ນາຍົກສັ່ງຢຸດອະນຸຍາດ ຂຸດແຮ່

ມະນີຈັນ
2016-06-23
ອີແມວລ໌
ຄໍາເຫັນ
Share
ພິມ
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ ທີ່ກໍາລັງ ທໍາການປະຕິຮູປ ເຣື້ອງຕັດໄມ້ ຂຸດຄົ້ນແຮ່ທາດ ຢ່າງເອົາໃຈໃສ່
ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ ທີ່ກໍາລັງ ທໍາການປະຕິຮູປ ເຣື້ອງຕັດໄມ້ ຂຸດຄົ້ນແຮ່ທາດ ຢ່າງເອົາໃຈໃສ່
Screen captured LNTV video

ນາຍົກ ຣັຖມົນຕຣີລາວ ທ່ານ ທອງລຸນ ສີສຸລິດ ກ່າວຢູ່ແຂວງ ອັຕຕະປື ເມື່ອວັນທີ 16 ມິຖຸນາ ນີ້ວ່າ, ປັຈຈຸບັນ ມີຫຼາຍ ບໍຣິສັດ ສເນີຂໍ ອະນຸຍາດ ສໍາຣວດ ຂຸດຄົ້ນແຮ່ທາດ ຄັ້ງໃໝ່ ໃນລາວ, ແຕ່ທ່ານວ່າ ເດັດຂາດ ຈະຍັງບໍ່ ອະນຸມັດ ໃຫ້. ສໍາລັບ ສ່ວນທີ່ ທີ່ໄດ້ ອະນຸມັດ ໄປແລ້ວ ກໍໃຫ້ມີ ການຄຸ້ມຄອງ ຕິດຕາມ ກວດກາ ເບິ່ງວ່າໄດ້ ປະຕິບັດ ຢ່າງຖືກຕ້ອງ ຫລືບໍ່:

"ແຈ້ງຕໍ່ບັນດາ ສະຫາຍ ວ່າດຽວນີ້ ເຂົາມາສເນີ ຫຼາຍລະ ຂຸດບໍ່ໃໝ່ນີ້ນະ ສເນີນັ້ນ ສເນີນີ້, ບໍ່ອະນຸຍາດ ໃຫ້ໃຜເທື່ອ ປິດສະກ່ອນ ເຣື່ອງບໍ່ ນີ້, ຣັຖບານ ຈະເດັດຂາດ ຄືກັນ ບໍ່ທັນ ອະນຸຍາດ ໃຫ້ໃຜເທື່ອ ປິດສະກ່ອນ ຣັຖບານ ຈະເດັດຂາດ ຄືກັນ ບໍ່ທັນ ອະນຸຍາດ ໃຫ້ໃຜ ສໍາຣວດ ຂຸດຄົ້ນ ອັນໂຕໃໝ່. ສ່ວນໂຕເກົ່ານີ້ ດໍາເນີນໄປ ແຕ່ວ່າ ກວດກາ ຄຸ້ມຄອງ ຕິດຕາມ ວ່າເຂົາເຮັດ ໄປຕາມ ຖືກບໍ່".

ພ້ອມດຽວກັນນັ້ນ ທ່ານ ທອງລຸນ ກໍເຕືອນ ທາງການ ທ້ອງຖິ່ນ ໃຫ້ຣະວັງ ຜູ້ທີ່ມາສເນີ ຂໍອະນຸມັດ ໂດຍມີ ຂໍ້ອ້າງຕ່າງໆ ຮວມທັງ ເຣື່ອງ ວຽກເຮັດ ງານທໍາ ການຂຸດຄໍາ ຕົກຂ້ອນ ການໃຊ້ເຄື່ອງ ຈັກນ້ອຍ. ແລະ ທ່ານບໍ່ໃຫ້ ທາງແຂວງ ອັຕຕະປື ນໍາສເນີ ເຣື່ອງການ ຂໍອະນຸມັດ ສໍາຣວດ ຂຸດຄົ້ນ ແຮ່ທາດ ຊຸດໃໝ່ ນັ້ນເຖິງ ຣັຖບານ:

"ຢຸດສາກ່ອນ ສໍາຣວດ ຄົ້ນຄວ້າ ເບິ່ງສະກ່ອນ ເບິ່ງເຂົາເຮັດ ອັນທີ່ຜ່ານມາ ມັນເປັນສໍ່າໃດ ເຮົາຄິດວ່າ ໄດ້ເງິນໄດ້ຄໍາ ບໍ່ໄດ້ຊະ ສໍາຣວດ ໄປເລີຍໆ ບໍ່ສເນີຂຸດຄົ້ນ ຕັ້ງໂຮງງານ ຈັກເທື່ອ ສຸດທ້າຍ ລະວ່າແລ້ວເດີ ສໍາຣວດ ບໍ່ມີ ປະສິດທິຜົລ ເປັນແນວນັ້ນ ຕົ໊ວ ຫວ່າງທີ່ຜ່ານມາ ເຮົາຕ້ອງ ເຄັ່ງຄັດ".

