ສະພາແຫ່ງຊາດ ປິດ ປະຊຸມ

ສຸພັດຕາ
2018-06-28
ອີແມວລ໌
ຄໍາເຫັນ
Share
ພິມ
ຍານາງ ປານີ ຢ່າທໍ່ຕູ້ ປະທານສະພາແຫ່ງຊາຕລາວ ກ່າວປິດກອງປະຊຸມ ສມັຍສາມັນເທື່ອທີ 5 ຂອງ ສະພາແຫ່ງຊາຕ ຊຸດທີ 8 ວັນທີ 28 ມິຖຸນາ 2018
ຍານາງ ປານີ ຢ່າທໍ່ຕູ້ ປະທານສະພາແຫ່ງຊາຕລາວ ກ່າວປິດກອງປະຊຸມ ສມັຍສາມັນເທື່ອທີ 5 ຂອງ ສະພາແຫ່ງຊາຕ ຊຸດທີ 8 ວັນທີ 28 ມິຖຸນາ 2018
Screen captured : TV Lao HD

ໃນຕອນບ່າຍ ຂອງມື້ວັນທີ 28 ມີຖຸນາ 2018 ນີ້ ທີ່ນະຄອນຫລວງວຽງຈັນ ໄດ້ມີພິທີປິດກອງປະຊຸມສະພາ ແຫ່ງຊາດລາວ ສມັຍສາມັນ ເທື່ອທີ 5 ຂອງສະພາ ແຫ່ງຊາດ ຊຸດທີ 8 ພາຍໃຕ້ການເປັນປະທານ ຂອງ ຍານາງ ປານີ ຢ່າທໍ່ຕູ້ ປະທານສະພາ ແຫ່ງຊາດລາວ ພາຍຫລັງທີ່ໄດ້ດໍາເນີນ ມາແຕ່ມື້ວັນທີ 5 ມີຖຸນາ. ຍານາງ ປານີ ຢ່າທໍ່ຕູ້ ໄດ້ກ່າວປິດກອງປະຊຸມ ຕອນນຶ່ງວ່າ:

"ມາຮອດນີ້ ໃນນາມປະທານກອງປະຊຸມ ຂ້າພະເຈົ້າ ຂໍອັດກອງປະຊຸມ ສມັຍສາມັນເທື່ອທີ 5 ຂອງສະພາແຫ່ງຊາດ ຊຸດທີ 8 ຢ່າງເປັນ ທາງການ ນັບແຕ່ເວລານີ້ເປັນຕົ້ນໄປ ຂໍຂອບໃຈ."

ກ່ອນປິດກອງປະຊຸມ ຍານາງ ສວນສວັນ ວິຍະເກດ ເລຂາທິການ ສະພາແຫ່ງຊາດ ໄດ້ຕາງໜ້າຄນະກອງເລຂາ ສະພາແຫ່ງຊາດ ກ່າວ ຮັບຮອງ 2 ມະຕິຂອງກອງປະຊຸມສະພາ ແຫ່ງຊາດ ຄືຮ່າງມະຕິ ວ່າດ້ວຍການຈັດຕັ້ງປະຕິບັດແຜນພັທນາ ເສຖກິດສັງຄົມ, ແຜນ ງົບປະມານແຫ່ງຣັຖ ປະຈໍາ 4 ເດືອນຜ່ານມາ, ຄາດຄະເນການປະຕິບັດແຜນ ພັທນາເສຖກິດ-ສັງຄົມ 6 ເດືອນຕົ້ນປີ ແລະທິດທາງ ວຽກງານຈຸດສຸມ 6 ເດືອນທ້າຍປີ 2018 ແລະມະຕິ ວ່າດ້ວຍແຜນແມ່ບົດ ຈັດສັນທີ່ດິນແຫ່ງຊາດ ຮອດປີ 2030. ດັ່ງທີ່ຍານາງກ່າວວ່າ:

"ຕາງໜ້າ ໃຫ້ກອງເລຂາກອງປະຊຸມ ຂ້າພະເຈົ້າ ຂໍອະນຸຍາດຜ່ານ 2 ຮ່າງມະຕິກອງປະຊຸມສະພາແຫ່ງຊາດ ດັ່ງນີ້: ຮ່າງມະຕິກອງປະຊຸມ ສະພາແຫ່ງຊາດ ວ່າດ້ວຍການຮັບຮອງ ເອົາບົດຣາຍງານຂອງຣັຖບານ ກ່ຽວກັບການຈັດຕັ້ງປະຕິບັດ ແຜນພັທນາ ເສຖກິດ-ສັງຄົມ, ແຜນງົບປະມານແຫ່ງຣັຖ ປະຈໍາ 4 ເດືອນຜ່ານມາ, ຄາດຄະເນປະຕິບັດແຜນ 6 ເດືອນຕົ້ນປີ ແລະທິດທາງ ວຽກງານຈຸດສຸມ 6 ເດືອນທ້າຍປີ 2018. ມະຕິກອງປະຊຸມ ສະພາແຫ່ງຊາດ ວ່າດ້ວຍແຜນແມ່ບົດ ຈັດສັນທີ່ດິນ ແຫ່ງຊາດ ຮອດປີ 2030."

ຕລອດກອງປະຊຸມ ທີ່ດໍາເນີນໄປເປັນເວລາ 18 ມື້ ນອກຈາກໄດ້ປະກອບ ຄວາມຄຶດຄວາມເຫັນໃສ່ບົດຣາຍງານຂອງຣັຖບານ ແລະຮັບຮອງ ເອົາແລ້ວ ສະມາຊິກສະພາແຫ່ງຊາດ ຈາກເຂດເລືອກຕັ້ງຕ່າງໆ ຍັງໄດ້ປະກອບຄວາມຄຶດຄວາມເຫັນ ແລະຮັບຮອງ ເອົາກົດໝາຍຈໍານວນ 13 ສະບັບທີ່ຣັຖບານ ແລະພາກສ່ວນກ່ຽວຂ້ອງ ໄດ້ສເນີເຂົ້າມາ. ໃນນັ້ນ ມີ 8 ສະບັບທີ່ເປັນກົດໝາຍສ້າງໃໝ່ ແລະ 5 ສະບັບເປັນ ກົດໝາຍ ສະບັບປັບປຸງ.

ຄໍາເຫັນ (1)
Share

(

Mrs Speaker Ngao Tor Too, now that the parliamentary session is closed. What you and your gang have decide to sell more to China and Vietnam? Go on selling untill there's nothing left to sell. History of communism in east Europe didn't end well. Watch out yours won't end well either. It's a matter of time.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 05, 2018 05:12 AM

ເຕັມຫນ້າ