ຣັດເຊັຽຈະເຣີ້ມກູ້ຣະເບີດ ມ.ຄໍາເກີດ

ໄຊຍາ
2018-11-08
ອີແມວລ໌
ຄໍາເຫັນ
Share
ພິມ
ນາຍທະຫານ ຈາກ ປະເທດຣັດເຊັຽ ທີ່ກໍາລັງອະທິບາຍ ການໃຊ້ເຄື່ອງມື ເກັບກູ້ລະເບີດ ຢູ່ເມືອງຄໍາເກີດ ແຂວງບໍລິຄໍາໄຊ
ນາຍທະຫານ ຈາກ ປະເທດຣັດເຊັຽ ທີ່ກໍາລັງອະທິບາຍ ການໃຊ້ເຄື່ອງມື ເກັບກູ້ລະເບີດ ຢູ່ເມືອງຄໍາເກີດ ແຂວງບໍລິຄໍາໄຊ
ຮູປຈາກ ນັກຂ່າວກອງທັບ ສປປ ລາວ

ເຈົ້າໜ້າທີ່ເກັບກູ້ຣະເບີດ ຣັດເຊັຽ ຮ່ວມກັບເຈົ້າໜ້າທີ່ ຝ່າຍລາວ ຈະໄດ້ເຣີ້ມປະຕິບັດວຽກງານ ເກັບກູ້ຣະເບີດ ເມື່ອກາງເດືອນ ຕຸລາ ຜ່ານມາ ໂດຍເຣີ້ມຈາກ ເຂດບ້ານຫລັກ 20 ເມືອງຄຳເກີດ ແຂວງບໍລິຄຳໄຊ. ດັ່ງເຈົ້າໜ້າທີ່ ຂແນງເກັບກູ້ຣະເບີດ ແຂວງ ບໍລິຄຳໄຊ ກ່າວວ່າ:

"ຕາມແຜນເພິ່ນຈະປະຕິບັດແຕ່ ຢູ່ເມືອງຄຳເກີດ ເພາະວ່າຕາມແຜນຂອງເພິ່ນຫັ້ນນ່າ ຮອດເດືອນ 03 ປີ 2019 ເບາະ ປະມານນີ້."

ຕາມການຣາຍງານຂອງເຈົ້າໜ້າທີ່ກອງທັບລາວ ເປົ້າໝາຍທີ່ຈະລົງກວດກາ ແລະ ເກັບກູ້ຣະເບີດຢູ່ໃນເນື້ອທີ່ 100 ເຮັກຕ້າ ຈະໃຊ້ເວລາ ໃນເກັບກູ້ຕາມວາລະ ທີ່ໄດ້ກຳນົດໄວ້ໃນສັນຍາ ແມ່ນ 05 ເດືອນ ຄືເຣີ້ມແຕ່ເດືອນຕຸລາ ປີນີ້ ໄປຫາເດືອນມີນາ ປີໜ້າ.

ໃນນັ້ນ ເຈົ້າໜ້າທີ່ຈະຄົ້ນຫາຣະເບີດ ທີ່ຍັງບໍ່ທັນແຕກຝັງເລິກ ຢູ່ພື້ນດິນຣະດັບ 40 ຊັງຕີແມັດ ຫາ 2,5 ແມັດ ຢູ່ໃນຂອບເຂດ 05 ໝູ່ບ້ານ ເປົ້າໝາຍ ພາຍໃນແຂວງບໍລິຄຳໄຊ.

ເຖິງແນວໃດກໍ່ຕາມ ຜ່ານມາການເກັບກູ້ຣະເບີດ ໃນລາວ ຍັງປະສົບກັບບັນຫາງົບປະມານ ປັດຈຸບັນ ຫ້ອງການແກ້ໄຂບັນຫາ ຣະເບີດ ບໍ່ທັນແຕກ ໄດ້ສເນີປະເທດຜູ້ໃຫ້ທຶນ ພິຈາຣະນາເພີ່ມທຶນ ເພື່ອຈະຂຍາຍວຽກງານເກັບກູ້ຣະເບີດ ໄປຍັງແຂວງຜົ້ງສາລີ, ອຸດົມໄຊ, ຫລວງນໍ້າທາ, ບໍ່ແກ້ວ, ໄຊຍະບູລີ, ວຽງຈັນ, ໄຊສົມບູມ, ແລະ ນະຄອນຫລວງວຽງຈັນ.