ຢ່າງໃດກໍຕາມ ເຈົ້າໜ້າທີ່ ແຂວງ ອັຕຕູປື ທ່ານນຶ່ງ ທີ່ບໍ່ປະສົງ ອອກຊື່ ໄດ້ກ່າວຕໍ່ RFA ໃນວັນທີ 22 ມີຖຸນາ ນີ້ວ່າບັນຫາ ການຂຸດຄົ້ນ ຄໍາຕົກຂ້ອນ ຢູ່ລໍານໍ້າ ເຊກອງ ແລະ ເຊກະໝານ ຜ່ານມາ ໄດ້ສົ່ງຜົລ ກະທົບ ຕໍ່ ປະຊາຊົນ ຫລາຍ ຊຶ່ງເຮັດໃຫ້ ນໍ້າຂຸ່ນ ສານເຄມີ ຕົກຄ້າງ ປະຊາຊົນ ບໍ່ສາມາດ ໃຊ້ນໍ້າໄດ້ ເດັກນ້ອຍ ລົງອາບນໍ້າ ກໍເປັນຕຸ່ມ.

ປັດຈຸບັນ ເຖິງແມ່ນ ມີການຢຸດເຊົາ ການຂຸດຄົ້ນ ຄຳ ຢູ່ລໍານ້ຳ ເຊກອງ ແລະ ເຊກະໝານ ແລ້ວ, ແຕ່ຢູ່ ໜອງຟ້າ ໜອງໄກ່ໂອກ ເຂດ ວັງຕັດ ຢູ່ ເມືອງຊານໄຊ ກໍຍັງມີ ການຂຸດຄົ້ນ ຢູ່ ໂດຍແມ່ນ ບໍຣິສັດ ບໍ່ແຮ່ ຂອງທະຫານ ວຽດນາມ ຮ່ວມກັບ ກອງສຳຣວດ ບໍ່ແຮ່ ກະຊວງ ປ້ອງກັນ ປະເທດ ຂອງລາວ ເປັນຜູ້ ຂຸດຄົ້ນມາ ໄດ້ປະມານ 6 ປີ, ເຮັດໃຫ້ ນ້ຳຢູ່ໃນໜອງ ດັ່ງກ່າວ ຂຸ່ນ ແລະ ເກີດມີສານ ປົນເປື້ອນ. ອີງຕາມ ຄໍາບອກເລົ່າ ຂອງ ເຈົ້າໜ້າທີ່ ຄົນນັ້ນ.

ຄໍາເຫັນ (5)
Share

BT

ຈາກ Pakse

Lao premier should stop small scale of mining activities just for a moment, not permanently stopped , due to Laos has significance of undeveloped potential,if we want to develop our country we should let domestic or foreign investors to do mining activities as long as they commit to do it with international standards and ensure that we ( land owner ) have satisfactory benefits.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 08, 2017 01:30 PM

ຄ.ນະຄຳມ່ວນ

ຈາກ ທ່າແຂກ

ໃນເມື່ອເສຖກິຈຂອງຈີນສົບເຊົາ, ສປປລາວຕ້ອງມີການກະທົບ ເກືອບທຸກຢ່າງ, ຖ້າຈະສືບຕໍ່ຂູດແຮ່ທາດຕ່າງໆຢູ່ ສປປລາວ ບໍ່ເວົ້າເຖິງຍານພາຫະນະທີ່ທັນສະໄຫມດອກ, ຈະເອົາຈົກຂຸດ ຫລື ເອົາສຽມ ຂູດ ມັນກໍ່ສະດຸດທຸກຢ່າງນັ້ນແລ້ວ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 28, 2016 04:36 PM

ກາລະ

ຈາກ ລາວ

ຂໍຊົມເຊີຍນາຍົກເອີຍ! ໃຫ້ທ່ານເອົາຈິງເອົາຈັງເຮັດຄັກໆ ກັບພວກຝືນກົດໝາຍບ້ານເມືອງ ເຮັດໃຫ້ເຊື່ອມເສຍສັດທາ ຂອງປະຊາຊົນລາວແລະສາກົນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2016 12:45 PM

