ລາວ-ວຽດນາມຫາລືຮ່ວມມື ພິເສດ

ຈໍາປາທອງ
2016-09-27
ອີແມວລ໌
ຄໍາເຫັນ
Share
ພິມ
ປະທານ ສະພາແຫ່ງຊາຕ ວຽດນາມ ມາດາມ ຫງຽວນ ທີກິມ ຫງານ ໃນວັນຖືກເລືອກຕັ້ງ.
ປະທານ ສະພາແຫ່ງຊາຕ ວຽດນາມ ມາດາມ ຫງຽວນ ທີກິມ ຫງານ ໃນວັນຖືກເລືອກຕັ້ງ.
screen capture from Vietnam news

ປະທານ ສະພາ ແຫ່ງຊາຕ ວຽດນາມ ມາດາມ ຫງຽວນ ທິກິມ ຫງານ ທີ່ ເດີນທາງ ມາຢ້ຽມຢາມ ສປປລາວ ໃນວັນທີ 26 ກັນຍາ ນີ້ ໄດ້ພົບພໍ້ ກັບ ປະທານ ປະເທດ ສປປລາວ ທ່ານ ບຸນຍັງ ວໍຣະຈິດ ຫລັງຈາກ ໄດ້ ເຈຣະຈາ ບັນຫາ ການຮ່ວມມື ຕ່າງໆ ກ່ຽວກັບ ຄວາມສັມພັນ ແບບພິເສດ ຮອບດ້ານ ຣະຫ່ວາງ ສອງປະເທດ ກັບ ຍານາງ ປານີ ຢາທໍຕູ ປະທານ ສະພາ ແຫ່ງຊາຕ ສປປ ລາວ.

ມາດາມ ຫງຽວນ ທິກິມ ຫງານ ເວົ້າຕໍ່ ທ່ານ ບຸນຍັງ ວ່າ ສອງຝ່າຍ ໄດ້ບັນລຸ ເຫັນດີເຫັນພ້ອມ ນໍາກັນ ກ່ຽວກັບ ແຜນຈັດຕັ້ງ ປະຕິບັດ ແລະ ການຮ່ວມມື ຣະຫວ່າງ ສອງ ສະພາ ແຫ່ງຊາຕ ຄື: ສອງຝ່າຍ ຈະເພີ້ມ ການແລກປ່ຽນ ຂໍ້ມູນ ແລະ ປະສົບການ ໃນດ້ານ ນິຕິບັນຍັດ ພ້ອມທັງ ການດູແລ ແລະ ການຕັດສິນໃຈ ໃນບັນຫາ ສໍາຄັນ ຂອງຊາຕ ພ້ອມທັງ ຮຽກຮ້ອງ ໃຫ້ຜູ້ນໍາ ສປປລາວ ສນັບສນູນ ຄວາມຜູກພັນ ດ້ານ ນິຕິບັນຍັດ ນີ້ ມາດາມ ຫງຽວນ ທິກິມ ຫງານ ເວົ້າວ່າ ໃນເວລາ ພົບພໍ້ ແລະ ເຈຣະຈາ ກັນນັ້ນ ທັງສອງຝ່າຍ ໄດ້ທົບທວນ ເບິ່ງການຈັດຕັ້ງ ປະຕິບັດ ການຮ່ວມມື ກັນ ໃນຫຼາຍປີ ຜ່ານມາ.

ສອງຝ່າຍ ເຫັນດີ ສືບຕໍ່ ການຝຶກອົບຮົມ ບຸຄລາກອນ ໂດຍສະເພາະ ແລກປ່ຽນ ບົດຮຽນ ດ້ານ ກົດໝາຍ ແລະ ນິຕິກັມ ຕ່າງໆ. ສອງຝ່າຍ ຈະເປັນຄູ່ຮ່ວມ ໃນການເປີດ ສະຖານທີ່ ປະຫວັດສາຕ ການ ປະຕິວັດ ລາວ ແລະ ວຽດນາມ ຢູ່ແຂວງ ເຊິນລາ ພາກ ເໜືອວຽດນາມ ເພື່ອ ສະຫລອງ ຄົບຮອບ 55 ປີ ຂອງ ການພົວພັນ ທາງການທູດ ແລະ ຄົບຮອບ 40 ປີ ຂອງ ສົນທິສັນຍາ ມິຕພາບ ແລະ ການຮ່ວມມື ຮອບດ້ານ.

ໃນປີຜ່ານມາ ໃນເວລາ ຮອງປະທານ ສະພາ ແຫ່ງຊາຕ ວຽດນາມ ໄດ້ມາ ຢ້ຽມຢາມ ລາວ ນັ້ນ ໄດ້ຮຽກຮ້ອງ ໃຫ້ ຝ່າຍລາວ ພິຈາຣະນາ ໃຫ້ ສັນຊາຕ ລາວ ແກ່ ຊາວວຽດນາມ ໃຫ້ໄວ, ສ້າງເງື່ອນໄຂ ທີ່ສະດວກ ໃຫ້ ທຸຣະກິຈ ແລະ ການລົງທຶນ ວຽດນາມ ໃນລາວ, ອໍານວຍ ຄວາມສະດວກ ໃຫ້ຄົນງານ ວຽດນາມ ທີ່ເຮັດວຽກ ໃນລາວ ແລະ ຍູ້ດັນ ໃຫ້ຝ່າຍລາວ ປະຕິບັດ ສັນຍາ ຫຼາຍຢ່າງ.

ຄໍາເຫັນ (2)
Share

ຄ.ນະຄຳມ່ວນ

ຈາກ ທ່າແຂກ

ຝ່າຍນິຕິບັນຍັດຂອງວຽດນາມ ນຳມາສັ່ງເຖິງທີ່ແລ້ວ ປະທານປະເທດ ສປປລາວແມ່ນເອົາຫົວແລ່ນຕາງຕີນ ນຳພາປະຕິບັດໃຫ້ໄດ້ ແບບຮອບດ້ານ ຕາມຄວາມປະສົງ, ພັກປະຊາຊົນປະຕິວັດລາວ ກໍ່ເປັນລູກໄມ້ໄຕ້ຕົ້ນ ຂອງພັກຄອມມູຍນິຕອິນໂດຈີນ, ຊຶ່ງໂຮຈີມິນມອບໃຫ້ ເອົາມາແຜ່ຜາຍຢູ່ລາວ, ໃຫ້ເກີດດອກອອກຜົລຕໍ່ໄປພາຍຫນ້າ. ແຕ່ຟ້າຫລັງຝົນໃນຍຸກນີ້ ຄວາມຫວັງທີ່ຄາດຄະເນ ເອົາໄວ້ແຕ່ຄາວກ່ອນນັ້ນຄົງຈາງຫາຍໄປ ຢ່າງຄາດຄະເນບໍ່ເຖິງເສັຍແລ້ວ, ຜົລທີ່ຈະໄດ້ຮັບກໍ່ຄົງຈະແມ່ນ ບາບກັບພວກກະທຳກັມກັບພວກປັ້ນແຕ່ງເທົ່ານັ້ນລະຕີ້!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 07, 2016 01:28 AM

ໄມຕານ

ຈາກ ເມືອງສິງ

ສະພາຜູ້ແທນລາວກັບວຽດ ແມ່ນອັນດຽວກັນ ໂຄງຮາ່ງລະບຽບຫລັກການ ເອກກະສານແມ່ນວຽດເປັນຜູ້ຄົ້ນຄວ້າ ແລ້ວສົ່ງມາໃຫ້ ຢູ່ລາວ ປະຕິບັດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 28, 2016 01:45 PM

ເຕັມຫນ້າ