ທາງການ ລາວ,ໄທ ຫາລື ວຽກງານ ຄວາມໝັ້ນຄົງ

ຈໍາປາທອງ
2018-02-23
ອີແມວລ໌
ຄໍາເຫັນ
Share
ພິມ
ທ່ານ ບຸນທອງ ຈິດມະນີ ຮອງນາຍົກຣັຖມົນຕຣີ ຫົວຫນ້າຫ້ອງການ ກວດສອບແຫ່ງຣັຖ
ທ່ານ ບຸນທອງ ຈິດມະນີ ຮອງນາຍົກຣັຖມົນຕຣີ ຫົວຫນ້າຫ້ອງການ ກວດສອບແຫ່ງຣັຖ
Public Domain

ຄນະຜູ້ແທນກວດກາ ສູນກາງພັກປະຊາຊົນປະຕິວັດລາວ ນໍາໂດຍ ດຣ. ບຸນທອງ ຈິດມະນີ ກັມການກົມການເມືອງ, ເລຂາທິການ ສູນກາງ ພັກ, ປະທານກວດກາ ສູນກາງພັກ ໄປຢ້ຽມຢາມ ໄທ ໃນວັນທີ 21 ແລະ 22 ກຸມພາ 2018ເພື່ອປຶກສາຫາລື ກ່ຽວກັບ ວຽກງານຕ້ານ ການສໍ້ຣາດບັງຫຼວງ ແລະຄວາມໝັ້ນຄົງ ໂດຍສະເພາະ ຕາມແນວຊາຍແດນ ຣະຫວ່າງສອງປະເທສ.

ກ່ຽວກັບເຣຶ່ອງນີ້ ເຈົ້າໜ້າທີ່ອົງການກວດກາ ສູນກາງພັກ ທີ່ນະຄອນຫລວງວຽງຈັນ ກ່າວຕໍ່ວິທຍຸເອເຊັຍເສຣີ ໃນມື້ວັນທີ 23 ກຸມພາ ນີ້ວ່າ:

"ອື 21 ຫາ 22 ເພີ່ນໄປ ສ່ວນວ່າຄນະນຶ່ງຍັງຢູ່ພຸ້ນເຈົ້າ ຫົວຂໍ້ກໍແມ່ນເປັນການພົບປະ ແລກປ່ຽນ ວຽກອັນຕ້ານການສໍ້ຣາດບັງຫລວງ."

ດຣ. ບຸນທອງ ຈິດມະນີ ໄດ້ພົບພໍ້ກັບທ່ານ ປະຍຸດ ຈັນໂອຊາ ນາຍົກຣັຖມົນຕຣີໄທ, ຫົວໜ້າ ຄສຊ. ທີ່ທໍານຽບຣັຖບາລ ຢູ່ບາງກອກ ແລະ ໄດ້ແລກປ່ຽນຂໍ້ມູນ ແລະປະສົບການດ້ານ ການປ້ອງກັນ ແລະປາບປາມ ການສໍ້ຣາດບັງຫລວງ ຣະຫວ່າງ ສອງປະເທສ ໃນຣະຍະທີ່ຜ່ານມາ.

ໃນຣະຫວ່າງການພົບພໍ້ກັບທ່ານ ປະຍຸດ ຈັນໂອຊາ, ດຣ. ບຸນທອງ ຈິດມະນີ ໄດ້ຢືນຢັນເຖິງການພົວພັນ ອັນເຂັ້ມແຂງ ກັບໄທ ຕລອດ 67 ປີ ທີ່ມີການພັທນາ ຢ່າງເປັນຣະບົບຕລອດມາ ແລະຫວັງວ່າ 2 ປະເທສ ລາວ-ໄທ ຈະສືບຕໍ່ພົວພັນ ແລະຮ່ວມມື ທີ່ມີຢູ່ນີ້ຕໍ່ໄປ ໃນທຸກດ້ານ ທັງທາງດ້ານການເມືອງ, ເສຖກິດ ແລະ ສັງຄົມ ໂດຍສະເພາະວຽກງານ ຕ້ານການສໍ້ຣາດບັງຫລວງ ຊຶ່ງໃນຣະຍະຜ່ານມາ ຖືວ່າ ໄດ້ມີການ ຮ່ວມມືກັນ ເປັນຢ່າງດີໃນການແລກປ່ຽນຂໍ້ມູນ ຊຶ່ງກັນແລະກັນ.

ພ້ອມກັນນັ້ນ ທ່ານຍັງໄດ້ຢໍ້າເຖິງເຣຶ່ອງຄວາມໝັ້ນຄົງ ຂອງທັງສອງປະເທສ ລາວ-ໄທ ໂດຍສະເພາະຕາມແນວຊາຍແດນ ຂອງສອງປະເທສ, ເຣຶ່ອງການ ຫລົບໜີຄະດີ ຂອງຄົນລາວ ແລະຄົນໄທ, ຊ່ວຍກັນສະກັດກັ້ນບຸກຄົນ ທີ່ຕ້ອງສົງສັຍ ຫລົບໜີຄະດີ ເຂັ້ມງວດຂຶ້ນ ແລະໃຫ້ ປະຕະບັດ ຕາມກົດໝາຍຣະຫວ່າງປະເທສ.

ຄໍາເຫັນ (1)
Share

ຈັນ​ສະ​ໝອນ

ຈາກ ​ສາມ​ຫລ່​ຽມ​ຄຳ

ເປັນ​ແນວ​ໃດ ພັກ​ລັດ​ທີ່​ສະ​ລາດ​ສ່ອງ​ໃສ ຍັງ​ໄປ​ອາ​ໄສ​ປະ​ເທດ​ໄທ​ຊ່ວຍ​ຮັກ​ສາ​ຄວາມ​ໝັ້ນ​ຄົງ. ເຈົ້າ​ໜ້າ​ທີ​ໄທ​ຊີງ​ສາ​ມາດ​ຈັບ​ໄດ້​ຜູ້​ຄ້າ​ຢາ​ເສບ​ຕິດ​ລາວ​ຫລາຍໆ​ລາຍ​ ພ້ອມ​ທັງ​ເງິນ​ສົດ​ຫລາຍ​ລ້ານ​ບາດ, ແຕ່​ຢູ່​ສ​ປ​ປ​ລາວ ຢູ່​ທັງ​ກຳ​ແພງ​ນະ​ຄອນ​ເອງ​ກໍ່​ມີ​ຜູ້​ຄ້າ​ຢາ​ເສບ​ຕິດ​ສັນ​ຈອນ​ໄປ​ມາ​ຢ່າງ​ຫລວງ​ຫລາຍ ​ລວມ​ໄປ​ເຖິງ​ແກ່ນ​ນຳ​ສູນ​ກາງ​ພັກ​ຫລາຍ​ພາກ​ສ່ວນ​ດ້ວຍ. ຍີ່ງ​ໄປ​ກ່​ວານັ້ນ ,ພັກ​ລັດ​ທີ່​ນິ​ຍົມ​ລັດ​ທີ່​ມາກ​ເລ​ນີນ ກໍ່​ນິ​ຍົມ​ໄປ​ໄຊ້​ເງິນ​ໂດ​ລາ​ສະ​ຫະ​ລັດ, ພາ​ປະ​ຊາ​ຊົນ​ທັງ​ຊາດ​ໄປ​ສົມ​ໃຊ້​ເງິນ​ໂດ​ລາ​ສະ​ຫະ​ລັດ​ທົວ​ປະ​ເທດ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2018 05:29 AM

ເຕັມຫນ້າ