ວັນລະນຶກເຖິງນັກລົບ ເກົ່າ

ຈໍາປາທອງ
2017-05-31
ອີແມວລ໌
ຄໍາເຫັນ
Share
ພິມ
ສຸສານລະລຶກເຖິງ ນັກຣົບເກົ່າ ລາວ-ມົ້ງ ແລະ ອະເມຮິກັນ ທີ່ຣັດ ວິສຄອນຊິນ ສະຫະຣັດ ອະເມຣິກາ
ສຸສານລະລຶກເຖິງ ນັກຣົບເກົ່າ ລາວ-ມົ້ງ ແລະ ອະເມຮິກັນ ທີ່ຣັດ ວິສຄອນຊິນ ສະຫະຣັດ ອະເມຣິກາ
Laos Hmong and American veterans Memorial

ນັກຣົບເກົ່າລາວ ແລະ ມົ້ງ-ອະເມຣິກັນ ພ້ອມດ້ວຍຄອບຄົວ ແລະບັນດາທີ່ປຶກສາ ພາກັນທໍາພິທີ ວັນລະນຶກເຖິງ ນັກລົບເກົ່າ ຄົບຮອບ 20 ປີ ທີ່ສຸສານແຫ່ງຊາດ ສະຫະຣັຖ ອະເມຣິກາ ຢູ່ Arlington ຣັຖ ເວີຈິເນັຍ, ຢູ່ອະນຸສາວະລີ ສົງຄາມ ວຽດນາມ, ຢູ່ຣັຖສະພາ ສະຫະຣັຖ ອະເມຣິກາ ແລະ ມີພິທີລະລຶກຢູ່ຣັຖ ກາລິຟເນັຍ, ມິນນິໂຊຕາ, ວິສຄອນຊິນ, ຣັຖອະລັສກາ ແລະ ຢູ່ໃນທົ່ວປະເທສ ສະຫະຣັຖ. ຕາມຣາຍ ງານຂອງໜັງສືພິມ Washington & Fresno.ພິທີລະນຶກ ແຫ່ງຊາດ ທີ່ວ່ານັ້ນ ມີຂຶ້ນເປັນເວລາ ສອງອາທິດ ເພື່ອເປັນກຽດ ແກ່ນັກຣົບ ເກົ່າ ແລະຜູ້ທີ່ໄດ້ ທົນທຸກ ທໍລະມານ ແລະເສັຍຊີວິດ ໃນສົງຄາມ ປົກປ້ອງ ຣາຊອານາຈັກລາວ ໃນຣະຫວ່າງ ສົງຄາມວຽດນາມ.

ພິທີຣະດັບຊາດ ແລະການລະນຶກທີ່ວ່ານັ້ນ ແມ່ນເປັນເຄື່ອງໝາຍ ສລອງວັນຄົບຮອບ 20 ປີ ຂອງການຕັ້ງ ອະນຸສາວະລີ ນັກຣົບເກົ່າລາວ ຢູ່ສຸສານແຫ່ງຊາດ Arlington ຊຶ່ງແມ່ນ ອົງການນັກລົບເກົ່າລາວ ແຫ່ງ ອະເມຣິກາ, ສູນວິເຄາະ ນະໂຍບາຍ ສາທາຣະນະ ແລະອົງການ ຈັດຕັ້ງອື່ນໆໆ ໄດ້ຈັດຕັ້ງຂຶ້ນ ເມື່ອເດືອນ ພຶສພາ ປີ 1997.

ໃນພິທີດັ່ງກ່າວໄດ້ມີສະມາຊິກ ຣັຖສະພາສະຫະຣັຖ ຫຼາຍທ່ານ ທັງສະພາຕໍ່າ ແລະສະພາສູງ ກ່າວຄໍາປາສັຍ ຮວມທັງທ່ານ Jim Costa, ທ່ານ Paul Cook ແລະ ທ່ານ Devin Nunes.

ບັນດາທ່ານທີ່ຮ່ວມພິທີລະນຶກເຖິງ ນັກຣົບເກົ່າ ຮ່ວມກັນວາງ ພວງມາລາ ທີ່ສຸສານນັກຣົບເກົ່າລາວ ຢູ່ທີ່ Arligton ຊຶ່ງທ່ານ Peter Vang ປະທານອົງການ ນັກລົບເກົ່າລາວ ກ່າວວ່າ:

“ພວກເຮົາມານຸມນຸມກັນຢູ່ທີ່ນີ້ ແມ່ນເພື່ອເປັນກຽດໃຫ້ນັກຣົບເກົ່າລາວ ແລະມົ້ງ-ອະເມຣິກັນ ແລະຄອບຄົວ ຂອງພວກເພີ່ນ ທີ່ໄດ້ຮັບຄວາມ ທຸກທໍຣະມານ ແລະເສັຍຊີວິດ ຍ້ອນໄດ້ປົກປ້ອງ ປະເທສລາວ ໃນຣະຫວ່າງສົງຄາມວຽດນາມ".

ຄໍາເຫັນ (1)
Share

ຄ.ນະຄຳມວ່ນ

ຈາກ ທ່າແຂກ

ຂໍຮຽກຮ້ອງແລະອາລັດຕະນາເຊີນດວງວິນຍານອັນ ປະເສີດແລະສັກສິດ ທັງຫລາຍໂດຍມີ ພຣະບາດສົມເດັດ ພຣະເຈົ້າມະຫາຊີວິດເປັນເຄົ້າ ພ້ອມດ້ວຍພຣະມະເຫສີ ຄຳຜູຍແລະອົງມົງກຸດຣາຊກູມມານ ຕລອດເຖິງພຣະຍາດຕິວົງ, ນາຍແລະພົລທະຫານ, ນາຍແລະພົລຕຳຣວດ, ຂ້າຣາຊການ, ປະຊາຊົນ, ທຸກແຫ່ງຫົນທີ່ໄດ້ເສັຍສະລະຊີບ ໃນລະບອບຣາຊອານາຈັກລາວ ທີ່ຜ່ານມານັ້ນຈົ່ງໄດ້ຂຶ້ນ ສູ້ສະຫວັນນິພານ ບໍ່ໃຫ້ມີເຜດມານຂັດຂວາງການກ້າວໄປ ຕາມຈຸດຫມາຍປາຍທາງ ທຸກຢ່າງ, ພິເສດແລ້ວຂໍຈົ່ງໄດ້ ອະພິບານສຸກຍູ້ໃຫ້ ພວກ ຜູງຂ້າທັງຫລາຍທີ່ພະຍາປາບເຜດມານຊາຕານ ຄອງບ້ານໃຫ້ພວກເຂົາໄດ້ຈິບຫາຍວາຍວອດ ໄປໃນບັ້ນປາຍ ຕາມຄວາມຫມູ່ງມາດປາຖນາດ້ວຍເທີ້ນ. ສາທຸ...ສາທຸ...ສາທຸ.!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 06, 2017 01:31 PM

ເຕັມຫນ້າ