ແລະ ຄົນຕ່າງປະເທສ. ຢູ່ ສປປລາວ ເວົ້າເຖິງ ການລົງໂທດ ຜູ້ຕ້ອງຫາ ວ່າມີຄວາມຜິດ ໂດຍການຕັດສິນ ປະຫານຊີວິດ ຕາມທີ່ໄດ້ ກຳນົດໄວ້ ໃນກົດໝາຍ ກໍຕາມ, ແຕ່ໃນພາກ ປະຕິບັດ ຕົວຈິງ ບໍ່ໄດ້ຕັດສິນ ປະຫານຊີວິດ ນັກໂທດ ມາແຕ່ດົນແລ້ວ ໂດຍ ໄດ້ຜ່ອນໂທດ ໃຫ້ເປັນ ຈຳຄຸກ ຕລອດຊີວິດ.

ຄໍາເຫັນ (1)
Share

ໄມຕານ

ຈາກ ເມືອງສິງ

ດຽວນີ້ໂທດປະຫານຊີວິດ ຜູ້ນຳລາວກ໋ບ໋ໃຫ້ຂ້າ ເພາະຜ່ານມາໄດ້ຫລາຍແລ້ວ ຖ້າຢາກຂ້າແທ້ໆ ໃຫ້ລັກເອົາໄປຂ້າໂດຍບ໋ໃຫ້ ໃຜຮູ້ເຫັນນຳ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 13, 2016 03:45 PM

ເຕັມຫນ້າ