ສະເພາະປີນີ້ຜູ້ໃຫ້ທຶນ ເຊັ່ນວ່າ ສະຫະຣັຖ ອາເມຣິກາ ຫຼ້າສຸດເມື່ອທ້າຍເດືອນກັນຍາຜ່ານມາ ອົງການເກັບກູ້ຣະເບີດ MAG ປະຈຳລາວ ໄດ້ຮັບທຶນເພີ່ມຕື່ມ ຈາກຣັຖບານ ສະຫະຣັຖອາເມຣິກາ ມູນຄ່າ 14,5 ລ້ານໂດລາ ສະຫະຣັຖ ຫຼືປະມານ 123 ຕື້ກີບ ແລະພາຫະນະ ຈຳນວນນື່ງ ເພື່ອຈັດຕັ້ງປະຕິບັດເປົ້າໝາຍໃນ 7 ເມືອງ ຂອງແຂວງຊຽງຂວາງ.

ນອກຈາກນີ້ ເມື່ອກາງເດືອນຕຸລາຜ່ານ ຣັຖບານ ຢີ່ປຸ່ນ ກໍ່ໃຫ້ການຊ່ອຍເຫລືອໂຄງການ ເລັ່ງລັດການເກັບກູ້ຣະເບີດບໍ່ທັນແຕກໃນລາວ ຮວມມູນຄ່າ 900 ລ້ານເຢັນ.

ຄໍາເຫັນ (3)
Share

ສົມເພັດ

ຈາກ ຄຳເກີດ

ເປັນຫຍັງຄົນລັດເຊຍແລ້ວມີລະບົບເຄືອງປ້ອງກັນ, ທະຫານລາວແມ່ນບໍ່ມີຫຍັງນໍ່ ເບີ່ງແລ້ວ ຄົນລັດເຊຍບໍ່ຮັກຄົນລາວ ດອກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:11 AM

(

Commies share the same ideal.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 06:47 AM

(

ການເກັບກູ້ລະເບີດບໍ່ທັນແຕກນັ້ນ ລັດທະບານລາວ ຍັງເກັບກໍາມາອ້າງອິງຢູ່ຕະລອດຈົນຮອດທຸກມື້ນີ້, ແລະອ້າງອິງວ່າລະເບີດບໍ່ທັນແຕກນັ້ນ ມັນມີເກືອບວ່າທຸກໆແຂວງທົ່ວປະເທດວ່າຊັ້ນ, ອັນນີ້ຂ້ອຍຢາກໄຫ້ທັດສະນະຢ່າງນີ້ ການທີ່ເມກາໂຍນລະເບີດ ນັ້ນແມ່ນບໍ່ໄດ້ມີທົ່ວປະເທດ ມັນມີສະເພາະແຕ່ເຂດຈໍາກັດເທົ່ານັ້ນ ໂດຍສະເພາະແມ່ນເຂດລໍາລຽງອາວຸດ ແລະເສັ້ນທາງຂອງກໍາລັງພົນຂອງວຽດນາມເໜືອເທົ່ານັ້ນ ແລະຖື້ມລົງມານັ້ນບໍ່ແມ່ນວ່າມັນສິບໍ່ແຕກໝົດທຸກລູກ ມັນໄດ້ແຕກໄປແລ້ວເຖິງ3ສ່ວນ ຂອງລະເບີດທີ່ຖີ້ມລົງມາ ສະນັ້ນແລ້ວການເກັບກູ້ກໍພ່ານມາດົນພໍສົມຄວນ ມັນກໍອາດຈະບັນເທົາໄປແດ່ແລ້ວນໍ້, ແລ້ວດ້ວຍເຫດໄດລັດເຊັຍ ຈື່ງສິມາວ່າເພື່ອມະນຸດຊະທັມ, ຄັດລັດເຊັຍຈະມະນຸດຊະທັມແທ້ນັ້ນ ມັນຄວນຈະມີມາແຕ່ເລີ້ມຕົ້ນພຸ້ນ ເຖີງເຈົ້າສິອົມເຫຼັກໄຫຼມາ ຂອ້ຍກໍບໍ່ເຊື່ອດອກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 06:47 AM

ເຕັມຫນ້າ