ເຜົ່າລາວ

ຈາກ ແຜ່ນດີນລ້ານຊ້າງ

ນອກຈາກໄມ້ ແລະບໍ່ແຮ່ແລ້ວຖ້າຢຸດໄດ້ການສັມປະທານ ທີ່ດີນໃຫ້ຕ່າງຊາດ ຊື່ງເປັນບັນຫາບຽດບຽນປະຊາຊົນ ຜູ້ທີ່ມີສິດຢ່າງເຕັມປ່ຽມບົນຜືນແຜ່ນດິນຂອງຕົນໂດຍແທ້ນັ້ນ ຈະເປັນການດີຢ່າງຍິ່ງ ເພາະຜ່ານມາພວກເຂົາເຫລົ່ານັ້ນ(ຫມາຍເຖີງປະຊາຊົນ ຜູ້ເສັຍດິນດອນຕອນຫຍ້າ ແຫລ່ງຢູ່ແລະທຳມາຫາກິນໄປ) ໄດ້ປະສົບກັບຊະຕາກັມ ຢ່າງໂຫດຮ້າຍ ຊື່ງບໍ່ສົມຄວນເລີຍທີ່ພວກເຂົາ ໃນຖານະເປັນປະຊາຊົນຂອງປະເທດ ເຊັ່ນດຽວກັນກັບພວກຜູ້ນຳ ຈະໄດ້ຮັບ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2016 12:39 PM

ກູເບື່ອ

ຈາກ ຢູ່ໃສກ່າສຸດແລ້ວແຕ

ຜູ້ຂຽນຂ່າວນີ້ກໍ່ໄດ້ຮຽນພາສາລາວຢູຫວະ ເວົ້າຊັບໄປຊັບມາ ຄຳສັບທີ່ໃຊ້ກໍ່ບໍ່ຖຶກຕ້ອງອ່ານແລ້ວເມື່ອຍຕາງເດ ປານນັ້ນວ່າເປັນສຳນັກຂ່າວ ສາກົນ ຖຸຍຍຍຍຍຍຍຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 24, 2016 09:35 AM

ຄ.ນະຄຳມ່ວນ

ຈາກ ທ່າແຂກ

ຜູ້ຂຽນຂ່າວນີ້ບໍ່ໄດ້ຮຽນພາສາລາວແບບເຖິງຖອງ ແລະໄປຕາມປ່ອງລ່ອງຕາມແປວຕາມແນວແກວສອນສັ່ງດອກ, ມີແຕ່ໃຊ້ພາສາລາວແບບດັ້ງເດີມ ກ່ອນການປົດປ່ອຍເປັນ ສປປລາວ ເທົ່ານັ້ນ, ຖ້າຈະຕຳນິຄົນອື່ນຕ້ອງຄົ້ນເບິ່ງຕົນເອງພົບກ່ອນ, ຄົນລາວນອກ ເຂົາບໍ່ໃຊ້ພາສາການປະຕິວັດ,ຊຶ່ງ ອາດີດ ສະຫາຍ ພູມີ ວົງວິຈິດ ແຕ່ງດອກ, ເພາະພວກເຂົາເບື່ອສັນຍາ, ອະນຸສັນຍາ ວຽງຈັນທນ໌ ສະຫາຍ ດັ່ງກ່າວ ບໍ່ມີຄວາມຫັ້ມນໃຈ ບ້ຽວສັນຍາ ເພງຊາຕດີໆກໍ່ປ່ຽນແປງໃຫມ່ຫມົດ. ບຽດຄົງ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2016 12:42 PM

ABC

ຈາກ ABC

ເຫັນດີນາໍຄໍາເຫັນຂອງທ່ານ "ກູເບື່ອ". RFA ຄວນທົບທວນເບິ່ງຕົນເອງຄຶນ ບໍກ່ຽວກັບພາສາລາວຂອງພວກທ່ານ? ປະຈຸບັນພວກເຮົາຢູ່ໃນຍຸກສະໄໝໃໝ່. ຖ້າພວກທ່ານມັກການຂຽນແບບພາສາທໍາ, ພວກທ່ານກໍ່ຄວນໄປບວດແລ້ວຢູ່ວັດເລີຍສາບໍ່? ຄວນໃຈ້ແຍກໃຫ້ໃຫ້ເປັນວ່າສິ່ງໃດຖືກຕ້ອງ ແລະ ສິ່ງໃດຜິດ. ຖ້າບໍ່ຮູ້ກໍ່ຄວນຮຽນຫຼືຄົ້ນຄວ້າສຶກສາໃຫ້ລະອຽດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2016 12:44 PM

ເບິ່ງຄວາມເຫັນທັງໝົດ.

ເຕັມຫນ້າ